Iˇsaˬyaˇ 3:14 - Akha

¹⁴ Aˬ yawꞈ-euˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu deuˬ hawˇ-eu, sahˬ paˬ sahˬ ma geuꞈ-eu deuˬ-ahˇ, aˬ yawꞈ heu loꞈ-ehˇ yaˇ kʼaˬ daˇ-eu meh. “Naw maꞈ aˬ gaꞈ yaˇ kmˇ laˆ cawˆ-euˬ deuˬ pyeuꞈ-awˇ, yaw shaˬ zaˬ deuˬ-ahˇ kʼaˆ dzaˬ-euˬ jeˬ, naw maꞈ iˇ kahˇ tiˬ byah jaˆ meh.

Iˇsaˬyaˇ 3:14 ပူးပေါင်းရင်းမြစ်များ

Yawˇbaˆ 22:4

Nawˇ Miˬyehˇ-ahˇ guˆ-eu baˬ da neh, aˬ yawꞈ nawˬ-ahˇ bye-awˇ kʼehˬ-eu maˬ ngeuˇ-a.

Yawˇbaˆ 24:14

Uˬ bya bya laˇ ngeh tsawˇ haˬ-ahˇ sehꞈ-eu gʼaˬ tuˇ laˇ-awˇ, shaˬ zaˬ zahˬ zaˬ deuˬ-ahˇ sehꞈ-awˇ, uˬ ciꞈ paw smˇ kʼoeˬ kʼoeˬ-eu meh.

Yawˇbaˆ 24:9

Haiˬ-eu tsawˇ haˬ deuˬ aˬ da maˬ baw-eu zaˬ deuˬ-ahˇ zaˬ kʼaˆ bi geuꞈ-awˇ, shaˬ zaˬ zahˬ zaˬ-euˬ aˬ buˇ aˬ li deuˬ-ahˇ dziˇ dzoˆ sawˇ geuꞈ-eu meh.

Yawˇbaˆ 34:23

Tsawˇ haˬ zaˬ-ahˇ yaˇ kʼaˬ daˇ nehˬ-eu gʼaˇ duˬ, Miˬyehˇ nah tsaˬ tsoˆ tsoˆ-ehˇ jawˇ-eu maˬ loˬ-a.

Jaceuq 10:9

Byoe-ahˇdzuˇzaꞈ-awˇloꞈluꞈ-eu, aˇlaˬjaˬshiˇtiˬmawˇloꞈ-ehˇ, iˇshaˬzaˬdeuˬ-ahˇ loꞈluꞈ-awˇ, tsawˬkawꞈ-awˇ baꞈahˇdzaˬ-eu meh.

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Iˇsaˬyaˇ 10:1

Maˬ tsaˬ maˬ dawˇ-eu zahˇ sahˇ kʼoꞈ taˬ-awˇ, aˬ cawˬ-ahˇ nawˬ dzaˬ kʼaˆ dzaˬ-eu zahˇ boꞈ doˆ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 10:2

Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 14:30

Shaˬ dui dui-eu ngaˬ-euˬ tsawˇ haˬ ya dzaˬ ya dawˇ dehˆ-awˇ, zahˬ dui dui-eu ngaˬ-euˬ tsawˇ haˬ nui saˇ oꞈ tehꞈ-a. Ehˇ kʼawꞈ, naw maꞈ tsawˇ haˬ tiˬ gʼaˬ-iˬ maˬ dehꞈ dzeuˇ nya ni, mehꞈ-eu shuꞈ-eu jeˬ ngaˇ bi keuˆ le ma.”

Iˇsaˬyaˇ 26:6

Yaw beh bi kʼehˬ bi kʼaˆ-euˬ tsawˇ haˬ deuˬ, meuˬ kʼoeˇ meuˬ-ahˇ nawˬ nawˬ-ehˇ cah tehꞈ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Iˇsaˬyaˇ 30:12

Ehˇ kʼawꞈ, Iˇsaˬleˬlaˆ-euˬ muiˬ-eu shawˇ-eu Miˬyehˇ, heu loꞈ-ehˇ ehˇ-eu meh. “Ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, nawˬ dzaˬ shuiˇ dzaˬ-eu meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 58:4

Naw maꞈ maˬ dzaˬ-eu zahˇ jahˇ luꞈ-eu heu, iˬ dehˬ iˬ ceh bi doˆ laˇ-eu gaˇ kawˆ tehꞈ meh. Naw maꞈ maˬ dzaˬ-eu zahˇ heu loꞈ-ehˇ jahˇ-eu baˬ da neh, naw maꞈ shaˇ dawˬ ngaˇ naˇ haˬ meh lehˇ noeˬ te loˇ.

Yeˬlaˬmiˇ 12:10

Boeˇ miˬ siˬ kʼaˬ sahˬ paˬ sahˬ ma deuˬ ga uiˬ-awˇ, ngaˬ-euˬ aˬ gaꞈ yaˇ kmˇ laˆ cawˆ-euˬ meh. Ngaˬ-euˬ deh yaˇ aˬ yawꞈ maꞈ nawˬ pahˬ-awˇ, muiˬ dui dui-eu miˇ tsaˬ kʼoeˇ-ahˇ kʼaˇ shuiꞈ deh yaˇ laˆ pyeuꞈ-eu meh.

Yeˬlaˬmiˇ 5:27

Aˇ jiˇ kʼmˇ-eu tsawˇ haˬ kʼa loˇ nyehꞈ byah taˬ-euˬ loꞈ-ehˇ, myawꞈ geuꞈ kʼaˆ geuꞈ taˬ-euˬ myawˬ gahˬ, aˬ yawꞈ maꞈ-euˬ nymˇ laꞈ kʼoeˇ byah-eu meh. Kʼoeˇ miˇ neh aˬ yawꞈ maꞈ smˇ muiˬ muiˬ-awˇ baoˬ ahˇ-eu meh.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 20:35

Miˇ kʼahˬ tsawˇ jeuˬ-euˬ bawˇ tsahˬ bawˇ dahˇ laꞈ kʼoeˇ naw maꞈ-ahˇ ngaˇ sheuˬ gʼeh-awˇ, kʼoeˇ gaˇ naw maꞈ-ahˇ ngaˇ myaˆ pyawˬ ciˬ daˬ-awˇ yaˇ kʼaˬ daˇ nehˬ ma.

Yeˬsaˬgeˬlaˇ 20:36

Naw maꞈ-euˬ aˬ poeˬ aˬ bawˇ deuˬ-ahˇ Siˇnaˆ bawˇ tsahˬ bawˇ dahˇ laꞈ kʼoeˇ ngaˇ yaˇ kʼaˬ daˇ nehˬ-euˬ loꞈ-ehˇ, naw maꞈ-ahˇ yaˇ kʼaˬ daˇ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Uˬ duˬ 25:14

Kʼoeˇ miˇ neh, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ-ahˇ miˇ tsaˬ ahˬ nehˬ ngeh maˬ ehˇ, zeuˇ ngeh maˬ ehˇ, kʼaˆ dzaˬ gahˇ dzaˬ-eu jeˬ taˬ mˇ.

Uˬ duˬ 25:17

Iˇsaˬleˬlaˆ tsawˇ haˬ cawˬ cawˬ, tsawˇ gahˇ taˬ gahˇ dzaˬ. Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˬ.

Aˬmoˆ 2:7

Gʼaˬ baˬ-awˇ maˬ gʼeh nya-eu deuˬ-ahˇ aˬ yawꞈ maꞈ nawˬ tehˬ-awˇ, iˇ shaˬ zaˬ deuˬ-ahˇ dehˬ dzeh-euˬ meh. Zaˬ miˬ zaˬ zaˬ kʼaˆ tiˬ gʼaˬ-ahˇ tehꞈ-ehˇ nyiˬ da zaˬ luꞈ yuꞈ taꞈ-eu laꞈ kʼoeˇ, muiˬ-eu shawˇ-eu ngaˬ-euˬ tsawˇ myahˇ-ahˇ laˆ jawꞈ-euˬ meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.

Miˇkaˬ 6:10

Haiˬ-eu tsawˇ haˬ deuˬ-euˬ nymˇ-ahˇ maˬ tsaˬ maˬ dawˇ-eu laꞈ kʼoeˇ laˆ za taˬ-euˬ pyuˇ shuiˇ jaˆ luꞈ meh. Ngaˇ bye dui dui-eu jeˬ pyeuꞈ-eu maˬ tsaˬ-eu kuˬ pehˬ daˇ dza deuˬ-ahˇ aˬ yawꞈ maꞈ zmˬ-eu meh.

Maꞈtehˬ 21:33

Yeˬsuˇ ehˇ-eu, “Yaw jeˬ ma jeˬ yawˬ hmˬ yawˬ-ahˇ paˇ naˇ haˬ sheˇ. Baw leˬ tiˬ gʼaˬ jawˇ-eu meh. Aˬ yawꞈ aˬ gaꞈ gaꞈ yaˇ tiˬ yaˇ yaˇ-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ kʼahˬ-awˇ, loꞈ-eu nymˇ goˇ tiˬ nymˇ tsoˆ taˬ-euˬ meh. Kʼoeˇ naˇ, yaˬ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.