Iˇsaˬyaˇ 3:10 - Akha

¹⁰ Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Iˇsaˬyaˇ 3:10 ပူးပေါင်းရင်းမြစ်များ

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Doˆ-iˇ 1:20

Aˬ nyiˇ ciˬ gaˇ laˆ saˆ-eu zaˬ miˬ zaˬ kʼoeˇ nyiˬ gʼaˬ-ahˇ Miˬyehˇ yaw muiˬ-ehˇ ngehˬ gʼeh nehˬ-euˬ miˇ neh, Iˇsaˬleˬlaˆ tsawˇ haˬ myaˬ laˇ behˇ laˇ luꞈ-eu meh.

Dawqdaq 10:6

Yaw tsaˬ yaw dawˇ tsawˇ haˬ-euˬ uˬ duˬ-ahˇ guiˬ lahˬ keuˆ-awˇ, maˬ tsaˬ ma dawˇ-eu tsawˇ haˬ-euˬ kʼaˬ meh-ahˇ, yaw haiˬ jeˬ myuˇ luꞈ-eu meh.

Dawqdaq 12:14

Yawˬ ha neh ngehˬ-euˬ tmˇ-euˬ dawˬ yawˬ ha-ahˇ mˇ cu-awˇ yawˬ ha neh mˇ-euˬ gaˇ yawˬ ha jawˇ gaˇ gʼoꞈ kʼoꞈ laˇ tehꞈ-a.

Dawqdaq 13:21

Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Yeˬlaˬmiˇ 15:11

Sahˬpaˬ Miˬyehˇ-oˇ, nawˬ-euˬ nui kʼahˇ ngaˇ maˬ mˇ byah-ehˇ, ngaˬ-ahˇ muiˇ-eu deuˬ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ-euˬ dah zaˇ ngaˇ nawˬ-ahˇ maˬ shaˇ ju-euˬ ngeuˇ naˇ, aˬ yawꞈ maꞈ neh yaˬ kʼehˇ kʼaˇ yaˬ-euˬ jeˬ ngaˬ-euˬ kʼoeˇ taˆ keuˆ le luꞈ-uˇ.

Yeˬlaˬmiˇ 21:14

Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Yeˬlaˬmiˇ 7:23

Ehˇ kʼawꞈ ni, ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ ni, ngaˬ-euˬ ehˇ dawˬ-ahˇ ya naˇ haˬ geuꞈ meh lehˇ, aˬ yawꞈ maꞈ-ahˇ ngaˬ neh biꞈ taˬ-euˬ dawˬ jaˆ ma. Yawˬ jeˬ na luꞈ laꞈ kʼoeˇ aˬ yawꞈ maꞈ guiˬ lahˬ za nya ni, ngaˬ neh dawˬ biꞈ-euˬ loꞈ-ehˇ dehꞈ-eu gʼaˇ duˬ, aˬ yawꞈ maꞈ-ahˇ ngaˇ ehˇ nehˬ-euˬ ma.

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.

Zeˬpaˬniˇ 2:3

Sahˬpaˬ Miˬyehˇ dawˬ naˇ haˬ-awˇ, nui nahˬ nui yu ahˇ-eu deuˬ-oˇ, Sahˬpaˬ Miˬyehˇ-ahˇ shaˇ caw-awˬ. Yaw tsaˬ yaw dawˇ jeˬ-ahˇ poˆ-awˬ. Nui nahˬ nui yu ahˇ-awˇ dehꞈ-awˬ. Sahˬpaˬ Miˬyehˇ nui ma pehˇ gaˇ, nawˇ ya buˬ-iˇ-eu baw tehꞈ-a.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Luˇkaꞈ 19:19

Aˬ yawꞈ ehˇ kʼoꞈ nehˬ-eu, ‘Meuˬ ngaˬ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’

Dawˬmehˬ 12:25

Zahˇ dawˬ kʼoꞈ dawˬ heu dawˬ-ahˇ naw maꞈ naˇ haˬ geuꞈ naˇ, Sahˬpaˬ Miˬyehˇ nui ma tsaˬ-awˇ, naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ tehꞈ-a.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.