Iˇsaˬyaˇ 29:5 - Akha

⁵ Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 29:5 ပူးပေါင်းရင်းမြစ်များ

Yawˇbaˆ 21:18

jaˬ lehˇ neh bi hehˇ dzaˬ gʼeh-euˬ gʼo yoeˬ loꞈ-ehˇ bi baw byoˆ gʼeh-awˇ, jaˬ lehˇ lehˇ ma neh bi baw ha gʼeh-euˬ kʼaˬ lehˇ loꞈ-ehˇ jahˇ nehˬ-euˬ jaˆ ta loˇ.

Jaceuq 1:4

Maˬtsaˬmaˬdawˇ-eu tsawˇhaˬ-aˬ , jaˬlehˇ neh bi hehˇdzaˬgʼeh-euˬ gʼo yoeˬ jehˆbymˇ-ahˇduˇ-eu meh.

Jaceuq 35:5

Jaˬlehˇgʼo yoeˬhehˇ-eu loꞈ-ehˇ, mˬtaˆgʼaˬkʼehˇneh teh luꞈ-uˇ.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 25:3

Baoˬ huiˬ-eu tsawˇ jeuˬ deuˬ nawˬ-ahˇ ja ceuˬ-awˇ, haiˬ-eu tsawˇ jeuˬ-euˬ meuˬ deuˬ laꞈ kʼoeˇ, nawˬ-ahˇ yaw zeu baw tehꞈ-a.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 25:5

miˇ tsaˬ gui ngeh mˬ gʼoˇ gʼoˇ caw gaˇ duˇ leˇ-eu meh. Ehˇ kʼawꞈ, nga maꞈ-ahˇ muiˇ-eu tsawˇ haˬ deuˬ-ahˇ, Sahˬpaˬ Miˬyehˇ nawˇ zuiˆ gʼaˬ-awˇ, nahˇ tsaˇ tsoꞈ gaˇ mˬ dmˇ joe shmˇ le-eu loꞈ-ehˇ, haiˬ-eu tsawˇ haˬ deuˬ-euˬ teˇ saˇ nawˇ laˆ naˬ nehˬ-euˬ meh.

Iˇsaˬyaˇ 29:20

Aˬ cawˬ-ahˇ kʼehˬ-eu deuˬ aˇ nah jiˇ-awˇ, aˬ cawˬ-ahˇ cehꞈ lehꞈ ka-eu deuˬ byoˆ le-awˇ, yaw haiˬ jeˬ mˇ-eu lehˇ jawˬ luꞈ-eu deuˬ bi coeˇ tsehˆ dzeh tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 31:3

Iˇjiˇtuˆ tsawˇ haˬ kʼawꞈ tsawˇ haˬ zaˬ meh. Miˬyehˇ maˬ ngeuˇ-a. Aˬ yawꞈ maꞈ-euˬ mahˬ deuˬ kʼawꞈ shiˬ shaˬ jiˇ meh. Maˬ shiˇ nya-eu yaw sahˇ maˬ ngeuˇ-a. Sahˬpaˬ Miˬyehˇ aˬ laꞈ cawˬ doˆ laꞈ ngeh, aˬ cawˬ-ahˇ caw ba nehˬ-eu miˇ kʼahˬ dawˬ teˇ teˇ-awˇ, aˬ cawˬ-ahˇ gʼoe-eu miˇ kʼahˬ coˬ-iˇ-eu miˇ neh, nyiˬ kʼahˬ tiˬ gaˇ luˬ-iˇ seˇ-iˇ tehꞈ-a.

Iˇsaˬyaˇ 31:8

“Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 40:15

Miˬyehˇ mehˬ shi miˇ kʼahˬ tsawˇ jeuˬ dawˬ tawˆ, iˇ cuꞈ tiˬ dzaˆ loˆ ni tehꞈ meh. Gaˇ mahˇ kaˬ gaˇ jaˆ-eu iˇ jaw lahˇ kʼoeˇ deuˬ kʼawꞈ, kʼaˬ lehˇ loꞈ-ehˇ pyaˇ sawˆ ni gʼeh-eu meh.

Iˇsaˬyaˇ 41:11

“Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.

Iˇsaˬyaˇ 41:15

Seuˬ yaw shuiꞈ taꞈ tsoꞈ-euˬ cehˇ diˬ lawˬ loꞈ-ehˇ, nawˬ-ahˇ ngaˇ bi pyeuꞈ laˇ ma. Gawˬ jawˬ deuˬ-ahˇ nawˇ diˬ meuˇ diˬ loeˇ-awˇ, gawˬ duˇ deuˬ-ahˇ kʼaˬ lehˇ laˆ lehˇ tehꞈ-a.

Iˇsaˬyaˇ 41:16

Aˬ yawꞈ maꞈ-ahˇ dzeh diˇ-awˇ, jaˬ lehˇ neh bi baw byoˆ gʼeh-awˇ, jaˬ lehˇ lehˇ ma neh bi hehˇ dzaˬ tehꞈ-a. Kʼoeˇ naˇ, ngaˇ naw maꞈ-euˬ Miˬyehˇ pyeuꞈ-eu miˇ neh, naw maꞈ laˬ kʼaˬ ya cehˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, naw maꞈ ja ceuˬ tehꞈ-a.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Iˇsaˬyaˇ 48:3

Iˇsaˬleˬlaˆ-ahˇ Sahˬpaˬ Miˬyehˇ ehˇ-eu, “Pyeuꞈ dzeuˇ-euˬ gaˇ kawˆ deuˬ aˇ hu ba neh ngaˇ ehˇ taˬ-awˇ, ja pyuˬ ni bi pyeuꞈ laˇ-euˬ ma.

Aˬmoˆ 5:9

Gʼaˬ kʼaˆ tsawˇ jeuˬ yawꞈ dehˬ coˬ-awˇ, yawꞈ maꞈ-euˬ taˆ laˆ cawˆ-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.