Iˇsaˬyaˇ 29:23 - Akha

²³ Naw maꞈ zaˬ oeˬ sahˇ le ngeh jawˇ, ngaˬ-euˬ guiˬ lahˬ-ahˇ noeˬ mawˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh lehˇ, ngaˬ-ahˇ naw maꞈ siˬ duˬ-eu baˬ da neh, ngaˬ-euˬ mehˬ shi zahˬ leˇ-awˇ yawꞈ-eu laꞈ kʼoeˇ, ngaˬ-ahˇ taˬ huiˬ taˬ mahˇ tehꞈ-a.

Iˇsaˬyaˇ 29:23 ပူးပေါင်းရင်းမြစ်များ

Iˇsaˬyaˇ 19:25

Aˬ yawꞈ maꞈ-ahˇ Sahˬpaˬ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ tehꞈ-a. “Ngaˬ-euˬ tsawˇ haˬ Iˇjiˇtuˆ tsawˇ jeuˬ, ngaˬ neh beh-euˬ Aˬshuˇliˆ tsawˇ jeuˬ hawˇ-eu, ngaˬ neh tseˇ doˆ-euˬ Iˇsaˬleˬlaˆ tsawˇ jeuˬ-ahˇ ngaˇ guiˬ lahˬ biꞈ-eu ma.”

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 8:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ muiˬ gaˇ shawˇ gaˇ taˬ ngehˇ. Nawˇ ngaˬ-ahˇ ya guˆ meh.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 19:5

Kʼoeˇ naˇ, dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Miˬyehˇ-euˬ zaˬkʼaˆ dawˬ tawˆ luꞈ, yawꞈ-ahˇ yaw zeu kʼaˇ baw-eu deuˬ, huiˬ zaˬ nyiˇ zaˬ kʼaˇ jawˇ kʼaˇ deuˬ, Aˬ dui Miˬyehˇ-ahˇ ja ceuˬ-awˬ.”