Iˇsaˬyaˇ 29:21 - Akha

²¹ Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Iˇsaˬyaˇ 29:21 ပူးပေါင်းရင်းမြစ်များ

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.

Dawqdaq 28:21

Myaˆ pyawˬ huiˬ nyiˇ tseˇ-eu jeˬ yawˬ lehˬ meh. Ehˇ kʼawꞈ, yaˇ kʼaˬ daˇ-eu tsawˇ haˬ tiˬ paˆ na deuˬ-aˬ, laꞈ nmꞈ ui cuiˆ nmꞈ nehˬ gaˇ noeˬ muiˬ-awˇ, huiˬ-eu yaw lehˬ mˇ nya-eu meh.

Iˇsaˬyaˇ 10:1

Maˬ tsaˬ maˬ dawˇ-eu zahˇ sahˇ kʼoꞈ taˬ-awˇ, aˬ cawˬ-ahˇ nawˬ dzaˬ kʼaˆ dzaˬ-eu zahˇ boꞈ doˆ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 32:7

Aˬ dzawˬ aˇ gah yaw haiˬ jeˬ shaˇ sawˇ-awˇ, yaw cawˆ jeˬ mˇ doˆ laꞈ-eu meh. Iˇ shaˬ zaˬ-ahˇ jaˬ myawꞈ mehˇ shuiˇ neh laˆ cawˆ-awˇ, maˬ mˇ bahˬ gaˇ lehˬ-eu shaˬ bymˇ bi tawˆ-eu meh.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 59:15

Yaw sui yaw dawˇ jeˬ maˬ jaˆ-eu miˇ neh, yaw haiˬ jeˬ maˬ mˇ-ehˇ byehˇ dzeh-eu deuˬ, aˬ cawˬ kʼehˬ duˬ pyeuꞈ-iˇ-eu meh.” Yaw tsaˬ yaw dawˇ jeˬ maˬ jaˆ gaˇ Sahˬpaˬ Miˬyehˇ mawˇ-awˇ, nui ma tiˬ pawꞈ-iˬ maˬ saˇ-a.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 36:29

Yuˇdaˆ sahˬ paˬ Yeˬhawˇyaˬkmˬ-ahˇ kʼawꞈ heu loꞈ-ehˇ ehˇ nehˬ-awˬ. “Sahˬ boꞈ paˇ yoˆ kʼoeˇ yoˆ-ahˇ nawˇ miˬ dzaˬ-ahˇ dawˆ puiˆ-awˇ, ‘Baˬbuˇloˬ sahˬ paˬ miˇ kʼahˬ heu kʼahˬ-ahˇ laˆ cawˆ le-awˇ, tsawˇ haˬ hawˇ-eu jeˬ zaˬ-ahˇ sehꞈ tehꞈ-a’ lehˇ aˬ jeˬ miˇ neh boꞈ te lehˇ, Yeˬlaˬmiˇ-ahˇ nawˇ naˇ haˬ-euˬ meh.

Yeˬsaˬgeˬlaˇ 13:19

Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 22:15

Kʼoeˇ naˇ, Paˬliˬsehˇ deuˬ doˆ-iˇ-awˇ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu gʼaˇ duˬ bawˬ dzaˬ-euˬ meh.

Maꞈtehˬ 26:15

“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Gʼaˬkʼehˇ 3:14

Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

Yaˇ kʼaˬ daˇ 12:6

“Shiˇbawˇlehˆ” lehˇ ehˇ haw sheˇ lehˇ ehˇ nehˬ-euˬ meh. Kʼoeˇ loꞈ-ehˇ maˬ ehˇ lawˆ nya-ehˇ, “Siˇbawˇlehˆ” lehˇ ehˇ naˇ, Eˇpaˬleˬ tsawˇ haˬ pyeuꞈ-eu yaw duˬ baw-eu miˇ neh, nyehꞈ-awˇ kʼoeˇ gaˇ sehꞈ-euˬ meh. Kʼoeˇ ngeh poˆ Eˇpaˬleˬ tsawˇ haˬ oeˬ muiˇ nyiˬ heˇ gʼaˬ bi sehꞈ-euˬ meh.