Iˇsaˬyaˇ 28:9 - Akha

⁹ Aˬ yawꞈ maꞈ ngaˬ-ahˇ bye-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-ahˇ mehˬ-eu tsoˆ-eu gʼeh ta. Aˬ yawꞈ mehˬ gaˇ aˬ suˇ gʼaˬ naˇ haˬ mawꞈ nga jeˇ. Aˬ coeˇ byehˇ-euˬ zaˬ nahˬ-ahˇ mehˬ luꞈ-uˇ.

Iˇsaˬyaˇ 28:9 ပူးပေါင်းရင်းမြစ်များ

Jaceuq 131:2

Ngaˬ-euˬ nui noeˬ nui kʼahˇ shiˇ-awˇ, ngaˬ-euˬ nui ma nui saˇ za ma. Aˬ ma-euˬ aˬ laꞈ laꞈ kʼoeˇ zaˬ nahˬ saˇ lehˆ ni yuꞈ-eu loꞈ-ehˇ, ngaˬ-euˬ nui ma saˇ lehˆ ni jaˆ ma.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Iˇsaˬyaˇ 30:20

Naw maꞈ kʼoeˇ taˆ, shaˬ-eu zahˬ-eu aˇ nah aˇ yamˬ Sahˬpaˬ Miˬyehˇ bi keuˆ le tehꞈ-a. Ehˇ kʼawꞈ, aˬ yawꞈ-euˬ gʼawˇ mawˇ naw maꞈ-ahˇ mehˬ nehˬ tsoˆ nehˬ le-awˇ, naw maꞈ aˬ yawꞈ-ahˇ poˆ poˆ-ehˇ, maˬ paˇ ya shaˬ meh.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Yeˬlaˬmiˇ 35:13

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Aˬ jeˬ miˇ neh naw maꞈ ngaˬ-euˬ dawˬ-ahˇ maˬ naˇ haˬ-ehˇ, ngaˬ neh mehˬ nehˬ tsoˆ nehˬ taˬ-euˬ loꞈ-ehˇ maˬ dehꞈ te lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ naˇ haˬ-euˬ ma.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Maˬkuˆ 10:15

Zaˬ yaw nyiˇ tiˬ gʼaˬ loꞈ-ehˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Yoˇhaˬ 12:38

Aˬ yawꞈ maꞈ maˬ jah-eu kʼoeˇ-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ heu dawˬ byah laˇ-eu gʼaˇ duˬ pyeuꞈ-eu meh. “Gaˇ kawˆ heu nga maꞈ ja mehˬ gaˇ, jah nehˬ laꞈ-eu aˬ suˇ jawˇ nmˇ. Heu-euˬ laꞈ kʼoeˇ Miˬyehˇ aˬ laꞈ, ahˇ luꞈ meh lehˇ aˬ suˇ mawˇ nmˇ.”

Yoˇhaˬ 3:19

Yaˇ kʼaˬ daˇ-eu kʼoeˇ-aˬ, heu loꞈ-ehˇ meh. Yaw shehꞈ kʼoeˇ miˇ tsaˬ kʼoeˇ taˆ oe-euˬ kʼawꞈ, tsawˇ haˬ zaˬ deuˬ yaw shehꞈ-ahˇ naˆ maˬ tseˇ yaw zahˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw haiˬ jeˬ mˇ-eu meh.

1 Beˬtuˆluˆ 2:2

Zaˬ nahˬ aˬ coeˇ mehꞈ-eu loꞈ-ehˇ, aˬ myah luꞈ maˇ jawˆ ni gʼeh-eu saꞈ laˇ aˬ coeˇ mehꞈ-awˬ. Aˬ coeˇ kʼoeˇ dawˇ-eu ba da neh naw maꞈ saꞈ laˇ paw huiˬ laˇ mahˇ laˇ-awˇ, ka kʼoꞈ-eu jeˬ za tehꞈ-a.