Iˇsaˬyaˇ 28:3 - Akha

³ Jiˇ baˬ yehꞈ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, aˬ kuiˇ pehˬ zaˬ neh bi nawˬ tehˬ tehꞈ-a.

Iˇsaˬyaˇ 28:3 ပူးပေါင်းရင်းမြစ်များ

2 Sahˬpaˬ 9:33

“Aˬ yawꞈ-ahˇ biˬ ka leꞈ-awˬ” lehˇ, aˬ yawꞈ maꞈ-ahˇ Yeˬhuˇ ehˇ nehˬ ngeh, aˬ yawꞈ maꞈ Yeˬsaˬbeˬlaˇ-ahˇ biˬ ka-awˇ, kaˇ pyawˇ hawˇ-eu mahˬ-ahˇ aˬ yawꞈ-euˬ shiˬ teuˆ lehꞈ-euˬ meh. Kʼoeˇ ngeh, Yeˬhuˇ mahˬ laˆ lawˬ teh-awˇ, aˬ yawꞈ-ahˇ lehˬ pyehˆ-euˬ meh.

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Iˇsaˬyaˇ 26:6

Yaw beh bi kʼehˬ bi kʼaˆ-euˬ tsawˇ haˬ deuˬ, meuˬ kʼoeˇ meuˬ-ahˇ nawˬ nawˬ-ehˇ cah tehꞈ-a.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 5:11

Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Iˇsaˬyaˇ 9:9

Iˇsaˬleˬlaˆ tsawˇ haˬ dawˬ tawˆ luꞈ siˬ le tehꞈ-a. Eˇpaˬleˬ tsawˇ jeuˬ hawˇ-eu Saˬmaˬliˆ meuˬ-ahˇ kʼaˇ jawˇ-eu tsawˇ haˬ deuˬ siˬ le tehꞈ-a. Aˬ yawꞈ maꞈ nui ma huiˬ-eu laꞈ kʼoeˇ, heu loꞈ-ehˇ dawˬ kʼaˆ ngehˬ-eu meh.

Ngoeˇ dawˬ 1:15

“Gʼaˬ kʼaˆ-eu ngaˬ-euˬ yehˇ deuˬ-ahˇ, Sahˬpaˬ Miˬyehˇ naˬ gʼa haw-awˇ, guiˇ maꞈ tiˬ maꞈ pyehˬ gʼeh leꞈ-awˇ, zaˬ guˬ deuˬ-ahˇ bi sehꞈ-euˬ meh. Aˬ gaꞈ dzaˇ uiˇ nawˬ-eu loꞈ-ehˇ, Yuˇdaˆ miˇ kʼahˬ-euˬ miˬ daꞈ-ahˇ, Sahˬpaˬ Miˬyehˇ kʼehˬ nehˬ-euˬ meh.

Daˬyeˬlaˇ 8:13

Mˬ taˆ gʼaˬ kʼehˇ tiˬ gʼaˬ mˬ taˆ gʼaˬ kʼehˇ yawˬ gʼaˬ yawˬ-ahˇ heu loꞈ-ehˇ naˇ haˬ gaˇ ngaˇ ya gaˬ-euˬ ma. “Yaw sahˇ laꞈ kʼoeˇ ya siˬ yaw mawˇ luꞈ-eu gaˇ kawˆ heu deuˬ, aˇ myah keuˆ ni heu loꞈ-ehˇ tehꞈ-ehˇ jaˆ-eu gʼeh ta. Aˬ yawꞈ nah yawꞈ lawˇ-eu shehˇ-eu jeˬ mˇ-eu dah zaˇ, iˬ baˇ mˇ mˇ-ehˇ jawˇ-eu teu aˇ myah keuˆ ni jaˆ-eu gʼeh ta. Mˬ taˆ guiˇ maꞈ hawˇ-eu Uˬ duˬ tahˬ nymˇ nymˇ ma-ahˇ, aˇ myah keuˆ ni bi nawˬ pahˬ-eu gʼeh ta.”

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

Panmaeq 11:2

Ehˇ kʼawꞈ, uˬ duˬ tahˬ nymˇ-euˬ laꞈ nyiˇ pu ka guiˇ ga ceuˬ-ahˇ maˬ dza haw ni bi jaˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Muiˬ-eu shawˇ-eu Meuˬ-ahˇ ba la oeˬ tseˇ nyiꞈ siˬ byah ni tsawˬ nawˬ nawˬ le-eu aˬ cawˬ tsawˇ jeuˬ deuˬ gʼaˇ duˬ taˬ taˬ-euˬ jawˇ duˬ pyeuꞈ-eu meh.