Iˇsaˬyaˇ 28:28 - Akha

²⁸ Cehˇ diˬ-eu deuˬ gʼaˬ shaˇ-eu laꞈ dza tsaˬ leˇ-awˇ, cehˇ dzahˬ baꞈ ahˇ paˇ yamˬ siˬ nya meh. Cehˇ siˬ maˬ nawˬ paˆ ni nawˬ-eu gaˇ kawˆ, cehˇ nawˬ-eu deuˬ siˬ nya-eu meh.

Iˇsaˬyaˇ 28:28 ပူးပေါင်းရင်းမြစ်များ

Iˇsaˬyaˇ 21:10

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-oˇ, naw maꞈ cehˇ diˬ-eu loꞈ-ehˇ bi diˬ-euˬ meh. Ehˇ kʼawꞈ, Iˇsaˬleˬlaˆ-euˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ jawˇ gaˇ neh oe-euˬ, laˬ kʼaˬ cehˇ paˬ-ehˇ gʼeh-eu dawˬ, naw maꞈ-ahˇ ngaˇ tsaꞈ gaˬ-eu ma.

Iˇsaˬyaˇ 28:27

Gʼawˬ paꞈ aˇ nuiˆ hawˇ-eu nmˬ siˬ kʼaˇ ngeh, diˬ ma neh ma ya diˬ-eu siˬ nya-awˇ, daˇ cuiˇ cuiˇ zaˬ neh juiꞈ-eu meh.

Iˇsaˬyaˇ 28:29

Zaˬ siˬ nui gahˇ heu deuˬ dawˬ tawˆ, Baoˬ huiˬ-eu Sahˬpaˬ Miˬyehˇ neh biꞈ-euˬ tehꞈ meh. Miˬyehˇ nui ma tsawˇ gahˇ byah-awˇ, maˬ mˇ pyeuꞈ nya-eu jeˬ maˬ jaˆ-a.

Yeˬlaˬmiˇ 10:24

Sahˬpaˬ Miˬyehˇ-oˇ, nawˬ-euˬ tsawˇ jeuˬ-ahˇ mehˬ nehˬ tsoˆ nehˬ laꞈ-awˬ. Ehˇ kʼawꞈ, aˇ dzehˬ taˬ dzeuˇ nehˬ laꞈ. Nga maꞈ-ahˇ nawˇ nui ma pehˇ-awˇ kʼehˬ ngeh, aˇ saˬ saˬ-eu jeˬ taˬ bi keuˆ le laꞈ.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Bawˇtsahˬ 7:3

aˬ yawꞈ maꞈ-euˬ lawˇ-eu jeˬ Sahˬpaˬ Miˬyehˇ jawˇ gaˇ yuˇ laꞈ-euˬ meh. Laˆ lawˬ koꞈ laˇ hawˇ-eu mawˇ neˇ mawˇ gaw tseˇ nyiꞈ mawˇ yuˇ laꞈ-euˬ meh. Nyiˬ gʼaˬ-euˬ laˆ lawˬ tiˬ laˇ hawˇ-eu tiˬ gʼaˬ-euˬ mawˇ neˇ mawˇ gaw tiˬ mawˇ doˇ-ehˇ yuˇ laꞈ-euˬ jeˬ pyeuꞈ-eu meh. Aˬ yawꞈ maꞈ kʼoeˇ loꞈ-ehˇ yuˇ laꞈ-awˇ biꞈ nehˬ laˇ gʼaˬ ngeh,

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Yoˇhaˬ 12:24

Ngaˇ naw nyaꞈ-ahˇ maˇ jawˆ ni ehˇ-eu ma. Cehˇ cehˇ nuiˆ tiˬ nuiˆ-aˬ, miˇ tsaˬ-ahˇ ga-iˇ-awˇ maˬ shiˇ kʼoeˇ keuˆ ni, cehˇ cehˇ nuiˆ tiˬ nuiˆ tehꞈ meh. Ehˇ kʼawꞈ, cehˇ cehˇ nuiˆ kʼoeˇ nuiˆ shiˇ ngeh, cehˇ cehˇ nuiˆ gʼawˬ mya ni paˇ myaˬ laˇ-eu meh.

1 Gawˇliˬtu 3:9

Aˬ jeˬ miˇ neh ehˇ naˇ, nga nyaꞈ-aˬ, Miˬyehˇ-euˬ gaˇ-ahˇ tiˬ kawˆ loꞈ-ehˇ mˇ luꞈ-eu gaˇ mˇ cawˬ pyeuꞈ-eu ma. Naw maꞈ-aˬ, Miˬyehˇ-euˬ deh yaˇ meh. Naw maꞈ-aˬ, Miˬyehˇ tsoˆ luꞈ-eu nymˇ meh.