Iˇsaˬyaˇ 28:22 - Akha

²² Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Iˇsaˬyaˇ 28:22 ပူးပေါင်းရင်းမြစ်များ

2 Laˬsaˬbaˬ 30:10

Sahˬ boꞈ biꞈ ha leˇ-euˬ tsawˇ haˬ deuˬ-aˬ, Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ jawˇ-eu miˇ kʼahˬ-ahˇ jaˆ-eu meuˬ yawˬ meuˬ na luꞈ-ahˇ le-awˇ, laꞈ taˆ paw pyawˬ-ahˇ Zeˬbuˬloˬ tsawˇ jeuˬ jawˇ gaˇ keuˆ ni le keuˆ-euˬ meh. Ehˇ kʼawꞈ, tsawˇ haˬ kʼoeˇ deuˬ aˬ yawꞈ maꞈ-ahˇ uiˇ uiˇ-ehˇ naˬ gʼa-eu meh.

2 Laˬsaˬbaˬ 33:11

Kʼoeˇ miˇ neh, Aˬshuˇliˆ guiˇ maꞈ deuˬ-ahˇ Yuˇdaˆ miˇ kʼahˬ laꞈ kʼoeˇ Sahˬpaˬ Miˬyehˇ bi uˇ le-euˬ meh. Aˬ yawꞈ maꞈ Maˬnaˇseˬ-ahˇ nyehꞈ-awˇ, naˇ mehˇ-ahˇ shmˇ kuˆ seuˬ siˇ ceuˬ-awˇ, shmˇ caˆ paꞈ-eu laꞈ kʼoeˇ, Baˬbuˇloˬ meuˬ-ahˇ tsahˇ gʼeh-euˬ meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Jaceuq 107:16

Guiˬ shuiˇ laˇ gʼoˆ aˬ yawꞈ ngawˬ pyaˆ-awˇ, shmˇ gʼoˆ kʼehˬ ngawˬ kʼehꞈ dzeh-euˬ meh.

Doˆ-iˇ 8:25

Kʼoeˇ naˇ, Moˇseˬ hawˇ-eu Aˬloˬ-ahˇ sahˬ paˬ kuˇ-awˇ, “Iˇ-awˬ. Miˇ kʼahˬ heu kʼahˬ laꞈ kʼoeˇ, naw maꞈ-euˬ Miˬyehˇ-ahˇ lawˇ nehˬ shehˇ nehˬ-iˇ-awˬ” lehˇ ehˇ nehˬ-euˬ meh.

Dawqdaq 19:29

Aˬ jaꞈ mehˬ hu guiˇ oꞈ aˬ dzawˬ naˇ kʼah daˇ cuiˇ.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 28:23

Ngaˇ ngehˬ-eu dawˬ-ahˇ naˇ haˬ-awˇ, ngaˇ ehˇ gaˇ naˬ bawˇ ciˬ kʼmˇ-awˬ.

Yeˬlaˬmiˇ 15:17

Ngaˇ aˬ cawˬ nehˬ-ehˇ uiˇ uiˇ-ehˇ laˬ kʼaˬ cehˇ-eu laꞈ kʼoeˇ, aˇ yamˬ maˬ bi jiˇ haw-aˬ. Nawˬ-euˬ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha jawˇ-awˇ, nui ma pehˇ pehˇ-ehˇ shaˬ-euˬ ma. Aˬ jeˬ miˇ neh ngaˬ-euˬ shaˬ zahˬ maˬ jiˇ ta.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 25:11

Miˇ kʼahˬ heu kʼahˬ kʼahˬ lah ni cawˆ-iˇ jiˇ-awˇ, tsawˬ guˆ-iˇ paˬ-ehˇ jaˆ tehꞈ-a. Dawˬ peh jaˆ-eu miˇ kʼahˬ deuˬ, Baˬbuˇloˬ sahˬ paˬ-euˬ zaˬ kʼaˆ shiꞈ tseˇ kʼoꞈ ya geuꞈ tehꞈ-a.

Yeˬlaˬmiˇ 36:23

Yeˬhuˇdi sahˬ boꞈ smˬ bymˇ oeˬ bymˇ kʼaˇ gui gʼaˬ ngeh, gui gʼaˬ-eu deuˬ-ahˇ mi cehˇ jiˇ baˆ neh sahˬ paˬ yehˬ tsehˆ doˆ-awˇ, miˬ dzaˬ-ahˇ dawˆ puiˆ-euˬ meh. Sahˬ boꞈ paˇ yoˆ yoˆ lah-ehˇ puiˆ dzaˬ jiˇ ngeh keuˆ ni, tiˬ poˆ saˇ-i tiˬ poˆ aˬ yawꞈ kʼoeˇ loꞈ-ehˇ jahˇ-euˬ meh.

Yeˬlaˬmiˇ 39:7

Kʼoeˇ naˇ, Zeˬdaˬkiˇ-euˬ myaˆ nuiˆ tsawˆ behꞈ nehˬ-awˇ, Baˬbuˇloˬ miˇ kʼahˬ-ahˇ tsahˇ gʼeh-eu gʼaˇ duˬ, shmˇ caˆ daˬ-awˇ bi jawˇ-euˬ meh.

Ngoeˇ dawˬ 1:14

“Ngaˬ neh mˇ-euˬ iˬ baˇ dawˬ tawˆ, aˬ yawꞈ ngaˬ-ahˇ ciˬ pi leꞈ-awˇ, kawˬ lahˇ-ahˇ paꞈ gʼeu nehˬ laꞈ-euˬ, maˬ daˬ coeˇ ni shiˇ leˇ miˇ-a. Sahˬpaˬ Miˬyehˇ ngaˬ-ahˇ kʼehˬ-awˇ, ngaˇ maˬ ciˬ daˬ coeˇ ni kʼaˆ-eu, muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ciˬ ahˇ nehˬ laꞈ-euˬ meh.

Yeˬsaˬgeˬlaˇ 22:14

Nawˬ-ahˇ ngaˇ yaw kʼaˆ-ehˇ jahˇ nehˬ le ngeh jawˇ, nawˇ maˬ guˆ ni jawˇ tehˬ coeˇ-awˇ, nawˬ-euˬ aˬ laꞈ baꞈ diˇ-eu gʼaˬ ahˇ tehꞈ-a loˇ. Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh kʼaˇ ehˇ-euˬ loꞈ-ehˇ mˇ ma.

Naˬhmˬ 1:9

Sahˬpaˬ Miˬyehˇ-ahˇ bahˬ-eu jeˬ, nawˇ mˇ ma lehˇ noeˬ-eu ngeuˇ naˇ, yaw cawˆ jeˬ ya tahˬ puˬ tehꞈ-a. Aˬ yawꞈ-ahˇ bahˬ-eu jeˬ mˇ naˇ, tiˬ poˆ taꞈ-ehˇ maˬ mˇ dzeuˇ nya.

Maꞈtehˬ 27:39

Iˇ tsehˆ laˇ tsehˆ-eu deuˬ uˬ duˬ juiꞈ-awˇ, Yeˬsuˇ-ahˇ yehˬ bawˬ sehˇ lu-ehˇ ehˇ-eu meh.

Maꞈtehˬ 27:44

Aˬ yawꞈ nehˬ-ehˇ tiˬ kawˆ loꞈ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ tahˇ joe kʼoeˇ nyiˬ gʼaˬ kʼawꞈ, aˬ yawꞈ-ahˇ kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu meh.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.