Iˇsaˬyaˇ 28:21 - Akha

²¹ Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Iˇsaˬyaˇ 28:21 ပူးပေါင်းရင်းမြစ်များ

2 Saˬmeuˬlaˆ 5:20

Kʼoeˇ naˇ, Baˬlaˇpeˬlaˬzmˬ-ahˇ Daˬbiˇ iˇ-awˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. “Ngaˬ-ahˇ muiˇ-eu deuˬ-ahˇ Sahˬpaˬ Miˬyehˇ neh iˇ jeuˬ jeuˬ-eu loꞈ-ehˇ tahˬ paˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

2 Saˬmeuˬlaˆ 5:25

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Daˬbiˇ mˇ-awˇ, Piˇliˇtiˆ tsawˇ haˬ deuˬ-ahˇ, Geˬbaˬ meuˬ-ahˇ neh Geˬzeuˬ meuˬ-ahˇ keuˆ ni teh kʼoꞈ gʼeh-euˬ meh.

1 Laˬsaˬbaˬ 14:11

Kʼoeˇ naˇ, Baˬlaˇpeˬlaˬzmˬ lehˇ kuˇ-eu jawˇ duˬ-ahˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-awˇ, deuˆ gʼaˬ-euˬ meh. Kʼoeˇ ngeh jawˇ, “Miˬyehˇ ngaˬ-ahˇ zmˬ-awˇ, muiˇ-eu tsawˇ haˬ kʼoeˇ deuˬ-ahˇ iˇ jeuˬ jeuˬ-euˬ loꞈ-ehˇ dehˬ paˆ doˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

1 Laˬsaˬbaˬ 14:16

Miˬyehˇ neh dawˬ kʼaˇ biꞈ nehˬ-euˬ loꞈ-ehˇ Daˬbiˇ mˇ-awˇ, Piˇliˇtiˆ tsawˇ haˬ deuˬ-ahˇ Giˇbyoˬ meuˬ-ahˇ neh Geˬzeuˬ meuˬ-ahˇ doˆ ni teh kʼoꞈ gʼeh-euˬ meh.

Jaceuq 94:16

Maˬ tsaˬ maˬ dawˇ-eu tsawˇ haˬ deuˬ mehˬ shi, ngaˬ-euˬ gʼaˇ duˬ aˬ suˇ gʼaˬ yawꞈ daˬ nmˇ. Yaw haiˬ jeˬ mˇ-eu tsawˇ haˬ deuˬ mehˬ shi, ngaˇ jawˇ paw aˬ suˇ gʼaˬ pyawˬ nmˇ.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 28:19

Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Iˇsaˬyaˇ 29:23

Naw maꞈ zaˬ oeˬ sahˇ le ngeh jawˇ, ngaˬ-euˬ guiˬ lahˬ-ahˇ noeˬ mawˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh lehˇ, ngaˬ-ahˇ naw maꞈ siˬ duˬ-eu baˬ da neh, ngaˬ-euˬ mehˬ shi zahˬ leˇ-awˇ yawꞈ-eu laꞈ kʼoeˇ, ngaˬ-ahˇ taˬ huiˬ taˬ mahˇ tehꞈ-a.

Iˇsaˬyaˇ 64:2

Iˇ buiˇ buiˇ-eu loꞈ-ehˇ aˬ yawꞈ maꞈ yaw dzuˬ dzuˬ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ baoˬ bi mawˇ-awˇ, nawˬ-euˬ mehˬ shi miˇ kʼahˬ tsawˇ jeuˬ deuˬ yaw dzuˬ bi dzuˬ-awˬ.

Iˇsaˬyaˇ 65:7

Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Ngoeˇ dawˬ 3:33

Tsawˇ haˬ zaˬ bi noeˬ shaˬ-eu lehˇ, daˇ miˬ-ehˇ aˬ yawꞈ maˬ jahˇ-a.

Yeˬsaˬgeˬlaˇ 33:21

Nga maꞈ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ-euˬ tseˇ nyiꞈ kʼoꞈ tiˬ kʼoꞈ, ba la tseˇ siˬ tiˬ siˬ ngaˬ nah-ahˇ, Yeˬluˇsaˬlehˬ meuˬ-ahˇ neh cehˆ dzeuˇ doˆ laꞈ-euˬ tsawˇ haˬ tiˬ gʼaˬ ngaˇ jawˇ gaˇ laˇ-awˇ, meuˬ kʼoeˇ meuˬ aˬ cawˬ laꞈ-ahˇ ahˇ leˇ-euˬ gaˇ kawˆ tsaꞈ gaˬ laˇ-euˬ meh.

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.

Yawˇshuˆ 10:10

Iˇsaˬleˬlaˆ tsawˇ haˬ deuˬ-euˬ mehˬ shi, Aˬmawˇliˆ tsawˇ haˬ deuˬ-ahˇ Sahˬpaˬ Miˬyehˇ bi tsawˬ guˆ-iˇ-euˬ meh. Giˇbyoˬ meuˬ-ahˇ, Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ sehꞈ-awˇ, Behˬhawˇleuˬ meuˬ dawˬ peh gawˬ jawˬ gʼaˬ lahˇ paw teh ka gʼeh-awˇ, laꞈ oˆ paw pyawˬ-ahˇ jaˆ-eu Aˬzeˬkaˬ meuˬ hawˇ-eu Maˬgeˬdaˬ meuˬ-ahˇ keuˆ ni deuˆ deuˆ-ehˇ teh-euˬ meh.

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Yawˇshuˆ 10:12

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”