Iˇsaˬyaˇ 28:18 - Akha

¹⁸ Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 28:18 ပူးပေါင်းရင်းမြစ်များ

Iˇsaˬyaˇ 2:15

Nymˇ goˇ kʼaˇ ngeuˇ-eu coˬ pyaˆ-awˇ, meuˬ lahˇ dawˬ tawˆ luꞈ byaˆ le tehꞈ-a.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Iˇsaˬyaˇ 28:3

Jiˇ baˬ yehꞈ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, aˬ kuiˇ pehˬ zaˬ neh bi nawˬ tehˬ tehꞈ-a.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Iˇsaˬyaˇ 7:7

“Ehˇ kʼawꞈ, kʼoeˇ loꞈ-ehˇ maˬ laˆ pyeuꞈ nya-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Iˇsaˬyaˇ 8:8

Yuˇdaˆ miˇ kʼahˬ-ahˇ aˬ yawꞈ maꞈ iˇ jeuˬ jeuˬ ahˇ leꞈ-awˇ, kawˬ lahˇ-ahˇ keuˆ ni jeuˬ keuˆ laꞈ-awˇ, yawˬ jeˬ na luꞈ-ahˇ dahˬ pymˬ jiˇ tehꞈ-a. Iˇ jeuˬ kʼoeˇ miˇ kʼahˬ kʼoeˇ coeˇ heu coeˇ doˆ ni oe byah leꞈ tehꞈ-a.” Miˬyehˇ-oˇ, nga maꞈ nehˬ-ehˇ jawˇ nehˬ laꞈ.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

Yeˬlaˬmiˇ 2:37

Shaꞈ dawˇ-eu miˇ neh myaˆ pyawˬ maˬ ciˬ diˇ coeˇ ni, Iˇjiˇtuˆ miˇ kʼahˬ-ahˇ naw maꞈ ya doˆ-iˇ tehꞈ-a. Nawˇ nui kʼaˬ tsmˬ luꞈ-eu deuˬ-ahˇ, Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, aˬ yawꞈ maꞈ nawˬ-ahˇ maˬ paˇ caw ba nehˬ nya meh.”

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Yeˬlaˬmiˇ 47:2

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Kʼoeˇ taˆ paw iˇ cuꞈ dahˬ goˇ daˆ laˇ-awˇ, iˇ jeuˬ jeuˬ le tehꞈ-a. Miˇ tsaˬ hawˇ-eu kʼaˇ jaˆ-eu jeˬ dawˬ tawˆ kʼoeˇ taˆ, meuˬ deuˬ hawˇ-eu meuˬ-ahˇ jawˇ-eu tsawˇ haˬ kʼoeˇ taˆ, iˇ cuꞈ yoeˇ pymˬ tehꞈ-a. Tsawˇ haˬ zaˬ deuˬ caw ba le-awˬ lehˇ guˇ tehꞈ-a. Miˇ tsaˬ zaˬ dawˬ tawˆ luꞈ guˇ guˇ-ehˇ ngoeˇ tehꞈ-a.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Yeˬsaˬgeˬlaˇ 13:11

Aˬ yawꞈ maꞈ-euˬ meuˬ lahˇ byaˆ-iˇ-eu gʼeh luꞈ meh lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ ehˇ nehˬ-awˬ. Ngaˇ uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga deh le-awˇ, meuˬ lahˇ kʼoeˇ-ahˇ jaˬ lehˇ lehˇ ma bi baw ma.

Yeˬsaˬgeˬlaˇ 17:15

Ehˇ kʼawꞈ, Yuˇdaˆ sahˬpaˬ puiˬ-awˇ, mahˬ deuˬ hawˇ-eu yehˇ deuˬ gʼawˬ mya ni caw ba nehˬ laꞈ gaˇ noeˬ tmˬ-awˇ, Iˇjiˇtuˆ sahˬpaˬ jawˇ gaˇ tsawˇ haˬ pyehˬ gʼeh-euˬ meh. Aˬ yawꞈ kʼoeˇ loꞈ-ehˇ leh jeh pyeuꞈ nya tehꞈ-a loˇ. Aˬ yawꞈ kʼoeˇ loꞈ-ehˇ teuˆ-awˇ teuˆ buˬ nya tehꞈ-a loˇ. Aˬ yawꞈ saˇ jaˇ puiˬ-euˬ baˬ da neh, kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-a.”

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Naˬhmˬ 1:8

Iˇ jeuˬ jeuˬ ma oe-eu loꞈ-ehˇ, yawꞈ-ahˇ muiˇ-eu tsawˇ haˬ deuˬ-ahˇ, tiˬ saˬ tiˬ li laˆ cawˆ-eu meh. Yawꞈ-ahˇ ciˬ daˬ leˇ-eu deuˬ-ahˇ, tsawˇ shiˇ uˬ kʼawˇ maˬ bi dzeuˇ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Panmaeq 12:15

Byaˆ yahˬ kʼoeˇ mawˇ-aˬ, zaˬ miˬ zaˬ kʼoeˇ gʼaˬ bi bu byoˆ gʼeh-eu gʼaˇ duˬ, kʼaˬ meh-ahˇ iˇ jeuˬ jeuˬ ma tahˬ kʼaˇ doˆ leꞈ-euˬ meh.

Panmaeq 17:15

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ paˇ ehˇ-eu meh. “Nawˬ neh ya mawˇ-euˬ meh maˬ laˇ kʼoeˇ gʼaˬ nuiˇ luꞈ-eu iˇ cuꞈ kʼoeˇ deuˬ-aˬ, miˇ tsaˬ tsawˇ jeuˬ tsawˇ ca deuˬ pyeuꞈ-eu meh.