Iˇsaˬyaˇ 28:17 - Akha

¹⁷ Yaw tsaˬ yaw dawˇ jeˬ-ahˇ biˇ tsehˆ-ehˇ gawˬ tehˬ-awˇ, yaw sui yaw dawˇ jeˬ-ahˇ tsawˬ tuˇ-ehˇ gawˬ daˆ ma. Naw maꞈ-euˬ jaˬ myawꞈ mehˇ shuiˇ-ahˇ uˬ yehˇ aˇ siˬ deh cawˆ-awˇ, naw maꞈ cehˆ zaꞈ duˬ-ahˇ iˇ jeuˬ dehˬ dzaˬ tehꞈ-a.”

Iˇsaˬyaˇ 28:17 ပူးပေါင်းရင်းမြစ်များ

2 Sahˬpaˬ 21:13

Saˬmaˬliˆ meuˬ hawˇ-eu sahˬ paˬ Aˬhaˆ aˬ ha da zaˬ-ahˇ ngaˬ neh kʼehˬ nehˬ kʼaˆ nehˬ-euˬ loꞈ-ehˇ, Yeˬluˇsaˬlehˬ meuˬ-ahˇ ngaˇ kʼehˬ nehˬ ma. Shiˆ shawˇ-awˇ moꞈ tsahˬ taˬ-euˬ hawˬ gʼawˆ tiˬ gʼawˆ loꞈ-ehˇ, tsawˇ haˬ maˬ jawˇ-ehˇ pyeuꞈ-iˇ ngeh keuˆ ni Yeˬluˇsaˬlehˬ meuˬ-ahˇ, juˇ tsui ni jahˇ nehˬ ma.

Yawˇbaˆ 22:16

Aˬ yawꞈ maꞈ-euˬ aˇ nah aˇ yamˬ maˬ keuˆ laˇ mi naˆ-ehˇ, iˇ jeuˬ oe-awˇ bi dehˬ dzaˬ-euˬ meh.

Jaceuq 94:15

Yaˇ kʼaˬ daˇ-eu nymˇ laꞈ kʼoeˇ yaw tsaˬ yaw dawˇ jeˬ paˇ jaˆ le-awˇ, yaw tsaˬ yaw dawˇ tsawˇ haˬ dawˬ tawˆ luꞈ nui kʼahˇ shiˇ tehꞈ-a.

Iˇsaˬyaˇ 10:22

Nymˬ-mˇ Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ dui dui kʼawꞈ, ui cuiˆ tehꞈ-ehˇ gʼoꞈ doˆ laˇ tehꞈ-a. Luˬ-iˇ seˇ-iˇ-eu jeˬ kʼaˬ dahˇ tiˬ byah ni lehˬ hmˬ taˬ-euˬ loꞈ-ehˇ, nui kʼahˇ tiˬ shiˇ bi keuˆ le-euˬ meh.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Iˇsaˬyaˇ 28:2

Aˬ yawꞈ maꞈ-ahˇ guiˇ bi deuˆ le-eu lehˇ, baoˬ huiˬ-awˇ gʼaˬ kʼaˆ-eu tsawˇ haˬ-ahˇ, Sahˬpaˬ Miˬyehˇ bi lehˬ hmˬ taˬ-euˬ meh. Uˬ yehˇ aˇ siˬ ga le-eu loꞈ-ehˇ, uˬ yehˇ yehˇ ma ma le-eu loꞈ-ehˇ, iˇ jeuˬ jeuˬ le-eu loꞈ-ehˇ aˬ yawꞈ oe-awˇ, miˇ kʼahˬ kʼoeˇ kʼahˬ-ahˇ laˆ cawˆ le tehꞈ-a.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 30:28

Aˬ yawꞈ saꞈ gʼawˇ ka ngeh, kawˬ lahˇ-ahˇ keuˆ-eu iˇ jeuˬ oe gaˇ duˇ-awˇ, yawˬ jeˬ na luꞈ hehˇ dzaˬ gʼeh-eu loꞈ-ehˇ, miˇ kʼahˬ tsawˇ jeuˬ hawˇ-eu aˬ yawꞈ maꞈ-euˬ yaw haiˬ dawˬ tawˆ luꞈ hehˇ dzaˬ gʼeh-eu meh.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

Yeˬlaˬmiˇ 23:19

Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Yeˬlaˬmiˇ 7:14

Kʼoeˇ baˬ da neh, Shiˇloˬ meuˬ-ahˇ ngaˬ neh kʼaˇ jahˇ nehˬ-euˬ loꞈ-ehˇ, naw maꞈ gʼoe luꞈ-eu ngaˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu, naw maꞈ-ahˇ ngaˬ neh biꞈ taˬ-euˬ jawˇ duˬ heu tsahˇ nyiˬ paˆ-ehˇ, Shiˇloˬ meuˬ kʼoeˇ taˆ keuˆ le-euˬ jeˬ ngaˇ bi keuˆ le ma.

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Daˬyeˬlaˇ 11:22

Aˬ yawꞈ-euˬ ehˇ dawˬ maˬ geuꞈ-eu tsawˇ haˬ aˬ geu gʼaˬ maˬ kaˬ, Miˬyehˇ-euˬ Piˇ ma Yaw huiˬ gʼaˬ-ahˇ keuˆ ni, tiˬ gʼaˬ-iˬ maˬ bi dzeuˇ-iˇ ni laˆ byoˆ nehˬ tehꞈ-a.

Naˬhmˬ 1:8

Iˇ jeuˬ jeuˬ ma oe-eu loꞈ-ehˇ, yawꞈ-ahˇ muiˇ-eu tsawˇ haˬ deuˬ-ahˇ, tiˬ saˬ tiˬ li laˆ cawˆ-eu meh. Yawꞈ-ahˇ ciˬ daˬ leˇ-eu deuˬ-ahˇ, tsawˇ shiˇ uˬ kʼawˇ maˬ bi dzeuˇ-a.

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”

Lormav 2:2

Kʼoeˇ loꞈ-ehˇ dehꞈ-eu tsawˇ haˬ deuˬ-ahˇ Miˬyehˇ yaˇ kʼaˬ daˇ nehˬ-eu-aˬ, tsaˬ-eu meh lehˇ aˬ dui siˬ nya ma.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Lormav 9:28

Aˬ jeˬ miˇ neh ehˇ naˇ, miˇ tsaˬ dawˬ tawˆ luꞈ-ahˇ Miˬyehˇ yaw kawˇ-ehˇ tiˬ saˬ tiˬ li yaˇ kʼaˬ daˇ nehˬ tehꞈ-a.”

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 16:21

Smˬ tseˇ jawꞈ-i dzehˬ ni byah-eu uˬ yehˇ aˇ siˬ deuˬ mˬ-ahˇ neh ga le-awˇ, tsawˇ haˬ zaˬ-ahˇ ga deh le-euˬ meh. Uˬ yehˇ aˇ siˬ bi ga le-awˇ kʼehˬ-eu kʼaˆ-eu kʼoeˇ poˆ, kʼoeˇ naˆ naˆ-ehˇ guˆ laˇ paˬ-ehˇ gʼeh-eu miˇ neh, a yawꞈ maꞈ Miˬyehˇ-ahˇ yaˬ kʼehˇ toˇ-eu meh.

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.