Iˇsaˬyaˇ 27:9 - Akha

⁹ Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 27:9 ပူးပေါင်းရင်းမြစ်များ

2 Sahˬpaˬ 10:26

Kʼoeˇ gaˇ jaˆ-eu muiˬ-eu shawˇ-eu kʼawˇ zeuˇ baꞈ doˆ-awˇ, miˬ dzaˬ dzah puiˆ dzeh-euˬ meh.

2 Sahˬpaˬ 23:14

Sahˬ paˬ Yawˇshiˆ-aˬ, kʼaˬ lo kʼawˇ zeuˇ deuˬ deh meuˇ-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ deuˆ coꞈ dzeh-euˬ uˬ taꞈ, tahˬ pahˬ aˬ ma mawˇ kawˇ kʼoeˇ deuˬ jaˆ-eu tsahˇ-ahˇ, tsawˇ haˬ-euˬ shaˬ yoeˬ neh gahˬ tehˬ-euˬ meh.

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

2 Laˬsaˬbaˬ 14:5

Yuˇdaˆ miˇ kʼahˬ-ahˇ jaˆ-eu meuˬ dawˬ tawˆ luꞈ laꞈ kʼoeˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ hawˇ-eu yaw saw jeˬ doꞈ damˬ-eu lawˇ duˬ deuˬ-ahˇ aˬ yawꞈ laˆ cawˆ-euˬ miˇ neh, aˬ yawꞈ uˆ lahˇ-eu uˬ moˆ miˇ kʼahˬ kʼoeˇ kʼahˬ coꞈ ngehˇ ni jaˆ-euˬ meh.

2 Laˬsaˬbaˬ 34:4

Aˬ yawꞈ-euˬ tsawˇ haˬ deuˬ-ahˇ aˬ yawꞈ kʼehˇ gʼeh-awˇ, Baˬlaˇ miˬ yehˇ-ahˇ uˬ duˬ tahˬ-eu jawˇ duˬ deuˬ hawˇ-eu, kʼoeˇ-euˬ dawˬ peh jaˆ-eu yaw saw jeˬ doꞈ damˬ-eu lawˇ duˬ deuˬ-ahˇ bi deh pyaˆ jiˇ-euˬ meh. Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ hawˇ-eu tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ aˬ yawꞈ maꞈ laˆ meuˇ laˆ loeˇ jiˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ lawˇ nehˬ shehˇ nehˬ-euˬ tsawˇ haˬ deuˬ-euˬ lmˬ bymˇ kʼoeˇ taˆ byaˆ-euˬ meh.

2 Laˬsaˬbaˬ 36:19

Uˬ duˬ tahˬ nymˇ nymˇ ma hawˇ-eu meuˬ aˬ yawꞈ-ahˇ, sahˬ paˬ-euˬ hawˇ nymˇ deuˬ hawˇ-eu kʼaˇ muiˬ kʼaˇ jaˬ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ miˬ dzaˬ keuˬ dzeh jiˇ-awˇ, meuˬ meuˬ lahˇ laˆ byaˆ-euˬ meh.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Doˆ-iˇ 34:13

Ehˇ kʼawꞈ, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ kʼawꞈ, laˆ cawˆ nehˬ-awˬ.

Dawqdaq 20:30

Tsawˇ haˬ zaˬ-euˬ nui ma laˆ paˇ-eu jeˬ, maˇ naˇ-ahˇ kawˆ shawˇ-eu loꞈ-ehˇ naˇ laˇ-eu meh.

Iˇsaˬyaˇ 1:29

Naw maꞈ uˬ duˬ tahˬ-eu aˇ bawˇ kʼoeˇ deuˬ baˬ da neh, naw maꞈ kʼoeˇ taˆ shaꞈ dawˇ-eu jeˬ keuˆ le-awˇ, naw maꞈ neh ka-euˬ muiˬ-eu shawˇ-eu yaˇ kmˇ baˬ da neh, naw maꞈ myaˆ pyawˬ ya cawˆ tehꞈ-a.

Iˇsaˬyaˇ 17:8

tsawˇ haˬ zaˬ uˬ duˬ tahˬ shaˇ leˇ tehꞈ-a. Aˬ yawꞈ maꞈ-euˬ aˬ laꞈ neh jahˇ taˬ-euˬ lawˇ duˬ deuˬ-ahˇ, aˬ yawꞈ maꞈ maˬ paˇ gʼoe-ehˇ, aˬ yawꞈ maꞈ-euˬ kuiˇ zaˇ laꞈ zaˇ pyeuꞈ-eu, Aˬsheˇlaˬ miˬ yehˇ ma-euˬ mawˇ kawˇ deuˬ hawˇ-eu, tsiˇ yaw saw jeˬ doꞈ damˬ-eu lawˇ duˬ-ahˇ, myaˆ haw maˬ cawˬ ni byehˇ tehꞈ-a.

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Iˇsaˬyaˇ 4:4

Sahˬpaˬ Miˬyehˇ aˬ yawꞈ-euˬ baoˬ-ahˇ gʼoe-awˇ, aˬ yawꞈ-euˬ tsawˇ jeuˬ-ahˇ yaˇ kʼaˬ daˇ-awˇ bi muiˬ bi shawˇ laˇ-eu laꞈ kʼoeˇ, Yeˬluˇsaˬlehˬ meuˬ-euˬ iˬ baˇ hawˇ-eu, kʼoeˇ gaˇ yoeˇ dzeh-euˬ shiˬ deuˬ tsiˬ shawˇ nehˬ tehꞈ-a.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 48:10

Pyuˇ-ahˇ miˬ dzaˬ neh lawˬ haw-eu loꞈ-ehˇ, guˆ-eu gaˆ-eu miˬ dzaˬ laꞈ kʼoeˇ, nawˬ-ahˇ ngaˇ lawˬ haw-awˇ, nawˇ gaˇ dahˇ maˬ tsoeˬ-eu laˆ duˬ-euˬ ma.

Yeˬsaˬgeˬlaˇ 11:18

Aˬ yawꞈ maꞈ gʼoꞈ le ngeh, aˬ yawꞈ maꞈ kʼaˇ ya mawˇ-eu jawꞈ dui dui-awˇ nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ, aˬ yawꞈ maꞈ ya biˬ dzeh jiˇ meh.

Yeˬsaˬgeˬlaˇ 20:38

Naw maꞈ laꞈ kʼoeˇ ngaˬ-ahˇ puiˬ-awˇ iˬ baˇ mˇ-eu deuˬ ngaˇ yuˇ dzeh ma. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ, nymˬ-mˇ aˬ yawꞈ maꞈ ya jawˇ luꞈ-eu miˇ kʼahˬ laꞈ kʼoeˇ neh ngaˇ sheuˬ doˆ nehˬ ma. Ehˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ maˬ bi gʼoꞈ jawˇ laˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˆ kawˆ naw maꞈ ya siˬ duˬ tehꞈ-a.”

Yeˬsaˬgeˬlaˇ 6:4

Lawˇ duˬ deuˬ bi laˆ cawˆ-awˇ, yaw saw jeˬ doꞈ damˬ duˬ bi ngawˬ kʼehꞈ jiˇ tehꞈ-a. Kʼoeˇ gaˇ jawˇ-eu tsawˇ haˬ dawˬ tawˆ luꞈ, aˬ yawꞈ maꞈ-euˬ lawˇ duˬ dawˬ peh bi sehꞈ tehꞈ-a.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Miˇkaˬ 5:11

Naw maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-ahˇ ngaˇ laˆ cawˆ-awˇ, ziꞈ dah ni tsoˆ taˬ-euˬ taˆ deuˬ-ahˇ ngaˇ laˆ byaˆ ma.

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Lormav 11:27

Aˬ yawꞈ maꞈ-euˬ iˬ baˇ-ahˇ ngaˇ, yuˇ dzeh nehˬ gʼaˬ jiˇ ngeh tiˬ jawˇ, ngaˬ-euˬ dawˬ ma saˇ jaˇ heu hmˬ, aˬ yawꞈ maꞈ nehˬ-ehˇ ngaˇ dzaˬ ma.”

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

Dawˬmehˬ 12:3

Aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ meuˇ laˆ loeˇ nehˬ jiˇ-awˬ. Aˬ yawꞈ maꞈ-euˬ Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ deuˆ coˬ dzeh-awˬ. Jawˇ duˬ kʼoeˇ deuˬ-ahˇ tiˬ jawˇ-iˬ uˬ duˬ maˬ paˇ ya tahˬ ni laˆ piˬ laˆ byoˆ nehˬ-awˬ.

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”