Iˇsaˬyaˇ 27:5 - Akha

⁵ Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Iˇsaˬyaˇ 27:5 ပူးပေါင်းရင်းမြစ်များ

Yawˇbaˆ 22:21

Yawˇbaˆ-oˇ, Miˬyehˇ-ahˇ dehꞈ tsaˬ-awˇ, aˬ yawꞈ-ahˇ muiˇ-eu tsawˇ haˬ loꞈ-ehˇ taˬ paˇ mˇ. Nawˇ kʼoeˇ loꞈ-ehˇ jahˇ naˇ aˬ yawꞈ guiˬ lahˬ biꞈ laꞈ tehꞈ-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Iˇsaˬyaˇ 42:19

Ngaˬ-euˬ zaˬ kʼaˆ maˬ tseˇ myaˆ behꞈ behꞈ-eu gʼaˬ jawˇ ta loˇ. Ngaˬ neh pyehˬ gʼeh leꞈ-euˬ gʼaˬ naˆ maˬ tseˇ naˬ bawˬ bawˬ-eu gʼaˬ jawˇ ta loˇ.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Iˇsaˬyaˇ 56:2

Jawˇ nah-ahˇ maˬ laˆ jawꞈ ni lah daw-eu laꞈ kʼoeˇ, yaw haiˬ jeˬ maˬ mˇ-eu tsawˇ haˬ deuˬ guiˬ lahˬ huiˬ tehꞈ-a.”

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 14:32

Maˬ deuˆ gʼaˬ nya paˬ-ehˇ gʼeh naˇ, a cawˬ gaˇ mahˇ kaˬ gaˇ laˇ luꞈ ngeh neh, aˬ yawꞈ-euˬ dah zaˇ tsawˇ haˬ pyehˬ gʼeh-awˇ ja tsaˬ geuꞈ tehꞈ-a.

Luˇkaꞈ 19:42

heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Yawˇshuˆ 10:6

Giˇbyoˬ meuˬ-ahˇ jawˇ-eu tsawˇ haˬ deuˬ, Giˇlaˇgaˬlaˇ-ahˇ sehˬ gʼawˆ gʼawˆ-awˇ loꞈ-eu Yawˇshuˆ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Nga maꞈ-ahˇ taˬ byehˇ dzeh nehˬ laꞈ. Yaw kawˇ-ehˇ laˇ-awˇ nga maꞈ-ahˇ caw ba laˇ-awˬ. Nga maꞈ-ahˇ ka kʼoꞈ nehˬ laꞈ-awˬ. Gawˬ jawˬ gawˬ duˇ paw jawˇ-eu Aˬmawˇliˆ tsawˇ jeuˬ sahˬ paˬ dawˬ tawˆ luꞈ gm leˇ-awˇ, nga maꞈ-ahˇ guiˇ deuˆ luꞈ meh.”