Iˇsaˬyaˇ 27:10 - Akha

¹⁰ Ziꞈ dah ni gʼeh-eu meuˬ deuˬ byaˆ-iˇ-awˇ, bawˇ tsahˬ bawˇ dahˇ pyeuꞈ-iˇ tehꞈ-a. Meuˬ kʼoeˇ deuˬ jeˬ zaˬ gaˆ kʼahˬ pyeuꞈ-iˇ jiˇ-awˇ, jeˬ zaˬ deuˬ kʼoeˇ gaˇ yuꞈ tehꞈ-a.

Iˇsaˬyaˇ 27:10 ပူးပေါင်းရင်းမြစ်များ

Iˇsaˬyaˇ 17:2

Suˇliˆ miˇ kʼahˬ laꞈ kʼoeˇ jaˆ-eu meuˬ deuˬ-aˬ, meuˬ coeˬ coeˬ-iˇ jiˇ-eu miˇ neh, yawˇ hawˇ-eu mawˇ neˇ gaˆ kʼahˬ pyeuꞈ-iˇ-awˇ, teh doˆ-eu gʼaˬ maˬ jawˇ ni gaˆ tehꞈ-a.

Iˇsaˬyaˇ 17:9

Iˇsaˬleˬlaˆ tsawˇ haˬ deuˬ baˬ da neh, Hiˇbiˇ tsawˇ jeuˬ hawˇ-eu Aˬmawˇliˆ tsawˇ jeuˬ, meuˬ byehˇ dzeh-awˇ cehˆ-euˬ loꞈ-ehˇ, aˇ nah aˇ yamˬ kʼoeˇ keuˆ le ngeh, aˬ yawꞈ maꞈ-euˬ meuˬ deuˬ ya byehˇ dzeh-awˇ, bi laˆ cawˆ jiˇ tehꞈ-a.

Iˇsaˬyaˇ 24:10

Meuˬ laꞈ kʼoeˇ suˬ saˬ dui dui-eu miˇ neh, yawˬ gʼaˬ na luꞈ laˇ gʼoˆ kaꞈ deuˇ-awˇ jawˇ-eu meh.

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Iˇsaˬyaˇ 32:19

Bawˇ tsahˬ-ahˇ uˬ yehˇ aˇ siˬ ga le-awˇ, meuˬ bi deh meuˇ leꞈ kʼawꞈ,

Iˇsaˬyaˇ 35:1

Kʼaˇ shuiꞈ deh yaˇ laˬ kʼaˬ cehˇ-awˇ, bawˇ tsahˬ-ahˇ aˇ yehˆ poˬ laˇ tehꞈ-a.

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Iˇsaˬyaˇ 7:21

“Aˇ nah aˇ yamˬ kʼoeˇ yamˬ keuˆ le ngeh, tsawˇ haˬ tiˬ gʼaˬ-euˬ mawˇ neˇ mawˇ kʼaˇ tiˬ mawˇ hawˇ-eu ciꞈ myehꞈ nyiˬ ma tehꞈ-ehˇ cu dzeuˇ nya-euˬ kʼawꞈ,

Iˇsaˬyaˇ 7:25

Tsehˬ ma baꞈ-awˇ yaˇ kʼaˇ mˇ dzaˬ-euˬ gawˬ jawˬ gawˬ duˇ deuˬ, aˬ gah baw duˆ yaˇ saˬ pyeuꞈ jiˇ-awˇ, tiˬ gʼaˬ-iˬ maˬ iˇ maˬ laˇ tsehˆ-eu jeˬ zaˬ pyehˬ kʼahˬ pyeuꞈ-iˇ tehꞈ-a.”

Yeˬlaˬmiˇ 25:37

Sahˬpaˬ Miˬyehˇ nui ma pehˇ dui dui-eu miˇ neh, nui saˇ oꞈ-eu miˇ kʼahˬ cawˆ-iˇ tehꞈ-a.

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Ngoeˇ dawˬ 5:18

Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Yeˬsaˬgeˬlaˇ 36:4

Gawˬ jawˬ gawˬ duˇ deuˬ, lawˇ gawˆ gʼaˬ lawˬ deuˬ bi laˆ cawˆ-euˬ jawˇ duˬ deuˬ hawˇ-eu, dawˬ peh jawˇ-eu tsawˇ jeuˬ deuˬ neh pyuˇ shuiˇ myawˬ gah bi ceh geuꞈ jiˇ-awˇ, kʼaˇ ehˇ doeˇ mawꞈ-eu bi ehˇ doeˇ bi ehˇ doeˇ-ehˇ, ciˬ cuˇ ni jaˆ-euˬ meuˬ deuˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.