Iˇsaˬyaˇ 27:1 - Akha

¹ Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Iˇsaˬyaˇ 27:1 ပူးပေါင်းရင်းမြစ်များ

Yawˇbaˆ 26:13

Aˬ yawˬ-euˬ saꞈ neh mˬ baw shawˇ-awˇ, cehˆ dzeuˇ-eu lehˇ leh jeh-eu laˆ shaˆ byaˆ yahˬ-ahˇ, aˬ yawꞈ-euˬ aˬ laꞈ neh sehꞈ-euˬ meh.

Yawˇbaˆ 3:8

Byaˆ yahˬ-ahˇ kʼehˇ dzaˬ nya-eu nyiˇ paˬ shaˆ ma deuˬ-ahˇ, aˇ nah kʼoeˇ nah-ahˇ yaˬ kʼehˇ yaˬ-awˬ lehˇ ehˇ nehˬ-awˬ.

Yawˇbaˆ 40:19

Aˬ yawꞈ-aˬ, ngaˬ neh kʼaˇ beh taˬ-eu yaw dehꞈ dehꞈ-eu jeˬ dawˬ tawˆ luꞈ laꞈ kʼoeˇ zahˬ dui dui leˇ paˬ-ehˇ gʼeh-eu jeˬ meh. Aˬ yawꞈ-ahˇ beh-euˬ gʼaˬ tehꞈ-ehˇ aˬ yawꞈ-ahˇ gʼaˬ leˇ-eu meh.

Yawˇbaˆ 41:1

Byaˆ yahˬ-ahˇ nawˇ ngaˬ juiꞈ neh juiꞈ paꞈ nya-awˇ, aˬ yawꞈ-euˬ mehˬ laˇ-ahˇ aˇ caˆ neh paꞈ cuꞈ nya te loˇ.

Jaceuq 104:26

Laˆ shaˆ kʼoeˇ taˆ saˇ baoˬ deuˬ cah luꞈ-awˇ, nawˬ neh beh taˬ-euˬ laˆ shaˆ byaˆ yahˬ kʼoeˇ mawˇ, laˆ shaˆ dawˬ dah niˇ gʼa luꞈ meh.

Jaceuq 45:3

Baoˬ huiˬ-eu sahˬ paˬ-oˇ, nawˬ-euˬ mi cehˇ shaꞈ-awˇ, baoˬ hawˇ-eu yaw shehꞈ kʼahˬ sehˇ-ahˇ dm-awˬ.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 65:12

Ngaˇ kuˇ ngeh naw maꞈ-euˬ naˬ bawˇ maˬ gaˬ leˇ-ehˇ, ngaˬ-euˬ dawˬ-ahˇ naw maꞈ maˬ naˇ haˬ-eu miˇ neh, naw maꞈ shaˆ shiˇ ya shiˇ tehꞈ-a. Ngaˬ-euˬ ehˇ dawˬ maˬ naˇ haˬ ni yaw haiˬ mˇ-eu gʼaˇ duˬ, naw maꞈ nui tsehˆ ahˇ taˬ-euˬ meh.

Iˇsaˬyaˇ 65:25

Kʼaˬ yehˇ hawˇ-eu yawˇ zaˬ tiˬ gaˇ gaˆ-awˇ, aˇ laˬ jaˬ shiˇ mawˇ neˇ nehˬ-ehˇ gʼo yoeˬ dzaˬ-awˇ, aˇ lawˇ maˬ toˆ laˇ-ehˇ pyeuꞈ-iˇ tehꞈ-a. Ngaˬ-euˬ muiˬ-eu shawˇ-eu Ziˇoˬ gawˬ jawˬ kʼoeˇ taˆ, yaw haiˬ jeˬ hawˇ-eu guˆ-eu gaˆ-eu jeˬ, dawˬ tawˆ luꞈ byoˆ-iˇ jiˇ tehꞈ-a.”

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Yeˬlaˬmiˇ 47:6

‘Sahˬpaˬ Miˬyehˇ-euˬ mi cehˇ-oˇ, aˬ myah gʼaˬ naˬ naˬ-eu gʼeh te. Mi cehˇ tawˆ kʼawˆ laꞈ kʼoeˇ gʼoꞈ uˇ leˇ-awˇ, ciˬ cuˇ ni gʼaˬ naˬ naˬ leˇ nehˬ laꞈ-awˬ’ lehˇ, naw maꞈ ngoeˇ ngoeˇ-ehˇ shaˇ tehꞈ-a.

Yeˬlaˬmiˇ 51:13

Miˇ kʼahˬ kʼoeˇ kʼahˬ lawˇ baˬ gʼawˬ mya gawˆ yoeˇ-awˇ, pyuˇ shuiˇ myawˬ gahˬ gʼawˬ mya ni jaˆ kʼawꞈ, aˬ yawꞈ-euˬ aˇ yamˬ jiˇ le-awˇ, shaꞈ gʼawˇ caˆ tsehˆ-iˇ-euˬ gaˇ duˇ-eu meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Panmaeq 12:3

Zahˬ leˇ paˬ-ehˇ gʼeh-eu yawˬ jeˬ yawˬ mˬ kʼoeˇ taˆ paˇ ya mawˇ-euˬ ma. Neˇ tseuˆ ni gʼeh-eu byaˆ yahˬ tiˬ mawˇ uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh. Uˬ duˬ aˬ yawꞈ siˬ yawꞈ-ahˇ, shuiˇ uˬ kʼoˆ kʼoˆ luꞈ-eu meh.

Panmaeq 13:11

Kʼoeˇ naˇ, miˇ tsaˬ-ahˇ doˆ laˇ-euˬ jeˬ zaˬ yaw haiˬ tiˬ mawˇ ngaˇ paˇ ya mawˇ-euˬ ma. Yawˇ-euˬ uˬ coeˇ-ahˇ duˇ-eu uˬ coeˇ nyiˬ coeˇ tsoꞈ-awˇ, byaˆ yahˬ loꞈ-ehˇ dawˬ ngehˬ-eu meh.

Panmaeq 13:4

Byaˆ yahˬ kʼoeˇ mawˇ aˬ yawꞈ-euˬ uˆ lahˇ-eu baoˬ deuˬ jeˬ zaˬ kʼoeˇ mawˇ-ahˇ biꞈ nehˬ-euˬ miˇ neh, yawˬ gʼaˬ na luꞈ byaˆ yahˬ kʼoeˇ mawˇ-ahˇ uˬ duˬ tahˬ-eu meh. Jeˬ zaˬ yaw haiˬ kʼoeˇ mawˇ-ahˇ kʼawꞈ, aˬ yawꞈ maꞈ uˬ duˬ tahˬ-awˇ, “Jeˬ zaˬ yaw haiˬ heu mawˇ-ahˇ duˇ-eu aˬ suˇ gʼaˬ jawˇ ta. Aˬ yawꞈ-ahˇ guiˇ deuˆ peuˬ-eu aˬ suˇ gʼaˬ jawˇ ta” lehˇ ehˇ-eu meh.

Panmaeq 16:13

Kʼoeˇ naˇ, kʼaˬ paˬ-ahˇ duˇ-eu maˬ shawˇ-eu yaw sahˇ smˬ sahˇ-ahˇ ngaˇ ya mawˇ-euˬ ma. Yaw sahˇ kʼoeˇ deuˬ-aˬ, byaˆ yahˬ kʼoeˇ mawˇ-euˬ kʼaˬ meh, jeˬ zaˬ yaw haiˬ kʼoeˇ mawˇ-euˬ kʼaˬ meh hawˇ-eu, maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-euˬ kʼaˬ meh-ahˇ neh doˆ le-euˬ meh.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 17:15

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ paˇ ehˇ-eu meh. “Nawˬ neh ya mawˇ-euˬ meh maˬ laˇ kʼoeˇ gʼaˬ nuiˇ luꞈ-eu iˇ cuꞈ kʼoeˇ deuˬ-aˬ, miˇ tsaˬ tsawˇ jeuˬ tsawˇ ca deuˬ pyeuꞈ-eu meh.

Panmaeq 19:21

Aˬ yawꞈ maꞈ-euˬ guiˇ maꞈ deuˬ-aˬ, mahˬ dziˬ luꞈ-eu gʼaˬ-euˬ kʼaˬ meh-ahˇ doˆ le-euˬ miˬ cehˇ neh bi sehꞈ jiˇ-euˬ meh. Aˇ jiˇ dawˬ tawˆ luꞈ aˬ yawꞈ maꞈ-euˬ shaˬ jiˇ tiˬ dehˆ dzaˬ-euˬ meh.

Panmaeq 2:16

Kʼoeˇ miˇ neh, nawˬ-euˬ iˬ baˇ-ahˇ byehˇ dzeh-awˬ. Maˬ byehˇ dzeh naˇ, nawˇ jawˇ gaˇ ngaˇ yaw kawˇ-ehˇ oe-awˇ, ngaˬ-euˬ kʼaˬ meh-ahˇ doˆ le-euˬ mi cehˇ neh tsawˇ haˬ kʼoeˇ deuˬ-ahˇ ngaˇ guiˇ deuˆ ma.

Panmaeq 20:2

Aˇ hu-euˬ aˇ lawˇ kʼoeˇ mawˇ pyeuꞈ-eu byaˆ yahˬ kʼoeˇ mawˇ-ahˇ aˬ yawꞈ nyehꞈ-awˇ, tiˬ heˇ kʼoꞈ byah ni shmˇ caˆ neh paꞈ tawꞈ taˬ-euˬ meh. Aˇ lawˇ kʼoeˇ-aˬ, Nehꞈ sahˬ paˬ hawˇ-eu nehꞈ Saˬdaˬ lehˇ kʼawꞈ ehˇ nya-eu meh.