Iˇsaˬyaˇ 26:6 - Akha

⁶ Yaw beh bi kʼehˬ bi kʼaˆ-euˬ tsawˇ haˬ deuˬ, meuˬ kʼoeˇ meuˬ-ahˇ nawˬ nawˬ-ehˇ cah tehꞈ-a.

Iˇsaˬyaˇ 26:6 ပူးပေါင်းရင်းမြစ်များ

2 Sahˬpaˬ 9:33

“Aˬ yawꞈ-ahˇ biˬ ka leꞈ-awˬ” lehˇ, aˬ yawꞈ maꞈ-ahˇ Yeˬhuˇ ehˇ nehˬ ngeh, aˬ yawꞈ maꞈ Yeˬsaˬbeˬlaˇ-ahˇ biˬ ka-awˇ, kaˇ pyawˇ hawˇ-eu mahˬ-ahˇ aˬ yawꞈ-euˬ shiˬ teuˆ lehꞈ-euˬ meh. Kʼoeˇ ngeh, Yeˬhuˇ mahˬ laˆ lawˬ teh-awˇ, aˬ yawꞈ-ahˇ lehˬ pyehˆ-euˬ meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Iˇsaˬyaˇ 28:3

Jiˇ baˬ yehꞈ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, aˬ kuiˇ pehˬ zaˬ neh bi nawˬ tehˬ tehꞈ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Iˇsaˬyaˇ 3:14

Aˬ yawꞈ-euˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu deuˬ hawˇ-eu, sahˬ paˬ sahˬ ma geuꞈ-eu deuˬ-ahˇ, aˬ yawꞈ heu loꞈ-ehˇ yaˇ kʼaˬ daˇ-eu meh. “Naw maꞈ aˬ gaꞈ yaˇ kmˇ laˆ cawˆ-euˬ deuˬ pyeuꞈ-awˇ, yaw shaˬ zaˬ deuˬ-ahˇ kʼaˆ dzaˬ-euˬ jeˬ, naw maꞈ iˇ kahˇ tiˬ byah jaˆ meh.

Iˇsaˬyaˇ 3:15

Ngaˬ-euˬ tsawˇ haˬ deuˬ-ahˇ naw maꞈ nawˬ pahˬ-awˇ, iˇ shaˬ zaˬ deuˬ-euˬ baˬ ba miˇ tsa ciˬ jeˬ nehˬ-eu teu, aˬ jeˬ dawˬ tsuiꞈ jahˇ te lehˇ, Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu, Baoˬ huiˬ-eu Sahˬpaˬ Miˬyehˇ ehˇ-eu ma.”

Iˇsaˬyaˇ 37:25

Aˬ cawˬ miˇ kʼahˬ laꞈ kʼoeˇ nawˇ lah duˬ duˬ-awˇ iˇ cuꞈ dawˇ-euˬ gaˇ kawˆ kʼahˬ sehˇ jehˆ-eu uˬ taꞈ, nawˬ-euˬ yehˇ deuˬ neh Niˬlaˇ lawˇ baˬ nawˬ gui-euˬ meh lehˇ kʼahˬ sehˇ jehˆ-euˬ meh.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Yeˬlaˬmiˇ 50:45

Kʼoeˇ miˇ neh, Baˬbuˇloˬ meuˬ hawˇ-eu aˬ yawꞈ-euˬ tsawˇ haˬ deuˬ-ahˇ ngaˇ jahˇ nehˬ mawꞈ-eu gaˇ kawˆ-ahˇ naˇ haˬ-awˬ. Aˬ yawꞈ maꞈ-euˬ zaˬ deuˬ-ahˇ keuˆ ni bi tsahˇ byoˆ gʼeh gaˇ keuˆ-awˇ, tsawˇ haˬ yawˬ gʼaˬ na luꞈ guˆ dui dui-iˇ tehꞈ-a.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Luˇkaꞈ 10:19

Naˇ haˬ sheˇ. Doꞈ kʼaˆ-eu aˇ lawˇ hawˇ-eu boeˬ kaˬ laˬ ma-ahˇ nawˬ tehˬ nya-eu uˬ taꞈ, muiˇ-eu deuˬ-euˬ baoˬ-ahˇ gʼaˬ leˇ nya ni, ngaˇ naw maꞈ-ahˇ baoˬ biꞈ-eu ma. Naw maꞈ-ahˇ laˆ coeˬ laˆ ciˆ nya-eu tiˬ jeˬ-iˬ maˬ jaˆ-a.

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

1 Gawˇliˬtu 1:26

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ naw maꞈ-ahˇ kuˇ ngeh naw maꞈ aˬ geu tiˆ-ahˇ dehꞈ-euˬ gaˇ taˬ ngehˇ. Shiˬ shaˬ jiˇ paw dzeˇ neh shaˇ sawˇ leꞈ naˇ, naw maꞈ laꞈ kʼoeˇ zaˬ siˬ tsawˇ gahˇ ahˇ-eu gʼawˬ mya gʼaˬ maˬ jawˇ-a. Baoˬ jaˆ-eu gʼawˬ mya gʼaˬ maˬ ahˇ-ehˇ, yaw huiˬ yaw mahˇ-euˬ aˇ jeuˬ laꞈ kʼoeˇ dehꞈ le-euˬ gʼawˬ mya gʼaˬ maˬ keuˬ-a.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Yawˇshuˆ 10:24

Sahˬ paˬ kʼoeˇ deuˬ-ahˇ Yawˇshuˆ jawˇ gaˇ sheuˬ keuˆ laꞈ ngeh, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, aˬ yawꞈ nehˬ-ehˇ le-euˬ yaw huiˬ yaw mahˇ deuˬ-ahˇ, “Sahˬ paˬ teu deuˬ-euˬ kawˬ lahˇ-ahˇ aˬ kuiˇ neh nawˬ tehˬ-awˬ” lehˇ ehˇ nehˬ ngeh, aˬ yawꞈ maꞈ nawˬ tehˬ-euˬ meh.

Panmaeq 2:26

Aˇ saˬ saˬ ngeh keuˆ ni ngaˬ-euˬ nui kʼahˇ mˇ-eu gʼaˬ leˇ-euˬ tsawˇ haˬ-ahˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu baoˬ ngaˇ biꞈ ma.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.