Iˇsaˬyaˇ 26:13 - Akha

¹³ Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ cawˬ nga maꞈ kʼoeˇ taˆ dzoeˬ dzaˬ luꞈ kʼawꞈ, nawˬ-ahˇ tehꞈ-ehˇ nga maꞈ taˬ huiˬ-eu ma.

Iˇsaˬyaˇ 26:13 ပူးပေါင်းရင်းမြစ်များ

2 Laˬsaˬbaˬ 12:8

Ehˇ kʼawꞈ, Shiˇshehˆ aˬ yawꞈ maꞈ-ahˇ deuˆ gʼaˬ-awˇ, miˇ kʼahˬ-ahˇ uˆ lahˇ-eu deuˬ-euˬ uˬ moˆ jawˇ-eu hawˇ-eu, ngaˇ uˆ lahˇ-eu uˬ moˆ jawˇ-eu heu nyiˬ jeˬ aˇ naˆ ni beu gaˇ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 10:11

Saˬmaˬliˆ meuˬ hawˇ-eu kʼoeˇ gaˇ jaˆ-eu tahˬ pahˬ aˬ ma mawˇ kawˇ deuˬ-ahˇ, ngaˇ laˆ cawˆ-euˬ loꞈ-ehˇ, Yeˬluˇsaˬlehˬ meuˬ hawˇ-eu kʼoeˇ gaˇ jaˆ-eu tahˬ pahˬ aˬ ma mawˇ kawˇ deuˬ-ahˇ kʼawꞈ, ngaˇ paˇ laˆ cawˆ nehˬ ma.”

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 2:8

Aˬ yawꞈ maꞈ miˇ kʼahˬ-ahˇ tahˬ pahˬ aˬ ma jaˆ byah-awˇ, aˬ yawꞈ maꞈ-euˬ aˬ laꞈ neh tehˆ-euˬ mˇ myawˬ-ahˇ, aˬ yawꞈ maꞈ-euˬ laꞈ noeˇ neh jahˇ-euˬ mˇ myawˬ-ahˇ aˬ yawꞈ maꞈ uˬ duˬ tahˬ-eu meh.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Iˇsaˬyaˇ 51:22

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, naw maꞈ-ahˇ kʼahˇ kʼoꞈ-awˇ heu loꞈ-ehˇ ehˇ-eu meh. “Ngaˇ nui ma pehˇ ngeh ciˬ nehˬ-euˬ, kʼmˬ maˬ kʼoeˇ ngaˇ ciˬ kʼoꞈ-eu ma. Nawˬ-ahˇ gaˇ ma maˬ cah gahˇ nya ni bi shaˬ-euˬ, kʼmˬ maˬ kʼoeˇ nawˇ tiˬ jawˇ-iˬ maˬ paˇ ya dawˇ meh.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Aˬmoˆ 6:10

Tsawˇ haˬ baꞈ pahˬ gaˇ aˬ yuiꞈ geuꞈ-eu shiˇ-euˬ tsawˇ haˬ-euˬ aˬ yuiꞈ aˬ nyiˇ kʼoeˇ gʼaˬ, tsawˇ shiˇ-ahˇ nymˇ laꞈ nyiˇ baꞈ doˆ tehꞈ-a. Aˬ yuiꞈ aˬ nyiˇ kʼoeˇ gʼaˬ, nymˇ laꞈ kʼoeˇ paw maˬ shiˇ-ehˇ dzeˇ-eu gʼaˬ-ahˇ “Nawˬ nehˬ-ehˇ tsawˇ haˬ tiˬ gʼaˬ na jawˇ ta siˬ loˇ” lehˇ naˇ haˬ ngeh, “Tiˬ gʼaˬ-iˬ maˬ paˇ jawˇ meh” lehˇ ehˇ kʼoꞈ nehˬ-eu dawˬ-ahˇ ya gaˬ tehꞈ-a. Kʼoeˇ ngeh, aˬ yuiꞈ aˬ nyiˇ kʼoeˇ gʼaˬ, “Ciˬ cuˇ ni jawˇ-awˬ. Sahˬpaˬ Miˬyehˇ-euˬ tsawˇ myahˇ maˬ ya kuˇ ni aˇ nyaꞈ yaw kʼaˆ kʼaˆ-ehˇ ya yahˇ meh” lehˇ ehˇ nehˬ tehꞈ-a.

Miˇkaˬ 4:5

Tsawˇ jeuˬ yawˬ jeuˬ na luꞈ yawˬ ha-euˬ miˬ yehˇ-ahˇ uˬ duˬ tahˬ-awˇ, yawˬ ha miˬ yehˇ-euˬ ehˇ dawˬ naˇ haˬ luꞈ meh. Ehˇ kʼawꞈ, aˬ dui-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ dui uˬ duˬ tahˬ-awˇ, mˬ maˬ maˬ byaˆ zaˇ ziˇ aˬ yawꞈ-euˬ dawˬ naˇ haˬ geuꞈ ma.

Yoˇhaˬ 8:32

Yaw tsaˬ yaw dawˇ jeˬ-ahˇ naw maꞈ siˬ nya laˇ-awˇ, yaw tsaˬ yaw dawˇ jeˬ naw maꞈ-ahˇ bi buˬ-iˇ tehꞈ-a.”

Lormav 6:22

Ehˇ kʼawꞈ, nymˬ-mˇ naw maꞈ-ahˇ iˬ baˇ laꞈ kʼoeˇ bi buˬ-iˇ-awˇ, Miˬyehˇ-euˬ zaˬ kʼaˆ bi pyeuꞈ laˇ-euˬ meh. Heu poˆ jawˇ naw maꞈ aˬ jeˬ za ta. Naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-ahˇ a nehˬ gʼaˬ-euˬ miˇ neh mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu meh.

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.