Iˇsaˬyaˇ 26:12 - Akha

¹² Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Iˇsaˬyaˇ 26:12 ပူးပေါင်းရင်းမြစ်များ

Jaceuq 29:11

SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.

Jaceuq 57:2

Huiˬ dui mahˇ dui dui-eu Miˬyehˇ-ahˇ ngaˇ kuˇ-eu ma. Ngaˇ kʼaˇ loˬ-eu jeˬ caw ba nehˬ laꞈ-eu Miˬyehˇ-ahˇ kuˇ-eu ma.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

Jaceuq 68:28

Miˬyehˇ-oˇ, nawˬ-euˬ baoˬ pah mehˬ-awˬ. Nga maꞈ-ahˇ ka kʼoꞈ-euˬ nawˬ-euˬ baoˬ pah mehˬ-awˬ.

Jaceuq 90:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ guiˬ lahˬ yaw dzahˇ bi keuˆ le-awˬ. Nga maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, guiˬ lahˬ bi baw le-awˬ.

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Iˇsaˬyaˇ 27:5

Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Iˇsaˬyaˇ 29:23

Naw maꞈ zaˬ oeˬ sahˇ le ngeh jawˇ, ngaˬ-euˬ guiˬ lahˬ-ahˇ noeˬ mawˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh lehˇ, ngaˬ-ahˇ naw maꞈ siˬ duˬ-eu baˬ da neh, ngaˬ-euˬ mehˬ shi zahˬ leˇ-awˇ yawꞈ-eu laꞈ kʼoeˇ, ngaˬ-ahˇ taˬ huiˬ taˬ mahˇ tehꞈ-a.

Iˇsaˬyaˇ 32:18

Miˬyehˇ-euˬ tsawˇ haˬ deuˬ kʼahˬ lahˇ kʼaˇ maˬ za-ehˇ, nui saˇ oꞈ-eu nymˇ jiˇ laꞈ kʼoeˇ ya jawˇ tehꞈ-a.

Iˇsaˬyaˇ 57:10

Miˬ yehˇ nui deuˬ-ahˇ poˆ poˆ-ehˇ shaˬ sehꞈ leꞈ kʼawꞈ, maˬ paˇ poˆ ma lehˇ naw maꞈ maˬ noeˬ-a. Lawˇ ciꞈ zaˬ-euˬ tahˬ pahˬ aˬ ma mawˇ kawˇ gʼaˬ lahˬ lahˬ-eu miˇ neh, gʼaˬ maˬ ya baˬ-iˇ-aˇ lehˇ naw maꞈ noeˬ-eu meh.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬsaˬgeˬlaˇ 20:14

Ehˇ kʼawꞈ, kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu baˬ da neh, ngaˬ neh Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ gaˇ kʼaˇ ya mawˇ-euˬ tsawˇ jeuˬ deuˬ mehˬ shi, ngaˬ-euˬ tsawˇ myahˇ cawˆ laˇ gaˇ ngaˇ yahˇ-euˬ ma.

Yeˬsaˬgeˬlaˇ 20:22

Ehˇ kʼawꞈ, Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-euˬ gaˇ ya mawˇ-euˬ tsawˇ jeuˬ deuˬ-euˬ mehˬ shi, ngaˬ-euˬ tsawˇ myahˇ cawˆ laˇ gaˇ yahˇ-eu miˇ neh, ngaˇ kʼoeˇ loꞈ-ehˇ maˬ jahˇ-aˬ.

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Bawˇtsahˬ 6:26

Sahˬpaˬ Miˬyehˇ-euˬ myaˆ pyawˬ naw maꞈ jawˇ paw zeuˆ pyawˇ-awˇ, naw maꞈ-ahˇ nui saˇ oꞈ-eu jeˬ biꞈ luꞈ-uˇ.”

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Dawˬmehˬ 30:6

Nawˬ-euˬ nui ma dawˬ tawˆ luꞈ aˬ yawꞈ-ahˇ gaˬ-awˇ, miˇ kʼahˬ kʼoeˇ kʼahˬ laꞈ kʼoeˇ nawˇ ya dehꞈ ya jawˇ daˆ leꞈ ni, nawˇ hawˇ-eu nawˬ-euˬ zaˬ deuˬ-ahˇ naˇ haˬ geuꞈ-eu nui ma Sahˬpaˬ Miˬyehˇ biꞈ nehˬ laꞈ tehꞈ-a.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,