Iˇsaˬyaˇ 26:11 - Akha

¹¹ Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 26:11 ပူးပေါင်းရင်းမြစ်များ

Yawˇbaˆ 34:27

Aˬ yawꞈ maꞈ aˬ yawꞈ mehˬ nah maˬ caw teh ni byehˇ-awˇ, aˬ yawꞈ-euˬ dawˬ-ahˇ maˬ naˇ haˬ ni jawˇ ngeh, kʼoeˇ loꞈ-ehˇ jahˇ nehˬ-eu meh.

Jaceuq 10:12

Sahˬpaˬ Miˬyehˇ-oˇ, oe-awˬ. bi kʼehˬ-euˬdeuˬ-ahˇmaˬngehˇni, nawˬ-euˬaˬlaꞈ caw ja leꞈ-awˇ, haiˬ-eu deuˬ-ahˇ nawˇzuiˆle-awˬ.

Jaceuq 21:8

Muiˇ-eu tsawˇhaˬdawˬtawˆluꞈ-ahˇ, sahˬpaˬneh bi nyehꞈmi jiˇ-awˇ, aˬyawꞈ-ahˇbye-eu tsawˇhaˬdeuˬ, dawˬtawˆluꞈbi nyehꞈjiˇtehꞈ-a.

Jaceuq 28:5

SahˬpaˬMiˬyehˇ mˇ-euˬ gaˇ-ahˇ, yawꞈmaꞈ shaˇsawˇ-eu maˬbaw-ehˇ, SahˬpaˬMiˬyehˇ-euˬlaꞈzaˇ-ahˇ, yaw zeu maˬbaw nehˬ-eu miˇneh, aˬyawꞈneh bi kʼehˬbi kʼaˆ-awˇ, mˬmaˬmaˬbyaˆ cawˆ-iˇtehꞈ-a.

Jaceuq 78:63

Kʼaˬ dzeˇ zaˬ zaˬ guˬ deuˬ guiˇ deuˆ gaˇ bi deuˆ sehꞈ-awˇ, zaˬ miˬ aˬ buˇ zaˬ guˬ deuˬ mˇ dzaˬ-iˇ kʼaˇ maˬ za-a.

Jaceuq 86:17

Sahˬpaˬ Miˬyehˇ-oˇ, nawˇ muiˬ-eu gaˇ kawˆ bi siˬ bi mawˇ laꞈ. Nawˇ ngaˬ-ahˇ nui saˇ oꞈ-eu jeˬ biꞈ laꞈ-awˇ ngehˬ gʼeh luꞈ gaˇ ya mawˇ ngeh, ngaˬ-ahˇ bye-eu tsawˇ haˬ deuˬ ya shaꞈ dawˇ tehꞈ-a.

Doˆ-iˇ 9:14

Heu poˆ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ duˇ-eu tiˬ gʼaˬ-iˬ maˬ jawˇ-eu gaˇ kawˆ nawˇ ya siˬ ni, nawˬ-eu gaˇ mˇ-eu yaw huiˬ yaw mahˇ deuˬ-ahˇ tehꞈ-ehˇ maˬ ngeuˇ-ehˇ, nawˬ-ahˇ kʼawꞈ ngaˇ kʼehˬ-eu lehˇ lehˬ hmˬ taˬ-euˬ ma.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 10:17

Iˇsaˬleˬlaˆ tsawˇ jeuˬ-euˬ yaw shehꞈ pyeuꞈ-eu Miˬyehˇ miˬ dzaˬ pyeuꞈ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu Miˬyehˇ miˬ dzaˬ miˬ lmˇ pyeuꞈ-iˇ-awˇ, aˬ gah baw duˆ hawˇ-eu baw duˆ dawˬ tawˆ luꞈ-ahˇ, tiˬ nah laꞈ kʼoeˇ puiˆ dzaˬ jiˇ tehꞈ-a.

Iˇsaˬyaˇ 11:13

Iˇsaˬleˬlaˆ miˇ kʼahˬ Yuˇdaˆ miˇ kʼahˬ-ahˇ myaˆ maˬ paˇ naˆ-ehˇ, Yuˇdaˆ miˇ kʼahˬ Iˇsaˬleˬlaˆ miˇ kʼahˬ-ahˇ muiˇ-eu nui ma byoˆ-iˇ tehꞈ-a.

Iˇsaˬyaˇ 18:3

Miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ deuˬ-oˇ, gawˬ jawˬ kʼoeˇ taˆ paˇ loˬ paˇ lehˇ baꞈ tuˇ laˇ gaˇ haw-awˇ, daˇ heh baw doˆ laˇ-eu teˇ saˇ ahˇ naˇ haˬ taˬ-awˬ.

Iˇsaˬyaˇ 37:32

Yeˬluˇsaˬlehˬ meuˬ hawˇ-eu Ziˇoˬ gawˬ jawˬ kʼoeˇ taˆ, maˬ luˬ maˬ seˇ-iˇ ni dzeuˇ-iˇ-euˬ tsawˇ haˬ jawˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ bi pyeuꞈ laˇ-eu gʼaˇ duˬ Baoˬ huiˬ-eu Sahˬpaˬ Miˬyehˇ neh noeˬ tsehˆ taˬ-euˬ jaˆ-eu meh.

Iˇsaˬyaˇ 42:13

Guiˇ deuˆ-eu tsawˇ haˬ loꞈ-ehˇ Sahˬpaˬ Miˬyehˇ doˆ le-awˇ, guiˇ deuˆ-eu lehˇ aˬ yawꞈ lehˬ hmˬ dah taˬ-euˬ meh. Guiˇ deuˆ-eu teˇ saˇ aˬ yawꞈ guˇ kʼaˆ leꞈ-awˇ, muiˇ-eu deuˬ-ahˇ aˬ yawꞈ-euˬ baoˬ bi mawˇ-eu meh.

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Miˇkaˬ 5:9

Iˇsaˬleˬlaˆ-aˬ, aˬ yawꞈ-ahˇ muiˇ-eu deuˬ dawˬ tawˆ luꞈ-ahˇ deuˆ gʼaˬ-awˇ, laˆ luˬ laˆ seˇ nehˬ jiˇ tehꞈ-a.

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Miˇkaˬ 7:16

Aˬ cawˬ tsawˇ jeuˬ deuˬ gʼaˬ kʼaˆ dui dui kʼawꞈ, kʼoeˇ loꞈ-ehˇ mˇ mehˬ nehˬ ngeh nui ma gʼaˬ baˬ dui dui-iˇ tehꞈ-a. Aˬ yawꞈ maꞈ zahˬ leˇ jiˇ-awˇ, kʼaˬ meh hawˇ-eu naˬ bawˇ dehˬ kaˬ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Gʼaˬkʼehˇ 28:27

Aˬ jeˬ miˇ neh ehˇ naˇ, yawꞈ maꞈ nui ma gʼahˇ-awˇ, naˬ bawˇ paꞈ tsoeˬ tsoeˬ-awˇ, myaˆ nuiˆ miˆ tehˬ-euˬ meh. Kʼoeˇ loꞈ-ehˇ maˬ gʼeh law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, nui ma-ahˇ noeˬ leˇ-awˇ, ngaˇ jawˇ gaˇ gʼoꞈ laˇ ngeh, naˇ gawˇ yaˇ taˬ nehˬ ma.”’

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

1 Saˬmeuˬlaˆ 6:9

Laˆ lawˬ kʼoeˇ laˇ aˬ geu paw iˇ nga lehˇ haw taˬ-awˬ. Behˬsheˬmehˇ meuˬ paw iˇ naˇ, aˬ dui kʼoeˇ taˆ sahˬ zahˬ naˇ gawˇ bi keuˆ le-euˬ gʼaˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh. Ehˇ kʼawꞈ, yawˬ paw yawˬ iˇ naˇ, aˬ dui ya daˬ luꞈ-eu naˇ gawˇ heu aˬ yawꞈ neh bi keuˆ le-euˬ maˬ ngeuˇ-ehˇ, aˬ yawˇ yawꞈ seu doˆ laˇ-euˬ naˇ gawˇ meh.”