Iˇsaˬyaˇ 25:7 - Akha

⁷ Gawˬ jawˬ heu jawˬ kʼoeˇ taˆ, tsawˇ jeuˬ dawˬ tawˆ luꞈ-ahˇ ciˬ tehˬ taˬ-euˬ bi noeˬ shaˬ bi noeˬ zahˬ-eu mˬ dmˇ-ahˇ, ja pyuˬ ni aˬ yawꞈ yuˇ dzeh nehˬ tehꞈ-a.

Iˇsaˬyaˇ 25:7 ပူးပေါင်းရင်းမြစ်များ

Zaˬkaˬliˇ 8:22

Tsawˇ jeuˬ gʼawˬ mya ni hawˇ-eu, baoˬ huiˬ-eu miˇ kʼahˬ deuˬ Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ-awˇ, guiˬ lahˬ shaˇ geuꞈ laˇ-eu lehˇ, Yeˬluˇsaˬlehˬ meuˬ-ahˇ laˇ tehꞈ-a.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Luˇkaꞈ 2:32

Lawˇ ciꞈ zaˬ deuˬ mawˇ nya laˇ ni, yaw shehꞈ bya nehˬ-eu jeˬ pyeuꞈ-awˇ, nawˬ neh kuˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ haˬ deuˬ-ahˇ, Yaw shehꞈ kʼahˬ sehˇ bi huiˬ-euˬ meh.”

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

Eˇpeˇsu 5:8

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

HeˬByehˇ 9:8

Sehˬ gʼawˆ laꞈ nyiˇ lawˆ kʼoeˇ gaˇ kʼaˇ jaˆ kʼoeˇ keuˆ ni, Muiˬ dui shawˇ dui dui-eu Jawˇ duˬ kʼoeˇ tsahˇ-ahˇ uˇ leˇ-eu gaˇ ma maˬ pah laˇ-a siˬ lehˇ, uˬ duˬ tahˬ-eu jawˇ duˬ kʼoeˇ tsahˇ-euˬ zahˇ sahˇ kʼoꞈ-ahˇ taꞈ leˇ-awˇ Muiˬ-eu shawˇ-eu Yaw sahˇ Miˬyehˇ bya cehˆ ni mehˬ nehˬ laꞈ-eu meh.