Iˇsaˬyaˇ 25:6 - Akha

⁶ Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Iˇsaˬyaˇ 25:6 ပူးပေါင်းရင်းမြစ်များ

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Dawˬ caˇ 1:2

Nawˬ-euˬ mehˬ luˬ neh mehˬ cuˇ tiˬ gʼoeˬ bi cuˇ mawꞈ nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ nya.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 1:19

Naw maꞈ nui ma keuˆ-eu laꞈ kʼoeˇ ngaˬ-eu ehˇ dawˬ naˇ haˬ naˇ, miˇ tsaˬ miˇ tsiˇ ya dzaˬ tehꞈ-a.

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Iˇsaˬyaˇ 56:7

ngaˬ-euˬ muiˬ-eu shawˇ-eu gawˬ jawˬ-ahˇ sheuˬ daˆ-awˇ, ngaˬ-euˬ guiˬ lahˬ shaˇ nymˇ laꞈ kʼoeˇ, aˬ yawꞈ maꞈ-ahˇ ngaˇ laˬ kʼaˬ bi cehˇ ma. Aˬ yawꞈ maꞈ neh lawˇ-euˬ shehˇ-euˬ jeˬ-ahˇ, ngaˬ-euˬ lawˇ duˬ kʼoeˇ taˆ ngaˇ ha geuꞈ ma. Ngaˬ-euˬ Uˬ duˬ tahˬ nymˇ nymˇ ma heu-ahˇ, tsawˇ jeuˬ dawˬ tawˆ luꞈ-euˬ uˬ duˬ tahˬ nymˇ lehˇ myahˇ tehꞈ-a.”

Yeˬlaˬmiˇ 48:11

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Zaˬkaˬliˇ 8:3

Ngaˬ-euˬ muiˬ-eu shawˇ-eu meuˬ pyeuꞈ-eu Yeˬluˇsaˬlehˬ meuˬ-ahˇ ngaˇ gʼoꞈ jawˇ le ma. Meuˬ kʼoeˇ-ahˇ saˇ jaˇ ziꞈ-eu meuˬ lehˇ aˬ cawˬ kuˇ-awˇ, Baoˬ huiˬ-eu Sahˬpaˬ Miˬyehˇ-euˬ gawˬ jawˬ-ahˇ muiˬ-eu shawˇ-eu gawˬ jawˬ lehˇ kuˇ tehꞈ-a.

Maꞈtehˬ 26:29

Ngaˬ Da-euˬ Miˇkʼahˬ laꞈ kʼoeˇ, naw maꞈ nehˬ-ehˇ aˬ gaꞈ dzaˇ uiˇ yaw shuiꞈ ya dawˇ taꞈ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Luˇkaꞈ 5:39

Tsawˇ haˬ tiˬ gʼaˬ-iˬ, aˬ gaꞈ dzaˇ uiˇ yaw oeˇ dawˇ gʼaˬ naˇ, yaw shuiꞈ maˬ paˇ dawˇ mawꞈ-aˇ. ‘Yaw oeˇ kuiˇ dzehˬ nya’ lehˇ ehˇ tehꞈ-a.”

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Panmaeq 19:9

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Yawˇzaˬ oeˇ mˇ baˇ-eu bawˬ-iˬ-ahˇ laˇ-eu gʼaˇ duˬ bi kuˇ taˬ-euˬ tsawˇ haˬ deuˬ guiˬ lahˬ huiˬ-eu meh lehˇ boꞈ ahˇ taˬ-awˬ.” Aˬ yawꞈ paˇ ehˇ-eu, “Heu-aˬ, maˇ maˇ ni Miˬyehˇ neh ngehˬ-euˬ dawˬ meh.”