Iˇsaˬyaˇ 25:2 - Akha

² Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Iˇsaˬyaˇ 25:2 ပူးပေါင်းရင်းမြစ်များ

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Iˇsaˬyaˇ 13:21

Bawˇ tsahˬ jeˬ zaˬ yuꞈ duˬ pyeuꞈ-iˇ-awˇ, bawˇ tsahˬ aˬ kuiˬ bahˬ sheu-awˇ jawˇ tehꞈ-a. Dzeˇ ngawˇ deuˬ kʼoeˇ gaˇ uiˬ leˇ-awˇ, bawˇ tsahˬ ciꞈ myehꞈ deuˬ tsawˬ niˇ gʼa duˬ pyeuꞈ-iˇ tehꞈ-a.

Iˇsaˬyaˇ 13:22

Loꞈ-eu nymˇ goˇ hawˇ-eu sahˬ paˬ-euˬ nymˇ laꞈ kʼoeˇ, kʼaˬ yehˇ hawˇ-eu bawˇ tsahˬ aˬ kuiˬ deuˬ lawꞈ gʼa tehꞈ-a. Baˬbuˇloˬ meuˬ-euˬ aˇ nah aˇ yamˬ keuˆ le luꞈ meh. Gʼawˬ myahˇ ni maˬ paˇ ca meh.”

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Iˇsaˬyaˇ 17:1

Sahˬpaˬ Miˬyehˇ ehˇ-eu, “Daˬmaˬsehˇ meuˬ-aˬ, meuˬ maˬ paˇ pyeuꞈ-ehˇ, yaw cawˆ jeˬ baꞈ bymˇ taˬ-euˬ gaˇ duˇ tehꞈ-a.

Iˇsaˬyaˇ 17:3

Iˇsaˬleˬlaˆ miˇ kʼahˬ-euˬ meuˬ deuˬ maˬ paˇ ziꞈ-ehˇ, Daˬmaˬsehˇ meuˬ dzoeˬ dzaˬ byoˆ le tehꞈ-a. Dzeuˇ-iˇ-euˬ Suˇliˆ tsawˇ haˬ deuˬ, Iˇsaˬleˬlaˆ tsawˇ jeuˬ loꞈ-ehˇ, nui ma shaˬ zahˬ ya mˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 21:9

Haw yawˬ. Mahˬ dziˬ-eu deuˬ aˇ gu baw baw-ehˇ laˇ luꞈ meh. Loꞈ luꞈ-eu tsawˇ haˬ kʼoeˇ gʼaˬ ehˇ-eu, “Baˬbuˇloˬ meuˬ cawˆ-iˇ gʼaˬ-euˬ meh. Aˬ yawꞈ maꞈ uˬ duˬ tahˬ-euˬ tahˬ pahˬ aˬ ma mawˇ kawˇ deuˬ, yaw kʼehꞈ yaw kʼoeˆ-ehˇ miˇ tsaˬ ga meh.”

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Iˇsaˬyaˇ 23:13

Duˇlu meuˬ-ahˇ bawˇ tsahˬ jeˬ zaˬ byah ni jahˇ-euˬ-aˬ, Aˬshuˇliˆ tsawˇ haˬ deuˬ maˬ ngeuˇ-a. Baˬbuˇloˬ tsawˇ haˬ deuˬ meh. Baˬbuˇloˬ tsawˇ haˬ deuˬ meuˬ-ahˇ deuˆ-eu nymˇ goˇ tsoˆ-awˇ, ziꞈ dah ni gʼeh-eu meuˬ deh pyaˆ jiˇ-awˇ, yaw cawˆ-ehˇ byehˇ dzeh yaꞈ-euˬ meh.

Iˇsaˬyaˇ 24:10

Meuˬ laꞈ kʼoeˇ suˬ saˬ dui dui-eu miˇ neh, yawˬ gʼaˬ na luꞈ laˇ gʼoˆ kaꞈ deuˇ-awˇ jawˇ-eu meh.

Iˇsaˬyaˇ 25:12

Mawˇbaˆ tsawˇ jeuˬ-euˬ goˇ dui dui-eu meuˬ meuˬ lahˇ-ahˇ aˬ yawꞈ bi coˬ-iˇ-awˇ, laˆ meuˇ laˆ loeˇ nehˬ tehꞈ-a.

Iˇsaˬyaˇ 26:5

Nui ma huiˬ-eu mahˇ-eu deuˬ-ahˇ aˬ yawꞈ dehˬ awˆ-eu meh. Ziꞈ dah ni gʼeh-eu aˬ yawꞈ maꞈ-euˬ meuˬ-ahˇ, aˬ yawꞈ laˆ cawˆ nehˬ-awˇ, meuˬ meuˬ lahˇ bi byaˆ-iˇ-awˇ, kʼaˬ lehˇ loꞈ-ehˇ laˆ pyeuꞈ tehꞈ-a.

Iˇsaˬyaˇ 27:10

Ziꞈ dah ni gʼeh-eu meuˬ deuˬ byaˆ-iˇ-awˇ, bawˇ tsahˬ bawˇ dahˇ pyeuꞈ-iˇ tehꞈ-a. Meuˬ kʼoeˇ deuˬ jeˬ zaˬ gaˆ kʼahˬ pyeuꞈ-iˇ jiˇ-awˇ, jeˬ zaˬ deuˬ kʼoeˇ gaˇ yuꞈ tehꞈ-a.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Iˇsaˬyaˇ 32:19

Bawˇ tsahˬ-ahˇ uˬ yehˇ aˇ siˬ ga le-awˇ, meuˬ bi deh meuˇ leꞈ kʼawꞈ,

Iˇsaˬyaˇ 34:13

Sahˬ paˬ-euˬ nymˇ aˬ gah baw duˆ dehꞈ byah jiˇ-awˇ, meuˬ lahˇ baw-eu meuˬ deuˬ yaˇ moꞈ uˆ tehˬ jiˇ-awˇ, bawˇ tsahˬ aˬ kuiˬ hawˇ-eu dzeˇ ngawˇ deuˬ jawˇ byah jiˇ tehꞈ-a.

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Yeˬlaˬmiˇ 51:26

Nawˇ cawˆ-iˇ-awˇ dzeˇ yaꞈ-euˬ kʼaˬ lo tsaˬ byaˆ deuˬ-ahˇ, tsawˇ haˬ tiˬ gʼaˬ-iˬ nymˇ tsoˆ gaˇ maˬ paˇ zmˬ meh. Nawˇ-aˬ, mˬ maˬ maˬ byaˆ zaˇ ziˇ kʼaˇ shuiꞈ deh ga ya pyeuꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Dawˬmehˬ 13:16

Tsawˇ haˬ kʼoeˇ deuˬ-euˬ myawˬ gahˬ dawˬ tawˆ luꞈ, meuˬ gʼahˇ lahˇ ceh jaˆ-eu deh ga-ahˇ baꞈ bymˇ-awˇ, meuˬ kʼoeˇ meuˬ hawˇ-eu kʼoeˇ gaˇ kʼaˇ jaˆ-eu jeˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu jeˬ loꞈ-ehˇ dzah puiˆ dzeh-awˬ. Laˆ luˬ laˆ seˇ nehˬ-euˬ meuˬ kʼoeˇ meuˬ-ahˇ, tiˬ jawˇ-iˬ maˬ paˇ tsoˆ muiˬ ni, mˬ maˬ maˬ byaˆ zaˇ ziˇ kʼoeˇ loꞈ-ehˇ ya bi jaˆ meh.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.