Iˇsaˬyaˇ 25:1 - Akha

¹ Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 25:1 ပူးပေါင်းရင်းမြစ်များ

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 118:28

Nawˇ ngaˬ-euˬ Miˬyehˇ pyeuꞈ-awˇ, nawˬ-euˬ guiˬ lahˬ-ahˇ ngaˇ ja ceuˬ-eu ma. Nawˇ huiˬ dui mahˇ dui dui-eu gaˇ kawˆ ngaˇ ja ma.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 146:2

Ngaˇ yaw dehꞈ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ ja ceuˬ ma. Ngaˬ-euˬ Miˬyehˇ-ahˇ tiˬ ziˇ caˇ-awˇ ja ceuˬ ma.

Jaceuq 31:15

Ngaˬ-euˬaˇnah aˇyamˬdawˬtawˆ, nawˬ-euˬaˬlaꞈlaꞈkʼoeˇjaˆmeh. Muiˇ-eu deuˬ-euˬlaꞈ-ahˇmaˬehˇ, kʼehˬ-eu deuˬ-euˬlaꞈ-ahˇmaˬehˇ, nawˇngaˬ-ahˇka kʼoꞈnehˬlaꞈ-awˬ.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 40:6

Lawˇ-eu shehˇ-eu nawˇmaˬmawꞈ-a. Miˬdzaˬdzah-awˇlawˇ-eu maˬehˇ, iˬbaˇshawˇ-eu lawˇ-eu maˬehˇ, nawˇgeuꞈmawꞈ-eu jeˬmaˬngeuˇ-a. Ehˇkʼawꞈnaˇhaˬgeuꞈ-eu naˬbawˇ, nawˇngaˬ-ahˇbiꞈnehˬlaꞈ-euˬmeh.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Jaceuq 75:2

Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ ngaˬ neh toꞈ taˬ-euˬ yamˬ law-ahˇ, dawˇ coe ni ngaˇ yaˇ kʼaˬ daˇ ma.

Jaceuq 78:4

Sahˬpaˬ Miˬyehˇ-euˬ baoˬ hawˇ-euˬ aˬ yawꞈ neh mˇ-euˬ huiˬ-eu gaˇ deuˬ gaˇ kawˆ maˬ ehˇ, aˬ yawꞈ neh mˇ-euˬ zahˬ dui dui leˇ paˬ-ehˇ gʼeh-euˬ gaˇ deuˬ maˬ ehˇ, aˬ dui-euˬ zaˬ deuˬ-ahˇ maˬ ja mehˬ-ehˇ maˬ byehˇ ni, nahˬ ziˇ-ahˇ aˬ dui ja mehˬ yaꞈ ma.

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Jaceuq 98:1

Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Jaceuq 99:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ nuiˇ mahˬ mehˬ shi uˬ duˬ tahˬ-awˬ. Aˬ yawꞈ-aˬ Muiˬ-eu shawˇ-eu gʼaˬ meh.

Doˆ-iˇ 15:2

Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 26:13

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ cawˬ nga maꞈ kʼoeˇ taˆ dzoeˬ dzaˬ luꞈ kʼawꞈ, nawˬ-ahˇ tehꞈ-ehˇ nga maꞈ taˬ huiˬ-eu ma.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Iˇsaˬyaˇ 28:29

Zaˬ siˬ nui gahˇ heu deuˬ dawˬ tawˆ, Baoˬ huiˬ-eu Sahˬpaˬ Miˬyehˇ neh biꞈ-euˬ tehꞈ meh. Miˬyehˇ nui ma tsawˇ gahˇ byah-awˇ, maˬ mˇ pyeuꞈ nya-eu jeˬ maˬ jaˆ-a.

Iˇsaˬyaˇ 40:27

Teu miˇ neh Iˇsaˬleˬlaˆ-oˇ, nawˬ-euˬ shaˬ zahˬ Sahˬpaˬ Miˬyehˇ maˬ siˬ nya-ehˇ, maˬ tsaˬ-eu jeˬ nawˇ ya daˬ ngeh, ngehˬ maˬ gʼeh laꞈ nga lehˇ aˬ jeˬ miˇ neh nawˇ mahˇ luꞈ te.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Iˇsaˬyaˇ 49:5

Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ doˆ-euˬ meh. Aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ-eu gʼaˇ duˬ, ngaˬ-ahˇ aˬ yawꞈ zaˬ kʼaˆ bi geuꞈ-euˬ meh. Sahˬpaˬ Miˬyehˇ ngaˬ-ahˇ taˬ huiˬ laꞈ-awˇ, aˬ yawꞈ baˬ da neh ngaˇ gʼaˬ byah luꞈ-eu ma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 7:13

Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Yawˇlaˆ 2:26

Dzaˬ ngeh maˬ jiˇ dawˇ ngeh maˬ shuꞈ, guiˬ lahˬ yaw dzahˇ za-euˬ miˇ neh, zahˬ leˇ paˬ-ehˇ gʼeh-eu guiˬ lahˬ, biꞈ nehˬ laꞈ-euˬ Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ-ahˇ, naw maꞈ ya ja ceuˬ gaˇ keuˆ meh. Aˬ cawˬ ja bu ja doeˇ-eu jeˬ, ngaˬ-euˬ tsawˇhaˬ heu deuˬ kʼoeˇtaˆ, tiˬjawˇ-iˬ maˬpaˇ keuˆle meh.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”