Iˇsaˬyaˇ 24:8 - Akha

⁸ Cehˇ lehˇ ciˆ-awˇ byawˬ gʼa-eu maˬ paˇ baw-ehˇ, bawˬ law baw-eu teˇ saˇ byoˆ le-awˇ, deuˇ-mˬ diˬ-eu teˇ saˇ maˬ paˇ ya gaˬ haw meh.

Iˇsaˬyaˇ 24:8 ပူးပေါင်းရင်းမြစ်များ

Yawˇbaˆ 3:7

Zaˬ maˬ jawˇ le nya-eu, laˬ kʼaˬ maˬ cehˇ-eu tiˬ miˇ bi pyeuꞈ-awˬ.

Yawˇbaˆ 30:31

Dzeuˇ laˇ ngeh naˇ haˬ muiˬ-eu caˇ dawˬ ya gaˬ gaˇ, tsawˇ ngoeˇ ngoeˇ-eu teˇ saˇ tehꞈ-ehˇ gaˬ laˇ miˇ-a.

Jaceuq 137:2

Lawˇ baˬ gawˆ taw dehꞈ-eu iˇ nmˬ aˇ bawˇ-ahˇ, nga maꞈ-euˬ deuˇ-mˬ ciˬ ceuˬ-eu ma.

Iˇsaˬyaˇ 16:10

Miˇ tsaˬ muiˬ dui dui-eu deh yaˇ-ahˇ, laˬ kʼaˬ cehˇ luꞈ-eu tiˬ gʼaˬ-iˬ maˬ paˇ ya mawˇ meh. Aˬ gaꞈ yaˇ kmˇ laꞈ kʼoeˇ dawˬ caˇ caˇ-awˇ guˇ-eu teˇ saˇ, maˬ paˇ ya gaˬ haw meh. Aˬ gaꞈ dzaˇ uiˇ lehˬ-eu tsawˇ haˬ maˬ paˇ ya mawˇ-ehˇ, laˬ kʼaˬ cehˇ-awˇ guˇ-eu teˇ saˇ byoˆ tsehˆ-euˬ meh.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Yeˬlaˬmiˇ 16:9

Baoˬ huiˬ-eu Sahˬpaˬ Miˬyehˇ Iˇsaˬleˬlaˆ-euˬ Miˬyehˇ pyeuꞈ-eu ngaˇ ehˇ gaˇ naˇ haˬ sheˇ. Laˬ kʼaˬ cehˇ-awˇ byawˬ gʼa muˆ gʼa-eu teˇ saˇ deuˬ hawˇ-eu, oeˇ mˇ baˇ gaˇ cehˇ gʼa-eu teˇ saˇ deuˬ-ahˇ, ngaˇ ciˬ cuˇ ni bi pyeuꞈ-iˇ ma. Heu gaˇ jawˇ-eu tsawˇ haˬ deuˬ kʼoeˇ loꞈ-ehˇ pyeuꞈ laˇ gaˇ ya mawˇ tehꞈ-a.

Yeˬlaˬmiˇ 25:10

Aˬ yawꞈ maꞈ laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ deuˬ-ahˇ ciˬ cuˇ ni bi pyeuꞈ-iˇ ma. Tsiˇ kʼmˬ doꞈ-eu tsiˇ maˬ jaˆ-ehˇ pyeuꞈ-iˇ-awˇ, hawˬ dzaˬ-eu cehˇ maˬ ahˇ-ehˇ bi shaˬ ma.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Ngoeˇ dawˬ 5:14

Meuˬ-euˬ lahˇ kʼehˬ laˇ gʼoˆ dawˬ peh, tsawˇ mawˬ jawˇ zaˇ maˬ paˇ mawˇ-ehˇ, zaˬ guˬ dawˬ caˇ maˬ ya gaˬ-a.

Yeˬsaˬgeˬlaˇ 26:13

Nawˬ-euˬ caˇ dawˬ ciˬ cuˇ ni bi pyeuꞈ-iˇ-awˇ, nawˬ-euˬ deuˇ-mˬ diˬ-eu teˇ saˇ bi byoˆ-iˇ ma.

Yeˬsaˬgeˬlaˇ 28:13

Miˬyehˇ yaˇ kmˇ kmˇ muiˬ kmˇ jaˬ, Eˬdeˬ yaˇ kmˇ-ahˇ nawˇ jawˇ-awˇ, Aˇ poeˬ kʼaˆ-eu kʼaˬ lo sehˇ deuˬ, lo neˇ, lo nyoeˇ, lo byaꞈ kʼoeˇ deuˬ nawˇ tiˬ byah ni geuꞈ taˬ-euˬ meh. Nawˬ-ahˇ beh ngeh nah neh daˬ-awˇ, sehˇ kʼoeˇ deuˬ lehˬ hmˬ taˬ-euˬ meh.

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Aˬmoˆ 6:7

Kʼoeˇ miˇ neh, naw maꞈ-ahˇ aˬ cawˬ jeˬ hu bi nyehꞈ byoˆ gʼeh tehꞈ-a. Naw maꞈ dzaˬ byawˬ dawˇ byawˬ byawˬ-eu jeˬ aˇ saˬ ya saˬ tehꞈ-a.

Panmaeq 18:22

deuˇ-mˬ, bawˬ law, daˇ heh teˇ saˇ, tiˬ jawˇ-iˬ maˬ paˇ ya gaˬ-aˇ, Gaꞈ-eu ka-eu, laꞈ myawˬ laꞈ muˆ, tiˬ jawˇ-iˬ maˬ paˇ ya mawˇ-aˇ.