Iˇsaˬyaˇ 24:6 - Akha

⁶ Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.

Iˇsaˬyaˇ 24:6 ပူးပေါင်းရင်းမြစ်များ

2 Sahˬpaˬ 24:12

Sahˬ paˬ Yeˬhawˇyaˬciˬ-aˬ, aˬ yawꞈ-euˬ aˬ ma, aˬ yawꞈ-euˬ aˬ li deuˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu, sahˬ paˬ-euˬ hawˇ nymˇ laꞈ kʼoeˇ gaˇ mˇ-euˬ yaw huiˬ yaw mahˇ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ tsawˇ haˬ deuˬ-euˬ laꞈ oꞈ awꞈ nehˬ-euˬ meh. Neˬbuˬkaˬneˬzaˬ sahˬ paˬ geuꞈ-euˬ yehꞈ kʼoꞈ tiˬ kʼoꞈ-ahˇ, Yeˬhawˇyaˬciˬ-ahˇ nyehꞈ-euˬ meh.

2 Sahˬpaˬ 25:12

Ehˇ kʼawꞈ, yaw shaˬ zaˬ deuˬ-ahˇ Yeˬluˇsaˬlehˬ meuˬ laꞈ kʼoeˇ bi jawˇ yaꞈ-awˇ, aˬ gaꞈ yaˇ kmˇ bi mˇ-awˇ, deh ma bi tsehˬ-euˬ meh.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Iˇsaˬyaˇ 43:28

Ngaˬ-euˬ muiˬ-eu shawˇ-eu jawˇ duˬ kʼoeˇ tsahˇ, naw maꞈ-euˬ sahˬ paˬ sahˬ ma neh laˆ jawꞈ-euˬ meh. Kʼoeˇ baˬ da neh Iˇsaˬleˬlaˆ-ahˇ ngaˇ, luˬ-iˇ seˇ-iˇ-eu jeˬ bi keuˆ le-awˇ, aˬ cawˬ yehˬ bawˬ sehˇ lu-ehˇ gʼeh-eu jeˬ, ngaˬ-euˬ tsawˇ jeuˬ kʼoeˇ taˆ ngaˇ bi keuˆ le-euˬ ma.”

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 5:14

Kʼoeˇ miˇ neh Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ kʼoeˇ loꞈ-ehˇ ehˇ-eu baˬ da neh, nawˬ-euˬ kʼaˬ meh laꞈ kʼoeˇ ahˇ-eu ngaˬ-euˬ dawˬ deuˬ, miˬ dzaˬ doꞈ gaˇ bi duˇ leˇ ma. Tsawˇ haˬ kʼoeˇ deuˬ miˬ dzaˬ miˬ kawˬ loꞈ-ehˇ, miˬ dzaˬ neh bi puiˆ jiˇ tehꞈ-a.”

Yeˬsaˬgeˬlaˇ 5:3

Uˬ duˬ tsehˇ kahˇ ui cuiˆ yuˇ doˆ yaꞈ-awˇ, nawˬ-euˬ pehˇ kʼahˬ pehˇ dahˬ-ahˇ nyehꞈ toeˆ taˬ-awˬ.

Uˬ duˬ 26:22

Jeˬ zaˬ yaw haiˬ deuˬ naw maꞈ jawˇ gaˇ ngaˇ pyehˬ gʼeh leꞈ-awˇ, naw maꞈ-euˬ zaˬ deuˬ-ahˇ kawꞈ sehꞈ-awˇ, naw maꞈ-euˬ jeˬ zaˬ deuˬ-ahˇ laˆ piˬ laˆ byoˆ nehˬ tehꞈ-a. Naw maꞈ tsawˇ haˬ ui cuiˆ tehꞈ-ehˇ dzeˇ-eu miˇ neh, naw maꞈ iˇ-eu gaˇ ma ciˬ cuˇ ni jaˆ tehꞈ-a.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Maˬlaˬkiˇ 3:9

Tsawˇ jeuˬ jeuˬ lah ni ngaˬ-ahˇ mehˇ shuiˇ shuiˇ-eu miˇ neh, naw maꞈ dawˬ tawˆ luꞈ yaˬ kʼehˇ yaˬ gaˇ ya daˬ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maˬlaˬkiˇ 4:6

Aˬ da hawˇ-eu zaˬ deuˬ dehꞈ taꞈ dehꞈ dzoeˇ nya ni aˬ yawꞈ jahˇ le tehꞈ-a. Kʼoeˇ loꞈ-ehˇ maˬ ngeuˇ naˇ, naw maꞈ-euˬ miˇ kʼahˬ-ahˇ ngaˇ oe-awˇ, yaˬ kʼehˇ yaˬ-awˇ laˆ cawˆ paˬ-ehˇ gʼeh nya.”

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

Maꞈtehˬ 7:14

Ehˇ kʼawꞈ, dehˬ-eu saꞈ laˇ gaˇ ma-euˬ gʼoˆ kʼehˬ-aˬ, suꞈ dui dui-awˇ, gaˇ ma shaˬ dui dui-eu miˇ neh, gaˇ ma kʼoeˇ kahˇ poˆ mawˇ-eu tsawˇ haˬ yaw cuiˆ meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Dawˬmehˬ 28:62

Mˬ kʼoeˇ taˆ tsehˬ luꞈ-eu aˬ guiˇ deuˬ loꞈ-ehˇ naw maꞈ myaˬ laˇ behˇ laˇ kʼawꞈ, tsawˇ haˬ ui cuiˆ tehꞈ-ehˇ ya buˬ ya law-iˇ tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ maˬ naˇ haˬ geuꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.