Iˇsaˬyaˇ 24:5 - Akha

⁵ Miˇ tsaˬ zaˬ deuˬ zahˇ dawˬ kʼoꞈ dawˬ-ahˇ byehˇ dzeh-awˇ, zahˇ sahˇ kʼoꞈ-ahˇ maˬ caw teh-ehˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-ahˇ puiˬ-euˬ miˇ neh, miˇ tsaˬ tahˬ kʼawˇ-ahˇ laˆ jawꞈ dui dui-euˬ meh.

Iˇsaˬyaˇ 24:5 ပူးပေါင်းရင်းမြစ်များ

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

2 Sahˬpaˬ 21:12

Kʼoeˇ miˇ neh, kʼaˇ ya gaˬ-eu tsawˇ haˬ deuˬ myaꞈ leˇ tsoˆ leˇ jiˇ gaˇ keuˆ ni, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ, guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

2 Sahˬpaˬ 21:15

Aˬ yawꞈ maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh tiˬ nah neh, iˬ nah keuˆ ni, ngaˬ-euˬ mehˬ shi aˬ yawꞈ maꞈ iˬ baˇ mˇ-awˇ, ngaˇ nui ma pehˇ ni jahˇ nehˬ laꞈ-euˬ miˇ neh, ngaˬ-euˬ tsawˇ haˬ deuˬ-ahˇ ngaˇ kʼoeˇ loꞈ-ehˇ jahˇ nehˬ ma.”

2 Laˬsaˬbaˬ 33:9

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, aˬ yawꞈ neh teh dzeh nehˬ-euˬ kʼoeˇ gaˇ jawˇ-eu tsawˇ oeˇ deuˬ neh mˇ-euˬ iˬ baˇ naˆ maˬ tseˇ huiˬ dzehˬ-eu iˬ baˇ-ahˇ, Yuˇdaˆ miˇ kʼahˬ zaˬ deuˬ mˇ ni Maˬnaˇseˬ sheuˬ gʼeh-euˬ meh.

Jaceuq 105:10

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, Yaˬkoˆ nehˬ-ehˇ Sahˬpaˬ Miˬyehˇ dzaˬ-euˬ meh.

Jaceuq 55:5

Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 33:8

Gaˇ jawˬ deuˬ gaˇ tsoeˬ tsoeˬ-iˇ-awˇ, iˇ tawꞈ laˇ tawꞈ-eu tsawˇ haˬ maˬ jawˇ-a. Saˇ jaˇ dzaˬ taꞈ-euˬ dawˬ pyaˆ-iˇ jiˇ-awˇ, tsawˇ kaˬ geuꞈ-euˬ deuˬ-euˬ myaˆ pyawˬ-ahˇ maˬ haw-ehˇ, tiˬ gʼaˬ-ahˇ-iˬ yaw zeu maˬ baw nehˬ-a.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Yeˬlaˬmiˇ 11:10

Ngaˬ-euˬ ehˇ dawˬ maˬ naˇ haˬ geuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ iˬ baˇ-ahˇ, aˬ yawꞈ maꞈ paˇ mˇ poˆ-euˬ meh. Aˬ yawꞈ maꞈ miˬ yehˇ nui deuˬ-ahˇ uˬ duˬ tahˬ-euˬ meh. Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-euˬ dawˬ ma saˇ jaˇ-ahˇ puiˬ-euˬ meh.

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Yeˬsaˬgeˬlaˇ 16:59

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ neh saˇ jaˇ dzaˬ-euˬ dawˬ-ahˇ nawˇ yehˬ bawˬ-ehˇ gʼeh-awˇ, dawˬ ma saˇ jaˇ-ahˇ puiˬ-euˬ miˇ neh, nawˬ-ahˇ oꞈ-eu geuˇ-eu loꞈ-ehˇ ngaˇ jahˇ nehˬ ma.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Yeˬsaˬgeˬlaˇ 20:24

Aˬ yawꞈ maꞈ ngaˬ-euˬ ehˇ dawˬ leuˇ-awˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-euˬ uˬ taꞈ, jawˇ nah-ahˇ laˆ jawꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu miˇ neh, kʼoeˇ loꞈ-ehˇ mˇ nehˬ-euˬ ma.

Yeˬsaˬgeˬlaˇ 37:26

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ nui saˇ bi oꞈ-eu dawˬ ma saˇ jaˇ ngaˇ dzaˬ ma. Aˬ yawꞈ maꞈ-ahˇ bi dehꞈ dzaˬ laˇ-awˇ, bi jeuˬ bi o le ma. Aˬ yawꞈ maꞈ-euˬ miˇ kʼahˬ laꞈ kʼoeˇ, ngaˬ-euˬ uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ bi jaˆ ma.

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Daˬyeˬlaˇ 9:10

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ, nawˬ neh nga maꞈ-ahˇ biꞈ laꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-awˬ lehˇ nawˇ ehˇ gaˇ, nga maꞈ maˬ naˇ haˬ geuꞈ-aˬ.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Hawˇseˬ 6:7

“Aˬ daˬ miˇ kʼahˬ -ahˇ uˇ leˇ ngeh, yawꞈ maꞈ dawˬ ma saˇ jaˇ puiˬ-awˇ, ngaˬ-ahˇ maˬ jah ni byehˇ-euˬ meh.

Uˬ duˬ 20:22

Sahˬpaˬ Miˬyehˇ ehˇ-eu, “Naw maꞈ-ahˇ ngaˇ sheuˬ uˇ gʼeh-eu lehˇ gʼeh-eu Kaˬnaˬ miˇ kʼahˬ kʼoeˇ, naw maꞈ-ahˇ uˬ pehꞈ maˬ ya pehꞈ doˆ dzeh-eu gʼaˇ duˬ, ngaˬ-euˬ zahˇ dawˬ kʼoꞈ dawˬ deuˬ hawˇ-eu, ngaˬ neh biꞈ taˬ-euˬ dawˬ deuˬ dawˬ tawˆ luꞈ-ahˇ naˇ haˬ geuꞈ-awˬ.

Uˬ duˬ 26:35

Naw maꞈ jawˇ ngeh, naw maꞈ-euˬ miˇ kʼahˬ gʼaˬ naˬ maˬ ya naˬ-euˬ kʼawꞈ, aˬ yawˇ yawꞈ ciˬ cuˇ ni jaˆ ngeh, gʼaˬ naˬ ya naˬ dehˆ tehꞈ-a.

Miˇkaˬ 2:10

Tsawˬ tuˇ-awˇ doˆ-iˇ-awˬ. Naw maꞈ gʼaˇ duˬ buˬ-iˇ law-iˇ-eu gaˇ ma maˬ paˇ dahˇ meh. Naw maꞈ-euˬ iˬ baˇ baˬ da neh jawˇ duˬ heu tsahˇ ya piˬ ya byoˆ-iˇ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 32:20

Kʼoeˇ naˇ, aˬ yawꞈ ngehˬ-euˬ dawˬ-aˬ, ‘Yawꞈ maꞈ-ahˇ ngehˬ maˬ paˇ gʼeh ma. Nui ma gʼahˇ-awˇ saˇ jaˇ puiˬ-eu, aˬ jeˬ keuˆ le nga lehˇ haw ma.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

HeˬByehˇ 9:1

Dawˬ ma saˇ jaˇ yaw beh hmˬ laꞈ kʼoeˇ, uˬ duˬ aˬ joˆ-ehˇ ya tahˬ-eu zahˇ sahˇ kʼoꞈ deuˬ ahˇ-awˇ, tsawˇ haˬ zaˬ neh jahˇ-euˬ uˬ duˬ tahˬ-eu jawˇ duˬ kʼawꞈ baw-eu meh.

Yawˇshuˆ 23:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ ma saˇ jaˇ laꞈ kʼoeˇ naw maꞈ maˬ ziꞈ-ehˇ, miˬ yehˇ nui deuˬ-ahˇ naw maꞈ caw teh-awˇ uˬ duˬ tahˬ naˇ, aˬ yawꞈ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ-awˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ, aˬ yawꞈ neh biꞈ laꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ naw maꞈ tiˬ gʼaˬ-iˬ maˬ jawˇ-ehˇ piˬ-iˇ byoˆ-iˇ jiˇ tehꞈ-a.”

Yawˇshuˆ 24:25

Kʼoeˇ ngeh nah, Iˇsaˬleˬlaˆ tsawˇ haˬ deuˬ gʼaˇ duˬ, dawˬ ma saˇ jaˇ tiˬ hmˬ Yawˇshuˆ dzaˬ-awˇ, aˬ yawꞈ maꞈ ya caw teh-eu zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ, Sheˬkmˬ meuˬ-ahˇ aˬ yawꞈ maꞈ-ahˇ biꞈ nehˬ-euˬ meh.