Iˇsaˬyaˇ 24:20 - Akha

²⁰ Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Iˇsaˬyaˇ 24:20 ပူးပေါင်းရင်းမြစ်များ

Aˇ dahˬ 41:31

Maˬ dzaˬ maˬ dawˇ jiˇ coeˇ-eu aˇ kʼoꞈ aˇ la kʼoeˇ deuˬ-ahˇ ngehˇ tsehˆ ya tsehˆ tehꞈ-a. Aˬ jeˬ miˇ neh ehˇ naˇ, mehꞈ-eu shuꞈ-eu kʼoeˇ guˆ dui dui laˇ paˬ-ehˇ gʼeh-eu meh.

Yawˇbaˆ 12:25

Yaw zahˇ laꞈ kʼoeˇ laꞈ sawˆ sawˆ sawˆ-ehˇ cah-eu, jiˇ baˬ yehꞈ-eu tsawˇ haˬ loꞈ-ehˇ, aˬ yawꞈ maꞈ cah cah-ehˇ bi shaˬ-euˬ meh.

Jaceuq 107:27

Aˬ yawꞈ maꞈ sahˬ tiꞈ tiꞈ-awˇ jiˇ baˬ yehꞈ-eu loꞈ-ehˇ, yawꞈ lawꞈ gʼaˇ laˇ-ehˇ ceh-eu meh. Aˬ yawꞈ maꞈ siˬ-eu gahˇ-eu jeˬ, gaˇ dahˇ maˬ tsoeˬ leˇ-a.

Jaceuq 38:4

iˬbaˇmyaˬ-eu uˬduˬpymˬ-awˇ, maˬdaˬcoeˇni kah dui dui nya.

Iˇsaˬyaˇ 1:28

Ehˇ kʼawꞈ, puiˬ-eu deuˬ hawˇ-eu iˬ baˇ mˇ-eu deuˬ, tiˬ kawˆ loꞈ-ehˇ bi laˆ cawˆ-awˇ Sahˬpaˬ Miˬyehˇ-ahˇ byehˇ dzeh-euˬ deuˬ, bi laˆ meh jiˇ tehꞈ-a.

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 19:14

Aˬ yawꞈ maꞈ oˇ lo maˇ la-ehˇ pyeuꞈ iˇ ni, Sahˬpaˬ Miˬyehˇ jahˇ nehˬ-euˬ miˇ neh, jiˇ baˬ yehꞈ-eu tsawˇ haˬ tiˬ gʼaˬ, yawˬ ha-euˬ uˬ pehꞈ kʼoeˇ taˆ coˬ daˆ-eu loꞈ-ehˇ, Iˇjiˇtuˆ miˇ kʼahˬ kuiˇ toꞈ maˬ ciˬ tsaˬ nya-a.

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Iˇsaˬyaˇ 29:9

Aˬ dzawˬ dzawˬ dzawˬ-ehˇ jawˇ-awˬ. Myaˆ behꞈ behꞈ behꞈ-ehˇ jawˇ-awˬ. Jiˇ baˬ maˬ dawˇ-euˬ gaˇ yehꞈ-awˇ, jiˇ huˬ maˬ shuˆ-euˬ gaˇ coˬ-awˬ.

Iˇsaˬyaˇ 38:12

Ngaˬ-euˬ ziˇ bi deuˆ tsehˆ dzeh-awˇ, bi gʼeu coˬ-euˬ yaˇ cmˇ hawˇ-eu, saˬ nmˇ-ahˇ bi tehˬ tsehˆ doˆ-euˬ saˬ paˇ loꞈ-ehˇ, Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Iˇsaˬyaˇ 43:27

Aˇ hu naw maꞈ-euˬ aˬ piˬ aˬ bawˇ deuˬ iˬ baˇ mˇ-awˇ, naw maꞈ-euˬ aˬ yuiꞈ aˬ tsu deuˬ ngaˬ-ahˇ mˇ lehˬ-euˬ meh.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬlaˬmiˇ 51:29

Sahˬpaˬ Miˬyehˇ aˬ yawꞈ neh noeˬ taˬ-euˬ loꞈ-ehˇ, Baˬbuˇloˬ miˇ kʼahˬ-ahˇ tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh yaˇ pyeuꞈ-iˇ ni jahˇ nehˬ-eu lehˇ gʼeh-eu miˇ neh, miˇ tsaˬ tahˬ kʼawˇ yaw dzuˬ dzuˬ-eu meh.

Yeˬlaˬmiˇ 8:4

Sahˬpaˬ Miˬyehˇ ngaˬ-ahˇ kʼehˇ-awˇ, aˬ yawꞈ maꞈ-euˬ tsawˇ haˬ-ahˇ heu loꞈ-ehˇ bi ehˇ nehˬ laꞈ-euˬ meh. “Tsawˇ haˬ zaˬ coˬ-iˇ ngeh, maˬ tuˇ laˇ kʼmˬ ta loˇ. Tsawˇ haˬ tiˬ gʼaˬ mehˬ shiˬ ciˬ pyawˇ-awˇ doˆ-iˇ ngeh, maˬ paˇ gʼoꞈ kʼoꞈ laˇ kʼmˬ ta loˇ.

Ngoeˇ dawˬ 1:14

“Ngaˬ neh mˇ-euˬ iˬ baˇ dawˬ tawˆ, aˬ yawꞈ ngaˬ-ahˇ ciˬ pi leꞈ-awˇ, kawˬ lahˇ-ahˇ paꞈ gʼeu nehˬ laꞈ-euˬ, maˬ daˬ coeˇ ni shiˇ leˇ miˇ-a. Sahˬpaˬ Miˬyehˇ ngaˬ-ahˇ kʼehˬ-awˇ, ngaˇ maˬ ciˬ daˬ coeˇ ni kʼaˆ-eu, muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ciˬ ahˇ nehˬ laꞈ-euˬ meh.

Daˬyeˬlaˇ 11:19

Suˇliˆ sahˬ paˬ-aˬ, aˬ yawꞈ-euˬ miˇ kʼahˬ-ahˇ jaˆ-eu aˬ yawꞈ-euˬ taˆ-ahˇ paˇ gʼoꞈ kʼoꞈ leˇ tehꞈ-a. Ehˇ kʼawꞈ, aˬ cawˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ gʼaˇ duˬ aˇ saˬ saˬ-eu jeˬ keuˆ le tehꞈ-a.

Aˬmoˆ 8:14

‘Daˬ miˬ yehˇ-euˬ tsawˇ myahˇ uˬ moˆ’ lehˇ hawˇ-eu ‘Beˬlaˇsheˬba miˬ yehˇ-euˬ tsawˇ myahˇ uˬ moˆ’ lehˇ ehˇ ehˇ-ehˇ, Saˬmaˬliˆ meuˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ laꞈ jeuˬ shaˇ-awˇ toˇ-eu tsawˇ haˬ deuˬ coˬ dzeh-awˇ, tiˬ jawˇ-iˬ maˬ paˇ tuˇ laˇ nya-aˇ.”

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.