Iˇsaˬyaˇ 24:2 - Akha

² Miˇ kʼahˬ zaˬ hawˇ-eu piˇ ma deuˬ maˬ ehˇ, zaˬ kʼaˆ hawˇ-eu baw leˬ maˬ ehˇ, zaˬ miˬ zaˬ zaˬ kʼaˆ hawˇ-eu meh leˬ maˬ ehˇ, zeuˇ-eu deuˬ hawˇ-eu ahˬ-eu deuˬ maˬ ehˇ, pyuˇ paˇ nehˬ-eu deuˬ hawˇ-eu shaˇ paˇ-eu deuˬ maˬ ehˇ, dziˇ dzoˆ daˆ-eu deuˬ hawˇ-eu dziˇ dzoˆ yaw sahˇ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ ya shaˬ tehꞈ-a.

Iˇsaˬyaˇ 24:2 ပူးပေါင်းရင်းမြစ်များ

Aˇ dahˬ 41:50

Mehꞈ-eu shuꞈ-eu aˇ yamˬ maˬ keuˆ laˇ mi naˆ-ehˇ, Yoˇsehˆ gʼaˇ duˬ Aˬseˇnaˆ aˬ li nyiˬ li ciˬ-euˬ meh.

2 Laˬsaˬbaˬ 36:20

Maˬ shiˇ-ehˇ kʼaˇ dzeˇ-eu deuˬ-ahˇ Baˬbuˇloˬ miˇ kʼahˬ-ahˇ aˬ yawꞈ nyehꞈ kʼoꞈ gʼeh-awˇ, Paˇshaˇ miˇ kʼahˬ dzoeˬ dzaˬ-eu yamˬ maˬ keuˆ laˇ kʼoeˇ keuˆ ni, aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-euˬ zaˬ kʼaˆ bi geuꞈ-euˬ meh.

Iˇsaˬyaˇ 2:9

Kʼoeˇ miˇ neh yawˬ gʼaˬ na luꞈ daˬ ga-awˇ, myaˆ pyawˬ ciˬ zaꞈ kʼaˇ maˬ za ni ya shaˬ tehꞈ-a. Sahˬpaˬ Miˬyehˇ-oˇ, aˬ yawꞈ maꞈ-ahˇ iˬ baˇ taˬ pyehˬ nehˬ.

Iˇsaˬyaˇ 24:3

Miˇ tsaˬ tahˬ kʼawˇ luˬ-iˇ seˇ-iˇ jiˇ-awˇ, geuꞈ-eu jeˬ maˬ ahˇ ni pyeuꞈ-iˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ jeˬ, dawˬ tawˆ luꞈ byah laˇ jiˇ tehꞈ-a.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Iˇsaˬyaˇ 5:15

Yawˬ gʼaˬ na luꞈ nui ma ga ka jiˇ-awˇ, nui ma yaw huiˬ deuˬ kʼawꞈ ga juˬ le tehꞈ-a.

Yeˬlaˬmiˇ 41:2

Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ kʼoeˇ tseˇ gʼaˬ mi cehˇ gʼawˇ doˆ-awˇ, Geˬdaˬliˇ-ahˇ sehꞈ-euˬ meh.

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Ngoeˇ dawˬ 4:16

Sahˬpaˬ Miˬyehˇ aˬ yawꞈ maꞈ-ahˇ, myaˆ haw maˬ cawˬ nahˇ-eu miˇ neh, miˇ kʼahˬ-ahˇ teh byaˆ nehˬ-euˬ meh. Piˇ ma deuˬ-ahˇ maˬ taˬ huiˬ-a. Aˬ yuiꞈ deuˬ-ahˇ maˬ taˬ mahˇ-a.

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.