Iˇsaˬyaˇ 24:18 - Akha

¹⁸ Guˆ-eu gaˆ-eu jeˬ-ahˇ cehˆ dzeuˇ-eu deuˬ, duˬ kʼahˬ-ahˇ ga ahˇ-awˇ, duˬ kʼahˬ-ahˇ cehˆ buˬ-euˬ deuˬ lahˇ ju-ahˇ paꞈ leˇ tehꞈ-a. Mˬ kʼoeˇ taˆ iˇ cuꞈ laˇ gʼoˆ pah-awˇ, miˇ tsaˬ tahˬ kʼawˇ dawˬ pehˬ luˆ laˇ tehꞈ-a.

Iˇsaˬyaˇ 24:18 ပူးပေါင်းရင်းမြစ်များ

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

Aˇ dahˬ 7:11

Noˇaˬ koꞈ yaˇ kʼoꞈ kʼawˆ ngeh kʼoꞈ, ba la nyiˬ siˬ tiˬ siˬ tseˇ shiꞈ nah tiˬ nah keuˆ laˇ ngeh, miˇ tsaˬ dawˬ dah paw jaˆ-eu iˇ cuꞈ iˇ byoe dawˬ tawˆ luꞈ tahˬ pehꞈ doˆ laˇ-awˇ, mˬ kʼoeˇ taˆ paw jaˆ-eu iˇ cuꞈ laˇ gʼoˆ dawˬ tawˆ luꞈ pah le jiˇ-euˬ meh.

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

Yawˇbaˆ 20:24

Shmˇ mi cehˇ-ahˇ aˬ yawꞈ cehˆ dzeuˇ-eu leh jeh luꞈ ngeh, guiˬ shuiˇ kaˆ myaˬ aˬ yawꞈ-ahˇ beuˆ coˬ tehꞈ-a.

Jaceuq 18:15

Sahˬpaˬ Miˬyehˇ-oˇ, muiˇ-eu deuˬ-ahˇnawˇpehˇlaˇ-awˇ, naˇmehˇnaˇsaꞈbaw gʼeh leꞈngeh, laˆshaˆdawˬdah mawˇjiˇlaˇ-awˇ, miˇtsaˬduˬpuˇneˇmyawˆni meh.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 18:8

Yawꞈ-euˬnaˇmehˇuˬkʼoeˬdoˆ-awˇ, nyehˆ-eu miˬlmˇhawˇ-eu miˬjiˆ, yawꞈ-euˬkʼaˬmeh-ahˇdoˆ-eu meh.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 2:21

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo kʼahˬ lo guˇ zaꞈ gʼaˇ doe ni, tsawˇ haˬ zaˬ deuˬ cehˆ zaꞈ tehꞈ-a.

Iˇsaˬyaˇ 42:22

Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Iˇsaˬyaˇ 8:14

Ngaˇ muiˬ dui shawˇ dui dui-eu miˇ neh, tsawˇ haˬ kʼoeˇ deuˬ sahˬ tiꞈ tiꞈ duˬ kʼaˬ lo loꞈ-ehˇ pyeuꞈ-eu ma. Ngaˇ-aˬ, Yuˇdaˆ miˇ kʼahˬ, Iˇsaˬleˬlaˆ miˇ kʼahˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ kʼmˇ taˬ-euˬ lahˇ ju-ahˇ duˇ-eu ma.

Yeˬlaˬmiˇ 48:43

Guˆ-eu gaˆ-eu jeˬ, duˬ kʼahˬ hawˇ-eu lahˇ ju deuˬ, Mawˇbaˆ tsawˇ haˬ deuˬ-ahˇ loꞈ luꞈ meh lehˇ, Sahˬpaˬ Miˬyehˇ ehˇ-eu meh.

Yeˬlaˬmiˇ 48:44

Guˆ-eu gaˆ-eu jeˬ-ahˇ buˬ-iˇ ni cehˆ-eu tsawˇ haˬ deuˬ duˬ kʼahˬ-ahˇ ga ahˇ-awˇ, duˬ kʼahˬ-ahˇ neh daˆ doˆ laˇ-eu tsawˇ haˬ deuˬ lahˇ ju-ahˇ paꞈ leˇ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh Mawˇbaˆ miˇ kʼahˬ ya cawˆ-iˇ-eu aˇ yamˬ bi keuˆ le taˬ-euˬ meh.

Ngoeˇ dawˬ 3:47

Shaˬ zahˬ guˆ gaˆ-ahˇ daˬ luꞈ-awˇ, yaw cawˆ laꞈ kʼoeˇ jawˇ luꞈ-eu ma.

Yeˬsaˬgeˬlaˇ 11:8

Naw maꞈ mi cehˇ-ahˇ guˆ miˇ-a loˇ. Naw maꞈ-ahˇ guiˇ bi deuˆ le-eu gʼaˇ duˬ, mi cehˇ tuˆ tehˬ taˬ-euˬ tsawˇ haˬ deuˬ ngaˇ pyehˬ gʼeh leꞈ ma.

Yeˬsaˬgeˬlaˇ 12:13

Ehˇ kʼawꞈ, ngaˇ baw gʼaꞈ kʼmˇ-awˇ, aˬ yawꞈ-ahˇ kʼmˇ paꞈ ma. Kʼoeˇ naˇ, aˬ yawꞈ-ahˇ ngaˇ Baˬbuˇloˬ meuˬ-ahˇ sheuˬ gʼeh-awˇ, meuˬ kʼoeˇ meuˬ-ahˇ maˬ ya mawˇ-ehˇ ya shiˇ tehꞈ-a.

Yeˬsaˬgeˬlaˇ 15:7

Aˬ yawꞈ maꞈ-ahˇ ngaˇ myaˆ haw maˬ cawˬ nehˬ. Aˬ yawꞈ maꞈ miˬ dzaˬ-ahˇ cehˆ dzeuˇ-euˬ kʼawꞈ, miˬ dzaˬ neh paˇ bi puiˆ dzaˬ tehꞈ-a. Aˬ yawꞈ maꞈ-ahˇ ngaˇ kʼehˬ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.