Iˇsaˬyaˇ 24:16 - Akha

¹⁶ Yaw tsaˬ yaw dawˇ gʼaˬ-ahˇ ja ceuˬ-eu caˇ dawˬ, mˬ dzeˇ miˇ dzeˇ miˇ kʼahˬ-ahˇ neh gaˬ le tehꞈ-a. Ehˇ kʼawꞈ, ngaˇ noeˬ tmˬ kʼaˇ maˬ za-ehˇ, teˬ le byoˆ le miˇ-a. Saˇ jaˇ puiˬ-eu deuˬ gʼaˬ kʼaˆ laˇ-awˇ, yaw haiˬ jeˬ myaˬ laˇ luꞈ meh.

Iˇsaˬyaˇ 24:16 ပူးပေါင်းရင်းမြစ်များ

Jaceuq 106:15

Kʼoeˇ ngeh, aˬ yawꞈ maꞈ kʼaˇ shaˇ-eu jeˬ biꞈ-euˬ meh. Ehˇ kʼawꞈ, guˆ laˇ paˬ-ehˇ gʼeh-eu naˇ gawˇ biꞈ caw nehˬ-euˬ meh.

Jaceuq 119:158

Saˇ jaˇ puiˬ-eu tsawˇ haˬ kʼoeˇ deuˬ nawˬ-euˬ dawˬ-ahˇ maˬ naˇ haˬ-eu miˇ neh, aˬ yawꞈ maꞈ-ahˇ haw-awˇ nui ma daˆ dui dui nya.

Jaceuq 2:8

Nawˇ ngaˬ-ahˇshaˇhaw sheˇ. Miˇtsaˬtsawˇjeuˬ dawˬtawˆhawˇ-eu, Miˇkʼahˬ mˬdzeˇmiˇdzeˇkeuˆni, nawˬ-ahˇngaˇ biꞈjiˇnehˬ-eu ma.

Jaceuq 58:10

Haiˬ-eu tsawˇ haˬ deuˬ-ahˇ kʼehˬ nehˬ kʼaˆ nehˬ gaˇ ya mawˇ ngeh, yaw tsaˬ yaw dawˇ tsawˇ haˬ laˬ kʼaˬ cehˇ-awˇ, haiˬ-eu tsawˇ haˬ deuˬ-euˬ shiˬ laꞈ kʼoeˇ, aˬ kuiˇ tsawˬ puꞈ-awˇ cah tehꞈ-a.

Jaceuq 65:8

Nawˬ neh mˇ-euˬ huiˬ-eu gaˇ deuˬ-ahˇ, miˇ kʼahˬ dawˬ tawˆ luꞈ zahˬ leˇ-eu meh. Miˇ tsaˬ tahˬ kʼawˇ mˬ dzeˇ miˇ dzeˇ keuˆ ni, nawˬ neh mˇ-euˬ gaˇ-ahˇ laˬ kʼaˬ cehˇ-awˇ guˇ-eu meh.

Jaceuq 67:7

Miˬyehˇ aˬ dui-ahˇ guiˬ lahˬ biꞈ laꞈ-euˬ meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ taˬ huiˬ taˬ mahˇ luꞈ-uˇ.

Jaceuq 98:3

Iˇsaˬleˬlaˆ tsawˇ jeuˬ-ahˇ saˇ jaˇ ziꞈ-awˇ maˬ tsehˆ leˇ ni gaˬ-eu laꞈ kʼoeˇ, aˬ yawꞈ maꞈ nehˬ-ehˇ dzaˬ taˬ-eu saˇ jaˇ-ahˇ ziꞈ-eu meh. Aˬ dui-euˬ Miˬyehˇ gʼaˬ leˇ-eu gʼaˬ pyeuꞈ-eu gaˇ kawˆ, miˇ tsaˬ zaˬ dawˬ tawˆ luꞈ ya mawˇ-euˬ meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Iˇsaˬyaˇ 17:4

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-euˬ yaw shehꞈ kʼahˬ sehˇ byoˆ-iˇ-awˇ, pyuˇ shuiˇ myawˬ gahˬ byoˆ jiˇ-awˇ ya shaˬ ya zahˬ-eu aˇ nah keuˆ le luꞈ meh.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 26:15

Nga maꞈ miˇ kʼahˬ bi huiˬ bi mahˇ laˇ-awˇ, miˇ kaˬ oeˬ pyawˬ luꞈ bi jeˇ laˇ-euˬ miˇ neh, nawˬ-euˬ yaw shehꞈ kʼahˬ sehˇ huiˬ dui dui meh.

Iˇsaˬyaˇ 28:5

Aˇ nah kʼoeˇ nah keuˆ le ngeh jawˇ, Baoˬ huiˬ-eu Sahˬpaˬ Miˬyehˇ-aˬ, dzeuˇ-iˇ-euˬ aˬ yawꞈ-euˬ tsawˇ haˬ deuˬ gʼaˇ duˬ, kʼahˬ sehˇ jaˆ-eu aˇ yehˆ uˬ kʼoˆ loꞈ-ehˇ pyeuꞈ tehꞈ-a.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 52:10

Sahˬpaˬ Miˬyehˇ muiˬ-eu shawˇ-eu baoˬ-ahˇ gʼoe-awˇ, aˬ yawꞈ-euˬ tsawˇ haˬ-ahˇ ka kʼoꞈ nehˬ gaˇ, miˇ tsaˬ dawˬ tawˆ ya mawˇ tehꞈ-a.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬlaˬmiˇ 12:6

Nawˬ-euˬ mehˇ nmˇ hawˇ-eu aˬ yuiꞈ aˬ nyiˇ nawˬ-ahˇ puiˬ-awˇ, nawˬ-ahˇ ceh-eu deuˬ-ahˇ gʼaˬ biꞈ-eu meh. Aˬ yawꞈ maꞈ dawˬ muiˬ ngehˬ gaˇ nawˇ taˬ jah.”

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 5:11

Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ, nui kʼahˇ tiˬ shiˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Hawˇseˬ 5:7

Aˬ yawꞈ maꞈ Sahˬpaˬ Miˬyehˇ-ahˇ, Saˇ jaˇ maˬ ziꞈ ni dehꞈ-euˬ meh. Yawꞈ maꞈ-euˬ aˬ buˇ aˬ li deuˬ, aˬ yawꞈ-ahˇ maˬ taꞈ-eu zaˬ meh. Kʼoeˇ baˬ da neh yawꞈ maꞈ hawˇ-eu, yawꞈ maꞈ-euˬ deh yaˇ dawˬ tawˆ luꞈ, nymˬ-mˇ ya cawˆ-iˇ jiˇ tehꞈ-a.

Hawˇseˬ 6:7

“Aˬ daˬ miˇ kʼahˬ -ahˇ uˇ leˇ ngeh, yawꞈ maꞈ dawˬ ma saˇ jaˇ puiˬ-awˇ, ngaˬ-ahˇ maˬ jah ni byehˇ-euˬ meh.

Uˬ duˬ 26:39

Aˬ cawˬ miˇ kʼahˬ laꞈ kʼoeˇ naw maꞈ tsawˇ haˬ ui cuiˆ dzeˇ yaꞈ-euˬ kʼawꞈ, naw maꞈ-euˬ aˬ piˬ aˬ bawˇ deuˬ-euˬ iˬ baˇ hawˇ-eu naw maꞈ-euˬ iˬ baˇ baˬ da neh ya shaˬ ya zahˬ tehꞈ-a.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Haˬbaˬkuˆ 1:3

Maˬ tsaˬ maˬ dawˇ-eu jeˬ mˇ gaˇ, aˬ jeˬ miˇ neh bi haw laꞈ te. Yaw haiˬ jeˬ hawˇ-eu yaw cawˆ jeˬ, ngaˬ-euˬ mehˬ shi mˇ dui dui-awˇ, iˬ dehˬ iˬ ceh yaˇ kʼaˬ mehˬ dzaˬ, maˬ gui jiˇ coeˇ ni jaˆ luꞈ meh.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Gʼaˬkʼehˇ 13:47

Aˬ jeˬ miˇ neh ehˇ naˇ, SahˬpaˬMiˬyehˇ neh nga maꞈ-ahˇ biꞈ taˬ-euˬ dawˬ-aˬ, heu loꞈ-ehˇ meh. ‘Mˬ dzeˇ miˇ dzeˇ tuˆ gaˇ keuˆ ni, ka kʼoꞈ-eu jeˬ za-eu gʼaˇ duˬ, aˬ cawˬ tsawˇ jeuˬ-ahˇ bya nehˬ ni, nawˬ-ahˇ yaw shehꞈ bi pyeuꞈ-eu ma”’

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.