Iˇsaˬyaˇ 24:11 - Akha

¹¹ Aˬ gaꞈ dzaˇ uiˇ maˬ jaˆ ni byoˆ le-euˬ miˇ neh, poˆ ka doe ni guˇ guˇ-ehˇ cah-eu meh. Laˬ kʼaˬ cehˇ-eu jeˬ byoˆ tsehˆ-awˇ, byawˬ gʼa-eu jeˬ miˇ tsaˬ kʼoeˇ taˆ maˬ paˇ jaˆ meh.

Iˇsaˬyaˇ 24:11 ပူးပေါင်းရင်းမြစ်များ

Jaceuq 144:14

Nga maꞈ-euˬ mawˇ nyoˬ jeˬ kaˇ deuˬ maˬ byoˆ maˬ laˆ ni myaˬ laˇ behˇ laˇ luꞈ-uˇ. Nga maꞈ-euˬ meuˬ jawˇ zaˇ laꞈ kʼoeˇ, noeˬ shaˬ-awˇ ngoeˇ-eu teˇ saˇ maˬ ya gaˬ ni pyeuꞈ-iˇ luꞈ-uˇ.

Dawqdaq 31:6

Jiˇ baˬ hawˇ-euˬ aˬ gaꞈ dzaˇ uiˇ-aˬ, shiˇ leˇ luꞈ-eu deuˬ hawˇ-eu nui ma cawˆ dui dui-eu deuˬ gʼaˇ duˬ meh.

Iˇsaˬyaˇ 16:10

Miˇ tsaˬ muiˬ dui dui-eu deh yaˇ-ahˇ, laˬ kʼaˬ cehˇ luꞈ-eu tiˬ gʼaˬ-iˬ maˬ paˇ ya mawˇ meh. Aˬ gaꞈ yaˇ kmˇ laꞈ kʼoeˇ dawˬ caˇ caˇ-awˇ guˇ-eu teˇ saˇ, maˬ paˇ ya gaˬ haw meh. Aˬ gaꞈ dzaˇ uiˇ lehˬ-eu tsawˇ haˬ maˬ paˇ ya mawˇ-ehˇ, laˬ kʼaˬ cehˇ-awˇ guˇ-eu teˇ saˇ byoˆ tsehˆ-euˬ meh.

Iˇsaˬyaˇ 32:10

Tiˬ kʼoꞈ ui cuiˆ dzehˬ-iˇ ngeh jawˇ, kʼahˬ lahˇ kʼaˇ maˬ za ni dehꞈ-eu naw maꞈ, yaw dzuˬ ya dzuˬ tehꞈ-a. Aˬ gaꞈ aˇ siˬ maˬ za le-ehˇ, aˇ siˬ aˇ lu nym le tehꞈ-a.

Iˇsaˬyaˇ 32:13

Ngaˬ-euˬ tsawˇ haˬ deuˬ-euˬ yaˇ kʼahˬ yaˇ lahˬ aˬ gah baw duˆ hawˇ-eu yaˇ moꞈ dehꞈ byah-euˬ meh. Laˬ kʼaˬ cehˇ-eu jeˬ byah-eu nymˇ kʼoeˇ deuˬ hawˇ-eu, dehꞈ bym dui dui-eu meuˬ gʼaˇ duˬ, noeˬ shaˬ-awˇ tsawˇ ngoeˇ ngoeˇ nehˬ-awˬ.

Iˇsaˬyaˇ 8:22

miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Yeˬlaˬmiˇ 14:2

“Yuˇdaˆ miˇ kʼahˬ tsawˇ ngoeˇ ngoeˇ-awˇ, aˬ yawꞈ-euˬ meuˬ deuˬ shiˇ tsehˆ leˇ luꞈ meh. Aˬ yawꞈ-euˬ tsawˇ haˬ deuˬ shaˬ zahˬ maˬ mˇ coeˇ-ehˇ miˇ tsa yuꞈ-awˇ, Yeˬluˇsaˬlehˬ meuˬ kʼawꞈ caw ba nehˬ laꞈ lehˇ shaˇ luꞈ meh.

Yeˬlaˬmiˇ 46:12

Miˇ kʼahˬ tsawˇ jeuˬ mehˬ shi naw maꞈ daˬ ya ga-awˇ, naw maꞈ ngoeˇ-eu yawˬ gʼaˬ na luꞈ gaˬ jiˇ-euˬ meh. Yehˇ deuˬ tiˬ gʼaˬ tiˇ gʼaˬ coeˬ tuˆ sehꞈ-awˇ, tiˬ gm-ehˇ ya shiˇ jiˇ tehꞈ-a.

Yeˬlaˬmiˇ 48:33

Miˇ tsaˬ miˇ muiˬ muiˬ-eu Mawˇbaˆ miˇ kʼahˬ laꞈ kʼoeˇ jaˆ-eu laˬ kʼaˬ cehˇ nui saˇ za-eu jeˬ, bi yuˇ byoˆ gʼeh jiˇ-euˬ meh. Aˬ gaꞈ dzaˇ uiˇ nawˬ duˬ-ahˇ aˬ gaꞈ dzaˇ uiˇ maˬ paˇ yoeˇ ni ngaˇ bi naˬ leˇ-euˬ ma. Aˬ gaꞈ dzaˇ uiˇ nawˬ nawˬ-ehˇ laˬ kʼaˬ cehˇ-awˇ guˇ-eu tsawˇ haˬ maˬ paˇ jawˇ meh.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Yawˇlaˆ 1:12

Aˬ gaꞈ baw duˆ deuˬ koˆ jiˇ-awˇ, siˬ guˬ aˇ bawˇ nyoeˬ jiˇ-euˬ meh. Aˇ siˬ aˇ bawˇ deuˬ shiˇ jiˇ-awˇ, laˬ kʼaˬ cehˇ duˬ maˬ paˇ jaˆ meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.