Iˇsaˬyaˇ 24:1 - Akha

¹ Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 24:1 ပူးပေါင်းရင်းမြစ်များ

2 Sahˬpaˬ 21:13

Saˬmaˬliˆ meuˬ hawˇ-eu sahˬ paˬ Aˬhaˆ aˬ ha da zaˬ-ahˇ ngaˬ neh kʼehˬ nehˬ kʼaˆ nehˬ-euˬ loꞈ-ehˇ, Yeˬluˇsaˬlehˬ meuˬ-ahˇ ngaˇ kʼehˬ nehˬ ma. Shiˆ shawˇ-awˇ moꞈ tsahˬ taˬ-euˬ hawˬ gʼawˆ tiˬ gʼawˆ loꞈ-ehˇ, tsawˇ haˬ maˬ jawˇ-ehˇ pyeuꞈ-iˇ ngeh keuˆ ni Yeˬluˇsaˬlehˬ meuˬ-ahˇ, juˇ tsui ni jahˇ nehˬ ma.

Neˬhaˬmiˇ 1:8

Moˇseˬ-ahˇ nawˬ neh ehˇ taˬ yaꞈ-euˬ dawˬ kʼoeˇ dawˬ-ahˇ noeˬ keuˆ nehˬ laꞈ-awˬ. Nawˇ aˬ yawꞈ-ahˇ heu loꞈ-ehˇ ehˇ taˬ yaꞈ-euˬ meh. Naw maꞈ Iˇsaˬleˬlaˆ tsawˇ haˬ deuˬ ngaˬ-ahˇ saˇ jaˇ maˬ ziꞈ naˇ, aˬ cawˬ tsawˇ jeuˬ yaw kaˬ-ahˇ naw maꞈ-ahˇ bi jawˇ byoˆ jiˇ ma.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Iˇsaˬyaˇ 13:5

Miˇ kʼahˬ kʼahˬ lah ni laˆ cawˆ jiˇ-eu gʼaˇ duˬ, Sahˬpaˬ Miˬyehˇ-euˬ nui kʼahˇ mˇ byah-eu lehˇ, mˬ dzeˇ miˇ dzeˇ miˇ kʼahˬ-ahˇ neh, aˬ yawꞈ maꞈ laˇ-euˬ meh.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 24:19

Miˇ tsaˬ tahˬ kʼawˇ tsawˬ paˆ-iˇ-awˇ, ga kʼawˬ-iˇ gaˇ keuˆ ni, yaw kʼaˆ-ehˇ bi gʼeu nyeh tehꞈ-a.

Iˇsaˬyaˇ 24:20

Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Iˇsaˬyaˇ 27:10

Ziꞈ dah ni gʼeh-eu meuˬ deuˬ byaˆ-iˇ-awˇ, bawˇ tsahˬ bawˇ dahˇ pyeuꞈ-iˇ tehꞈ-a. Meuˬ kʼoeˇ deuˬ jeˬ zaˬ gaˆ kʼahˬ pyeuꞈ-iˇ jiˇ-awˇ, jeˬ zaˬ deuˬ kʼoeˇ gaˇ yuꞈ tehꞈ-a.

Iˇsaˬyaˇ 29:16

Yawˬ jeˬ na luꞈ-ahˇ aˬ yawꞈ maꞈ poˆ laˆ laˆ-eu meh. Oeˬ lahˬ tehˆ-eu yaw sahˇ hawˇ-eu oeˬ lahˬ, aˬ geu gʼaˬ huiˬ dzehˬ ta. Tsawˇ haˬ zaˬ neh jahˇ-euˬ keu ka, “Nawˬ neh jahˇ-euˬ maˬ ngeuˇ nya” lehˇ, “Nawˇ aˬ jeˬ siˬ nya te” lehˇ, jahˇ-euˬ gʼaˬ-ahˇ ehˇ nya meh loˇ.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 30:32

Aˬshuˇliˆ tsawˇ haˬ deuˬ-ahˇ Sahˬpaˬ Miˬyehˇ tiˬ poˆ saˇ-iˬ tiˬ poˆ kʼehˬ nehˬ ngeh, aˬ yawꞈ-euˬ tsawˇ haˬ deuˬ tahˬ hawˇ-eu deuˇ-mˬ tiˬ poˆ saˇ-iˬ tiˬ poˆ diˬ caw tehꞈ-a. Miˬyehˇ-euˬ gʼawˇ mawˇ Aˬshuˇliˆ tsawˇ haˬ deuˬ-ahˇ guiˇ deuˆ tehꞈ-a.

Iˇsaˬyaˇ 32:12

Muiˬ dui dui-eu myawˬ kmˇ yaˇ kmˇ cawˆ-iˇ jiˇ-euˬ miˇ neh, nui ma cawˆ-awˇ kʼahˬ-ahˇ teˇ-awˬ.

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Iˇsaˬyaˇ 34:10

Uˬ ciꞈ nah gʼahˇ maˬ ehˇ puiˆ-eu miˇ neh, mˬ maˬ maˬ byaˆ zaˇ ziˇ uˬ kʼoeˬ doˆ luꞈ tehꞈ-a. Miˇ kʼahˬ kʼoeˇ kʼahˬ tiˬ ziˇ saˇ-iˬ tiˬ ziˇ byoˆ le-eu miˇ neh, iˇ tsehˆ laˇ tsehˆ-eu maˬ jawˇ-ehˇ pyeuꞈ-iˇ tehꞈ-a.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Iˇsaˬyaˇ 42:15

Gawˬ jawˬ gawˬ duˇ deuˬ-ahˇ ngaˇ laˆ cawˆ-awˇ, sahˬ lahˬ aˇ bawˇ deuˬ bi koˆ-iˇ jiˇ ma. Lawˇ baˬ deh ga deuˬ-ahˇ kʼaˇ shuiꞈ shuiꞈ yaˇ bi pyeuꞈ-iˇ-awˇ, iˇ cuꞈ lah deuˬ bi gui-iˇ ma.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 40:15

Ehˇ kʼawꞈ, Geˬdaˬliˇ maˬ jah-a. Kʼoeˇ ngeh, Yoˇhaˬnaˬ neh aˬ yawꞈ-ahˇ heu loꞈ-ehˇ ciˬ cuˇ ni ehˇ nehˬ-euˬ meh. “Ngaˬ-ahˇ Iˇshaˬmeˬlaˇ-ahˇ bi sehꞈ-iˇ laꞈ-awˬ. Aˬ cawˬ tiˬ gʼaˬ-iˬ maˬ bi siˬ ni ngaˇ jahˇ ma. Aˬ jeˬ miˇ neh nawˬ-ahˇ aˬ yawꞈ neh bi sehꞈ nmˇ. Nawˬ-ahˇ bi sehꞈ shaw naˇ, nawˬ nehˬ-ehˇ jawˇ-eu Yuˇdaˆ tsawˇ haˬ dawˬ tawˆ luꞈ cehˆ byaˆ jiˇ-awˇ, Yuˇdaˆ miˇ kʼahˬ laꞈ kʼoeˇ kʼaˇ dzeˇ luꞈ-eu tsawˇ haˬ dawˬ tawˆ luꞈ kʼoeˇ taˆ, shaˬ zahˬ guˆ gaˆ keuˆ le tehꞈ-a.”

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Yeˬsaˬgeˬlaˇ 12:20

Nymˬ-mˇ tsawˇ haˬ tiˬ byah ni jawˇ luꞈ-eu meuˬ deuˬ cawˆ-iˇ-awˇ, aˬ yawꞈ maꞈ-euˬ miˇ kʼahˬ bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Yeˬsaˬgeˬlaˇ 24:11

Kʼoeˇ naˇ, oeˬ lahˬ-ahˇ miˬ jiˆ kʼoeˇ taˆ ciˬ daˆ-awˇ, neˇ tseuˆ ni bi puiˆ neˇ ma. Shmˇ kaw kʼoeˇ deuˬ puiˆ dzaˬ jiˇ ngeh, oeˬ lahˬ kʼoeˇ shawˇ laˇ tehꞈ-a.

Yeˬsaˬgeˬlaˇ 35:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Ngaˇ nawˬ-ahˇ ciˬ cuˇ ni laˆ pyeuꞈ nehˬ ngeh, nawˬ-ahˇ deuˬ leˇ-euˬ gaˇ miˇ tsaˬ dawˬ tawˆ luꞈ laˬ kʼaˬ cehˇ tehꞈ-a.

Yeˬsaˬgeˬlaˇ 5:14

Nawˬ-euˬ tiˬ jawˬ jawˇ-eu tsawˇ jeuˬ deuˬ kʼaˇ iˇ kʼaˇ laˇ tsehˆ ngeh, gaˇ mahˇ kaˬ gaˇ neh gaˇ jaw jaw-awˇ, cah tehꞈ-a.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Yeˬsaˬgeˬlaˇ 6:14

Ngaˬ-euˬ aˬ laꞈ cawˬ ja-awˇ, aˬ yawꞈ maꞈ-euˬ miˇ kʼahˬ-ahˇ laˆ cawˆ nehˬ ma. Laꞈ oˆ paw pyawˬ-ahˇ jaˆ-eu kʼaˇ shuiꞈ deh-ahˇ neh, laꞈ taˆ paw Yiˇbaˬlahˬ meuˬ-ahˇ keuˆ ni, Iˇsaˬleˬlaˆ tsawˇ haˬ deuˬ kʼaˇ jawˇ-euˬ jawˇ duˬ tiˬ tsahˇ-iˬ maˬ bi dzeuˇ-iˇ ni bi cawˆ-iˇ jiˇ-awˇ ciˬ cuˇ ni bi pyeuꞈ-iˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 6:6

Iˇsaˬleˬlaˆ miˇ kʼahˬ-ahˇ kʼaˇ jaˆ-eu meuˬ deuˬ dawˬ tawˆ luꞈ bi laˆ cawˆ jiˇ ma. Kʼoeˇ ngeh jawˇ, aˬ yawꞈ maꞈ-euˬ lawˇ duˬ deuˬ hawˇ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ pyaˆ-iˇ shaˆ-iˇ jiˇ-awˇ, yaw saw jeˬ doꞈ damˬ duˬ kʼawꞈ cawˆ-iˇ jiˇ-awˇ, aˬ yawꞈ maꞈ-euˬ kuiˇ zaˇ laꞈ zaˇ dawˬ tawˆ luꞈ piˬ-iˇ byoˆ-iˇ jiˇ tehꞈ-a.

Yeˬsaˬgeˬlaˇ 7:12

Aˇ yamˬ peh le luꞈ meh. Miˬyehˇ kʼehˬ-eu kʼaˆ-eu jeˬ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, ahˬ taꞈ zeuˇ taꞈ-eu jeˬ tiˬ pawꞈ-iˬ gaˇ dahˇ maˬ tsoeˬ ni pyeuꞈ-iˇ-eu aˇ nah keuˆ le luꞈ meh.

Yeˬsaˬgeˬlaˇ 7:14

Miˬyehˇ-euˬ nui pehˇ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, daˇ heh teˇ saˇ mahˇ laˇ-awˇ, yawˬ gʼaˬ na luꞈ lehˬ hmˬ dah taˬ-euˬ kʼawꞈ, guiˇ deuˆ-iˇ-eu tiˬ gʼaˬ-iˬ maˬ jawˇ-aˇ.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Gʼaˬkʼehˇ 17:6

Ehˇ kʼawꞈ, aˬ yawꞈ nyaꞈ-ahˇ maˬ poˆ mawˇ nya-eu miˇ neh, Yaˬsoˬ hawˇ-eu jah-eu tsawˇ haˬ tiˬ paˆ na deuˬ-ahˇ, meuˬ-ahˇ uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh-awˇ, heu loꞈ-ehˇ ehˇ nehˬ leˇ-euˬ meh. “Miˇ tsaˬ tahˬ kʼawˇ poˆ laˆ paˇ laˇ paˬ-ehˇ laˆ suˬ saˬ-eu tsawˇ haˬ deuˬ meuˬ heu meuˬ-ahˇ oe keuˆ taˬ-euˬ meh.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.