Iˇsaˬyaˇ 23:17 - Akha

¹⁷ Aˇ kʼoꞈ kʼoeˇ shiꞈ tseˇ kʼoꞈ dzeuˇ-iˇ ngeh, Sahˬpaˬ Miˬyehˇ Siˇdoˬ meuˬ-ahˇ dzeuˇ laˇ ngeh loꞈ-ehˇ jeˬ gaꞈ jeˬ ka bi mˇ poˆ-awˇ, miˇ kʼahˬ dawˬ tawˆ luꞈ nehˬ-ehˇ jeˬ ya gaꞈ taꞈ tehꞈ-a.

Iˇsaˬyaˇ 23:17 ပူးပေါင်းရင်းမြစ်များ

Iˇsaˬyaˇ 23:15

Sahˬ paˬ tiˬ gʼaˬ dehꞈ-eu tiˬ ziˇ, shiꞈ tseˇ kʼoꞈ byah ni Duˇlu meuˬ-ahˇ ya ngehˇ byoˆ-eu aˇ yamˬ keuˆ le tehꞈ-a. Aˇ kʼoꞈ aˇ la kʼoeˇ dzeuˇ-iˇ ngeh, Duˇlu meuˬ-euˬ jawˬ gʼehˇ, caˇ dawˬ laꞈ kʼoeˇ ahˇ-eu meh maˬ laˇ-ahˇ duˇ tehꞈ-a.

Iˇsaˬyaˇ 23:16

“Aˬ cawˬ neh bi ngehˇ byoˆ-euˬ meh maˬ laˇ-oˇ, deuˇ-mˬ baꞈ-awˇ meuˬ cah doe-awˬ. Kʼaˬ dzeˇ zaˬ deuˬ paˇ gʼoꞈ uiˬ laˇ ni, deuˇ-mˬ diˬ-awˇ caˇ dawˬ paˇ caˇ mehˬ-awˬ.”

Yeˬlaˬmiˇ 25:11

Miˇ kʼahˬ heu kʼahˬ kʼahˬ lah ni cawˆ-iˇ jiˇ-awˇ, tsawˬ guˆ-iˇ paˬ-ehˇ jaˆ tehꞈ-a. Dawˬ peh jaˆ-eu miˇ kʼahˬ deuˬ, Baˬbuˇloˬ sahˬ paˬ-euˬ zaˬ kʼaˆ shiꞈ tseˇ kʼoꞈ ya geuꞈ tehꞈ-a.

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Yeˬsaˬgeˬlaˇ 16:25

Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.

Yeˬsaˬgeˬlaˇ 16:26

Nawˬ-ahˇ miˇ kaˬ taꞈ-eu kʼaˬ miˬ sheu gaˇ cehˇ gʼa-eu Iˇjiˇtuˆ tsawˇ haˬ deuˬ-ahˇ nawˇ sheuˬ yuꞈ-awˇ, ngaˇ nui ma bi pehˇ-eu lehˇ, nawˇ meh maˬ laˇ geuꞈ dzaˬ luꞈ-eu meh.

Yeˬsaˬgeˬlaˇ 16:31

Gaˇ ma yawˬ kahˇ na luꞈ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ doe-awˇ, meh maˬ laˇ geuꞈ doe jiˇ-euˬ meh. Ehˇ kʼawꞈ, meh maˬ laˇ nui deuˬ loꞈ-ehˇ, pyuˇ za laˇ ni nawˇ meh maˬ laˇ geuꞈ-euˬ maˬ ngeuˇ-a.

Yeˬsaˬgeˬlaˇ 22:13

“Nawˬ neh tahˇ joe joe za-euˬ jeˬ hawˇ-eu, nawˬ neh shiˬ laˆ yoeˇ-euˬ jeˬ kʼoeˇ taˆ ngaˬ-euˬ aˬ laꞈ laꞈ puˇ tahˬ gʼeh leꞈ ma.

Miˇkaˬ 1:7

Aˇ poeˬ kʼaˆ-eu tahˬ pahˬ aˬ ma mawˇ kawˇ dawˬ tawˆ luꞈ meuˇ-iˇ loeˇ-iˇ jiˇ-awˇ, uˬ duˬ tahˬ nymˇ-ahˇ jawˇ-eu meh maˬ laˇ deuˬ-ahˇ kʼaˇ biꞈ-euˬ yawˬ jeˬ na luꞈ miˬ dzaˬ bi keuˬ dzeh-eu uˬ taꞈ, tahˬ pahˬ aˬ ma mawˇ kawˇ dawˬ tawˆ luꞈ yaw cawˆ-ehˇ baꞈ bymˇ taˬ-awˇ ga tehꞈ-a. Zaˬ bi myaˬ laˇ-eu gʼaˇ duˬ maˬ tsaˬ maˬ dawˇ-eu zahˇ sahˇ kʼoꞈ bawˬ-iˬ jahˇ gaˇ geuꞈ-eu lehˇ, aˬ yawꞈ maꞈ neh poˆ uiˬ taˬ-euˬ mˇ myawˬ kʼoeˇ deuˬ-ahˇ, muiˇ-eu deuˬ neh uˬ duˬ tahˬ gaˇ geuꞈ-eu lehˇ yawˬ gaˇ yawˬ bi baꞈ byoˆ gʼeh tehꞈ-a.”

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Naˬhmˬ 3:4

Aˇ gʼehˇ muiˬ-awˇ aˬ cawˬ mawꞈ-eu, miˇ tsaˬ zaˬ baˬ ya baw uiˬ-awˇ, aˬ yawꞈ zaˬ kʼaˆ bi geuꞈ jiˇ-euˬ, Niˇnaˬbeˬ meh maˬ laˇ meuˬ-aˬ, kʼehˬ-eu kʼaˆ-eu jeˬ daˬ luꞈ meh.

Zeˬpaˬniˇ 2:7

Buˬ-iˇ-euˬ Yuˇdaˆ tsawˇ haˬ deuˬ, naw maꞈ miˇ kʼahˬ jawˇ geuꞈ tehꞈ-a. Aˬ yawꞈ maꞈ kʼoeˇ gaˇ yawˇ bo-awˇ, Aˬshaˇgaˬloˇ meuˬ-euˬ nymˇ deuˬ, aˬ yawꞈ maꞈ yuꞈ duˬ pyeuꞈ tehꞈ-a. Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ maꞈ-ahˇ dah teˬ nehˬ-awˇ, paˇ bi dehꞈ doˆ dzaˬ laˇ tehꞈ-a.

Gʼaˬkʼehˇ 15:14

Aˬ cawˬ tsawˇ jeuˬ laꞈ kʼoeˇ Miˬyehˇ-ahˇ taꞈ-eu aˇ muˇ tiˬ muˇ bi baw laˇ-euˬ laꞈ kʼoeˇ, aˬ cawˬ tsawˇ jeuˬ-ahˇ gʼeh Miˬyehˇ ha geuꞈ dahˬ beh-euˬ gaˇ kawˆ bya cehˆ ni bi siˬ bi mawˇ laꞈ-euˬ kʼoeˇ hmˬ, Siˇmoˬ neh naw maꞈ-ahˇ ja mehˬ gʼaˬ-euˬ meh.

Dawˬmehˬ 23:18

Kʼoeˇ loꞈ-ehˇ mˇ-awˇ za-euˬ pyuˇ kʼoeˇ neh, saˇ jaˇ mˇ byah-eu aˇ poeˬ biꞈ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ maˬ ya yuˇ laꞈ-a. Muiˬ-eu shawˇ-eu meh maˬ laˇ geuꞈ-eu jeˬ-ahˇ Sahˬpaˬ Miˬyehˇ bye-eu meh.

1 Tiˆmoˇseˬ 3:3

Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:8

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ deuˬ kʼawꞈ, aˬ cawˬ yaw zeu baw-awˇ nui ma dawˇ-eu tsawˇ haˬ ya bi pyeuꞈ meh. Aˬ gaꞈ dzaˇ uiˇ aˇ dzehˬ maˬ dawˇ dzeuˇ-ehˇ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”