Iˇsaˬyaˇ 23:13 - Akha

¹³ Duˇlu meuˬ-ahˇ bawˇ tsahˬ jeˬ zaˬ byah ni jahˇ-euˬ-aˬ, Aˬshuˇliˆ tsawˇ haˬ deuˬ maˬ ngeuˇ-a. Baˬbuˇloˬ tsawˇ haˬ deuˬ meh. Baˬbuˇloˬ tsawˇ haˬ deuˬ meuˬ-ahˇ deuˆ-eu nymˇ goˇ tsoˆ-awˇ, ziꞈ dah ni gʼeh-eu meuˬ deh pyaˆ jiˇ-awˇ, yaw cawˆ-ehˇ byehˇ dzeh yaꞈ-euˬ meh.

Iˇsaˬyaˇ 23:13 ပူးပေါင်းရင်းမြစ်များ

Aˇ dahˬ 11:28

Haˬlaˬ-aˬ, aˬ yawꞈ-euˬ aˬ da maˬ shiˇ mi naˆ-ehˇ, aˬ yawꞈ dehꞈ le-euˬ jawˇ duˬ pyeuꞈ-eu, Baˬbuˇloˬ miˇ kʼahˬ laꞈ kʼoeˇ jaˆ-eu Uˇlaˆ meuˬ-ahˇ shiˇ-euˬ meh.

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 11:9

Meuˬ kʼoeˇ meuˬ-ahˇ Baˬbuˇloˬ lehˇ kuˇ-euˬ meh. Aˬ jeˬ miˇ neh ehˇ naˇ, meuˬ kʼoeˇ meuˬ laꞈ kʼoeˇ tsawˇ haˬ zaˬ deuˬ dawˬ maˬ ngehˬ cawˬ taꞈ nya ni, aˬ yawꞈ maꞈ-euˬ dawˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-awˇ, aˬ yawꞈ maꞈ-ahˇ miˇ kʼahˬ doe ni bi jawˇ byaˆ jiˇ-euˬ meh.

Aˇ dahˬ 2:14

Lawˇ baˬ smˬ gawˆ tiˬ gawˆ-aˬ, Aˬshuˇliˆ miˇ kʼahˬ nahˇ ma doˆ kʼehˬ paw yoeˇ ka gʼeh-euˬ Tiˇgaˬliˇ lawˇ baˬ pyeuꞈ-awˇ, lawˇ baˬ oeˬ gawˆ tiˬ gawˆ-aˬ, Uˇpaˬlaˇ lawˇ baˬ pyeuꞈ-eu meh.

2 Sahˬpaˬ 17:24

Aˬshuˇliˆ sahˬ paˬ-aˬ, Baˬbuˇloˬ meuˬ, Guˇdaˆ meuˬ, Iˇbaˬ meuˬ, Haˬmaˆ meuˬ, Seˬpaˬbeˬ meuˬ heu deuˬ-ahˇ jawˇ-eu tsawˇ haˬ deuˬ sheuˬ-awˇ, aˬ yawꞈ neh nyehꞈ daˆ gʼeh-euˬ Iˇsaˬleˬlaˆ tsawˇ haˬ kʼoeˇ deuˬ-euˬ jawˇ duˬ pyeuꞈ-eu Saˬmaˬliˆ meuˬ-ahˇ bi jawˇ-euˬ meh. Tsawˇ haˬ kʼoeˇ deuˬ meuˬ kʼoeˇ deuˬ laꞈ kʼoeˇ jawˇ geuꞈ le-euˬ meh.

2 Sahˬpaˬ 20:12

Aˇ nah aˇ yamˬ kʼoeˇ yamˬ laꞈ kʼoeˇ, Baˬlaˬdaˬ-euˬ aˬ li Baˬbuˇloˬ sahˬ paˬ Meˬlawˇdaˆbaˬlaˬdaˬ-aˬ, sahˬ paˬ Heˬsaˬgiˇ jawˇ saˇ maˬ doˆ-eu gaˇ kawˆ ya gaˬ-awˇ, sahˬ boꞈ tiˬ taꞈ boꞈ ahˇ leꞈ-awˇ, laꞈ sawˬ bi sha ha le-euˬ meh.

2 Laˬsaˬbaˬ 33:11

Kʼoeˇ miˇ neh, Aˬshuˇliˆ guiˇ maꞈ deuˬ-ahˇ Yuˇdaˆ miˇ kʼahˬ laꞈ kʼoeˇ Sahˬpaˬ Miˬyehˇ bi uˇ le-euˬ meh. Aˬ yawꞈ maꞈ Maˬnaˇseˬ-ahˇ nyehꞈ-awˇ, naˇ mehˇ-ahˇ shmˇ kuˆ seuˬ siˇ ceuˬ-awˇ, shmˇ caˆ paꞈ-eu laꞈ kʼoeˇ, Baˬbuˇloˬ meuˬ-ahˇ tsahˇ gʼeh-euˬ meh.

Yawˇbaˆ 1:17

Zaˬ kʼaˆ kʼoeˇ gʼaˬ kʼoeˇ loꞈ-ehˇ ehˇ gʼaˬ-eu maˬ dah ni, zaˬ kʼaˆ tiˬ gʼaˬ paˇ cehˆ keuˆ laꞈ-awˇ ehˇ-eu, “Kaˬlaˬdehˇ tsawˇ jeuˬ taˆ smˬ taˆ nga maꞈ-ahˇ ceh le-awˇ, law taw dawˬ tawˆ luꞈ teh geuꞈ gʼeh-euˬ uˬ taꞈ, nawˬ-euˬ zaˬ kʼaˆ dawˬ tawˆ luꞈ-ahˇ sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Jaceuq 72:9

Kʼaˇ shuiꞈ deh-ahˇ jawˇ-eu tsawˇ jeuˬ deuˬ aˬ yawꞈ mehˬ shi awˆ byaˆ-awˇ, aˬ yawꞈ-ahˇ muiˇ-eu deuˬ kʼaˬ lehˇ lehˇ-iˇ luꞈ-uˇ.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 10:7

Ehˇ kʼawꞈ, Aˬshuˇliˆ sahˬ paˬ-aˬ, kʼoeˇ loꞈ-ehˇ maˬ noeˬ ni, tsawˇ jeuˬ gʼawˬ mya jeuˬ-ahˇ laˆ luˬ laˆ seˇ-eu lehˇ, aˬ yawꞈ noeˬ duˬ-euˬ meh.

Iˇsaˬyaˇ 13:19

Miˇ kʼahˬ dawˬ tawˆ luꞈ kʼoeˇ taˆ, Baˬbuˇloˬ miˇ kʼahˬ yaw shehꞈ kʼahˬ sehˇ huiˬ-eu miˇ neh, aˬ yawꞈ-euˬ tsawˇ haˬ deuˬ kʼahˬ sehˇ jaˆ kʼawꞈ Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, Sahˬpaˬ Miˬyehˇ pyeuꞈ-eu ngaˇ laˆ luˬ laˆ seˇ nehˬ ma.

Iˇsaˬyaˇ 13:21

Bawˇ tsahˬ jeˬ zaˬ yuꞈ duˬ pyeuꞈ-iˇ-awˇ, bawˇ tsahˬ aˬ kuiˬ bahˬ sheu-awˇ jawˇ tehꞈ-a. Dzeˇ ngawˇ deuˬ kʼoeˇ gaˇ uiˬ leˇ-awˇ, bawˇ tsahˬ ciꞈ myehꞈ deuˬ tsawˬ niˇ gʼa duˬ pyeuꞈ-iˇ tehꞈ-a.

Iˇsaˬyaˇ 18:6

Shiˇ taˬ-awˇ ga-eu aˬ yawꞈ maꞈ-euˬ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ gʼaˇ duˬ pyeuꞈ-awˇ, aˇ jiˇ deuˬ tiˬ jawˇ la dzaˬ-eu uˬ taꞈ, tsahˬ gaˆ yamˬ-ahˇ jeˬ zaˬ deuˬ bui tehꞈ-a.”

Iˇsaˬyaˇ 43:14

Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, naw maꞈ-ahˇ ka kʼoꞈ-euˬ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ ka kʼoꞈ-eu gʼaˇ duˬ, Baˬbuˇloˬ miˇ kʼahˬ-ahˇ guiˇ deuˆ le-eu, guiˇ maꞈ tiˬ maꞈ ngaˇ pyehˬ leꞈ ma. Meuˬ lahˇ laˇ gʼoˆ deuˬ-ahˇ ngaˇ ngawˬ pyaˆ-awˇ, Baˬbuˇloˬ tsawˇ haˬ deuˬ guˇ-eu teˇ saˇ, tsawˇ ngoeˇ ngoeˇ-eu teˇ saˇ pyeuꞈ-iˇ tehꞈ-a.

Yeˬsaˬgeˬlaˇ 23:23

Baˬbuˇloˬ tsawˇ haˬ hawˇ-eu Kaˬlaˬdehˇ tsawˇ haˬ dawˬ tawˆ luꞈ maˬ ehˇ, Peˬkawˇ meuˬ, Shoˇaˬ meuˬ hawˇ-eu, Koˬaˬ meuˬ-ahˇ jawˇ-eu tsawˇ haˬ deuˬ maˬ ehˇ, Aˬshuˇliˆ tsawˇ haˬ dawˬ tawˆ luꞈ maˬ ehˇ, ngaˇ sheuˬ uiˬ leꞈ ma. Aˇ gʼehˇ muiˬ-eu zaˬ guˬ pyeuꞈ-eu sahˬ paˬ sahˬ ma deuˬ hawˇ-eu, mahˬ dziˬ-eu guiˇ maꞈ deuˬ kʼoeˇ taˆ uˆ lahˇ-eu aˬ yuiꞈ aˬ tsu deuˬ hawˇ-eu yaw huiˬ yaw mahˇ dawˬ tawˆ luꞈ ngaˇ kuˇ uiˬ ma.

Yeˬsaˬgeˬlaˇ 29:18

“Tsawˇ haˬ zaˬ-oˇ, Baˬbuˇloˬ sahˬ paˬ Neˬbuˬkaˬneˬzaˬ Duˇlu meuˬ-ahˇ guiˇ deuˆ le-euˬ meh. Aˬ yawꞈ-euˬ yehˇ deuˬ pi-euˬ myawˬ kah dui dui-eu miˇ neh, uˬ duˬ pi deˬ-awˇ, baꞈ pu yawˆ-iˇ jiˇ-euˬ meh. Kʼoeˇ naˆ naˆ-ehˇ shaˬ-euˬ kawꞈ, sahˬ paˬ hawˇ-eu aˬ yawꞈ-euˬ guiˇ maꞈ gʼaˇ duˬ jiˇ jeuˬ tiˬ jeˬ-iˬ maˬ ahˇ-a.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Haˬbaˬkuˆ 1:6

Haiˬ dui jawꞈ dui gʼeh dui dui-eu, Baˬbuˇloˬ tsawˇ jeuˬ kʼoeˇ jeuˬ-ahˇ, ciˬ tuˇ-awˇ baoˬ biꞈ-eu laꞈ kʼoeˇ, mˬ dzeˇ miˇ dzeˇ doˆ ni coeˬ-awˇ, aˬ cawˬ miˇ kʼahˬ ceh geuꞈ tehꞈ-a.

Gʼaˬkʼehˇ 7:4

Kʼoeˇ miˇ neh, aˬ yawꞈ-euˬ miˇ kʼahˬ-ahˇ aˬ yawꞈ byehˇ dzeh yaꞈ-awˇ, Haˬlaˬ meuˬ-ahˇ jawˇ-iˇ-euˬ meh. Aˬbyaˬhaˬ-euˬ aˬ da shiˇ dzeuˇ ngeh jawˇ, iˬ nah naw maꞈ jawˇ luꞈ-eu miˇ kʼahˬ heu kʼahˬ laꞈ kʼoeˇ, Miˬyehˇ neh aˬ yawꞈ-ahˇ paˇ bi jawˇ laˇ-euˬ meh.