Iˇsaˬyaˇ 22:7 - Akha

⁷ Miˇ tsaˬ miˇ muiˬ muiˬ-eu Yuˇdaˆ miˇ kʼahˬ deh kʼawꞈ deuˬ-ahˇ, mahˬ laˆ lawˬ byah jiˇ-awˇ, Yeˬluˇsaˬlehˬ meuˬ lahˇ mehˬ shi, mahˬ dziˬ-eu yehˇ deuˬ yawꞈ luꞈ meh.

Iˇsaˬyaˇ 22:7 ပူးပေါင်းရင်းမြစ်များ

Iˇsaˬyaˇ 22:6

Eˇlamˬ yehˇ deuˬ kaˆ lehˬ hmˬ-awˇ, mahˬ dziˬ-awˇ oe luꞈ meh. Kiˇlaˆ yehˇ deuˬ dehˬ daˬ duˬ tuˆ tehˬ-awˇ, lehˬ hmˬ dah taˬ-euˬ meh.

Iˇsaˬyaˇ 22:8

Yeˬluˇsaˬlehˬ meuˬ aˬ cawˬ laꞈ-ahˇ maˬ ahˇ leˇ ni, maˬ paˇ laˆ tsoeˬ nya meh. Aˇ nah aˇ yamˬ kʼoeˇ keuˆ le ngeh, Sahˬ paˬ-euˬ nymˇ laꞈ kʼoeˇ guiˇ deuˆ-eu keu ka bi jaˆ-euˬ, bawˇ tsahˬ bawˇ dahˇ aˇ lawˆ lehˇ myahˇ-euˬ lawˆ-ahˇ, nawˇ pyehˆ tseˇ haw tehꞈ-a.

Iˇsaˬyaˇ 37:34

Meuˬ heu meuˬ-ahˇ maˬ ya uˇ keuˆ laˇ ni, aˬ yawꞈ oe-euˬ gaˇ ma caw caw-ehˇ paˇ ya gʼoꞈ kʼoꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 1:15

Aˬ jeˬ miˇ neh ehˇ naˇ, laꞈ taˆ paw kʼaˇ jawˇ-eu tsawˇ jeuˬ dawˬ tawˆ luꞈ-ahˇ, ngaˇ kuˇ ka-eu lehˇ gʼeh-eu ma. Yeˬluˇsaˬlehˬ meuˬ-euˬ lahˇ kʼehˬ-ahˇ maˬ ehˇ, meuˬ lahˇ jawˬ jawˬ-ehˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-euˬ meuˬ lahˇ jawˬ jawˬ-ehˇ maˬ ehˇ, tsawˇ jeuˬ kʼoeˇ deuˬ-euˬ sahˬ paˬ deuˬ nuiˇ mahˬ ciˬ tsoꞈ le tehꞈ-a.

Yeˬsaˬgeˬlaˇ 4:2

Kʼoeˇ naˇ, meuˬ-ahˇ loꞈ jawˬ-awˇ, guiˇ deuˆ ngeh kʼaˇ jahˇ-eu loꞈ-ehˇ, tsaˬ byaˆ kʼoeˇ-euˬ tiˬ jawˬ, kuˬ kaˬ duˬ-eu, miˇ tsaˬ ciˬ goˇ-eu, sehˬ gʼawˆ gʼawˆ-eu hawˇ-eu meuˬ lahˇ tuˆ byaˆ-eu keu ka deuˬ baꞈ taˬ-awˇ jaˆ-eu, heu loꞈ-ehˇ gʼeh-eu yawˬ jeˬ na luꞈ-euˬ aˇ baˇ jahˇ kuꞈ taˬ-awˬ.

Yeˬsaˬgeˬlaˇ 4:3

Kʼoeˇ naˇ, shmˇ shmˇ byaˆ tiˬ byaˆ yuˇ-awˇ, nawˇ hawˇ-eu meuˬ-euˬ yaw kaˬ-ahˇ ciˬ taw taˬ-awˬ. Meuˬ-ahˇ mehˬ shiˬ pyawˇ-awˇ jawˇ-awˬ. Nawˇ-aˬ, meuˬ-ahˇ loꞈ jawˬ-eu gʼaˬ meh. Heu-aˬ, Iˇsaˬleˬlaˆ tsawˇ jeuˬ gʼaˇ duˬ yaw jeˬ ma jeˬ pyeuꞈ-eu meh.