Iˇsaˬyaˇ 22:25 - Akha

²⁵ Kʼoeˇ loꞈ-ehˇ pyeuꞈ laˇ ngeh, ziꞈ dah ni diˬ taˬ-euˬ taꞈ cmˬ yaˇ laˇ-awˇ lehˆ-iˇ tehꞈ-a. Kʼoeˇ ngeh, kʼoeˇ gaˇ kʼaˇ ciˬ ceuˬ taˬ-euˬ jeˬ dawˬ tawˆ luꞈ ga ka jiˇ tehꞈ-a.”

Iˇsaˬyaˇ 22:25 ပူးပေါင်းရင်းမြစ်များ

Jaceuq 146:3

Miˇ kʼahˬ sahˬ paˬ sahˬ ma deuˬ-ahˇ nui kʼaˬ taˬ tsmˬ. Tsawˇ haˬ zaˬ nawˬ-ahˇ maˬ ka kʼoꞈ nya-a.

Jaceuq 52:5

Kʼoeˇ miˇ neh, mˬ maˬ maˬ byaˆ zaˇ ziˇ naw maꞈ-ahˇ Miˬyehˇ laˆ luˬ laˆ seˇ nehˬ laꞈ tehꞈ-a. Naw maꞈ-ahˇ aˬ yawꞈ tsuˆ tehˬ-awˇ, naw maꞈ-euˬ nymˇ jiˇ laꞈ kʼoeˇ neh gʼeu doˆ gʼeh tehꞈ-a. Yaw dehꞈ zaˬ jawˇ-eu miˇ kʼahˬ-ahˇ neh, naw maꞈ-ahˇ aˬ yawꞈ sheu dzeh byoˆ tehꞈ-a.

Iˇsaˬyaˇ 22:23

Taꞈ cmˬ diˬ-euˬ loꞈ-ehˇ aˬ yawꞈ-ahˇ ngaˇ ziꞈ dah ni bi jaˆ-awˇ, aˬ yawꞈ baˬ da neh aˬ yawꞈ-euˬ aˬ yuiꞈ aˬ nyiˇ dawˬ tawˆ luꞈ myaˆ pyawˬ naˇ mehˇ jaˆ tehꞈ-a.

Iˇsaˬyaˇ 22:24

“Ehˇ kʼawꞈ, aˬ yawꞈ-euˬ aˇ jeuˬ aˇ ca deuˬ hawˇ-eu aˬ yawꞈ-ahˇ gʼoe-eu tsawˇ haˬ deuˬ, aˬ yawꞈ gʼaˇ duˬ kʼaˆ behˆ pyeuꞈ tehꞈ-a. Taꞈ cmˬ-ahˇ iˇ puˬ hawˇ-eu ni ceuˆ deuˬ ciˬ ceuˬ taˬ-euˬ loꞈ-ehˇ, aˬ yawꞈ maꞈ aˬ yawꞈ-ahˇ byaˇ gʼeu tehꞈ-a.

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Iˇsaˬyaˇ 48:15

Aˬ yawꞈ-ahˇ dawˬ ngehˬ-awˇ kuˇ doˆ-euˬ gʼaˬ ngaˇ ma. Ngaˇ aˬ yawꞈ-ahˇ sheuˬ gʼeh nehˬ-euˬ miˇ neh, aˬ yawꞈ kʼaˇ mˇ kʼaˇ pyeuꞈ pyeuꞈ leˇ tehꞈ-a.

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Yeˬsaˬgeˬlaˇ 5:17

Nawˬ-euˬ zaˬ deuˬ-ahˇ bi sehꞈ-eu gʼaˇ duˬ, mehꞈ-eu shuꞈ-eu jeˬ hawˇ-eu bawˇ tsahˬ jeˬ zaˬ yaw haiˬ deuˬ-ahˇ ngaˇ pyehˬ gʼeh leꞈ-awˇ, naw maꞈ-ahˇ bi sehꞈ-eu gʼaˇ duˬ, naˇ-eu gawˇ-eu, shaˆ shiˇ hawˇ-eu, guiˇ deuˆ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.