Iˇsaˬyaˇ 22:24 - Akha

²⁴ “Ehˇ kʼawꞈ, aˬ yawꞈ-euˬ aˇ jeuˬ aˇ ca deuˬ hawˇ-eu aˬ yawꞈ-ahˇ gʼoe-eu tsawˇ haˬ deuˬ, aˬ yawꞈ gʼaˇ duˬ kʼaˆ behˆ pyeuꞈ tehꞈ-a. Taꞈ cmˬ-ahˇ iˇ puˬ hawˇ-eu ni ceuˆ deuˬ ciˬ ceuˬ taˬ-euˬ loꞈ-ehˇ, aˬ yawꞈ maꞈ aˬ yawꞈ-ahˇ byaˇ gʼeu tehꞈ-a.

Iˇsaˬyaˇ 22:24 ပူးပေါင်းရင်းမြစ်များ

Iˇsaˬyaˇ 22:23

Taꞈ cmˬ diˬ-euˬ loꞈ-ehˇ aˬ yawꞈ-ahˇ ngaˇ ziꞈ dah ni bi jaˆ-awˇ, aˬ yawꞈ baˬ da neh aˬ yawꞈ-euˬ aˬ yuiꞈ aˬ nyiˇ dawˬ tawˆ luꞈ myaˆ pyawˬ naˇ mehˇ jaˆ tehꞈ-a.

Iˇsaˬyaˇ 22:25

Kʼoeˇ loꞈ-ehˇ pyeuꞈ laˇ ngeh, ziꞈ dah ni diˬ taˬ-euˬ taꞈ cmˬ yaˇ laˇ-awˇ lehˆ-iˇ tehꞈ-a. Kʼoeˇ ngeh, kʼoeˇ gaˇ kʼaˇ ciˬ ceuˬ taˬ-euˬ jeˬ dawˬ tawˆ luꞈ ga ka jiˇ tehꞈ-a.”

Yeˬsaˬgeˬlaˇ 15:3

Aˬ gaꞈ ciˇ ni kʼoeˇ nawˇ yuˇ-awˇ tiˬ jeˬ paˬ jahˇ gaˇ geuꞈ nya te loˇ. Daˇ taꞈ geuꞈ-awˇ tiˬ jeˬ paˬ ciˬ ceuˬ nya ta loˇ.

Zaˬkaˬliˇ 6:13

Aˬ yawꞈ-aˬ, Uˬ duˬ tahˬ nymˇ nymˇ ma tsoˆ muiˬ-awˇ, sahˬ paˬ loꞈ-ehˇ taˬ huiˬ taˬ mahˇ nehˬ gaˇ ya daˬ-awˇ, aˬ yawꞈ-euˬ tsawˇ haˬ deuˬ-ahˇ ya uˆ lahˇ tehꞈ-a. Piˇ ma tiˬ gʼaˬ aˬ yawꞈ-euˬ dzoeˬ dzaˬ nuiˇ mahˬ dawˬ peh yawꞈ-awˇ, aˬ yawꞈ nyaꞈ tiˬ gʼaˬ tiˇ gʼaˬ nui noeˬ taꞈ-eu laꞈ kʼoeˇ gaˇ mˇ tehꞈ-aʼ lehˇ ehˇ nehˬ-awˬ.

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.