Iˇsaˬyaˇ 22:17 - Akha

¹⁷ Nawˇ yawˬ haˇ yawˬ ha maˬ gaˇ ma lehˇ noeˬ kʼawꞈ, Sahˬpaˬ Miˬyehˇ nawˬ-ahˇ gʼoˆ biˬ gʼeh nya meh lehˇ maˬ siˬ nya te loˇ.

Iˇsaˬyaˇ 22:17 ပူးပေါင်းရင်းမြစ်များ

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Yawˇbaˆ 9:24

Miˬyehˇ haiˬ-eu tsawˇ haˬ-ahˇ miˇ kʼahˬ bi dzaˬ-awˇ, yaˇ kʼaˬ daˇ-eu tsawˇ haˬ dawˬ tawˆ luꞈ-ahˇ myaˆ behꞈ bi behꞈ iˇ-eu meh. Miˬyehˇ maˬ ngeuˇ-ehˇ aˬ suˇ gʼaˬ kʼoeˇ loꞈ-ehˇ jahˇ nmˇ.

Iˇsaˬyaˇ 22:16

“Gawˬ duˇ baˬ gʼa lo guˇ-ahˇ, yawˬ ha-euˬ lmˬ bymˇ yawˬ ha byoe taˬ paˬ-ehˇ, nawˇ aˇ naˆ ni huiˬ-eu tsawˇ haˬ te.

Iˇsaˬyaˇ 22:18

Baw duiˇ gʼoˆ-eu loꞈ-ehˇ aˬ yawꞈ nawˬ-ahˇ gʼoˆ-awˇ, huiˬ-eu miˇ kʼahˬ laꞈ kʼoeˇ biˬ ahˇ nehˬ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, nawˇ kʼahˬ sehˇ jehˆ-eu nawˬ-euˬ mahˬ laˆ lawˬ dawˬ peh, nawˇ ya shiˇ tehꞈ-a. Nawˇ-aˬ, nawˬ-euˬ sahˬ paˬ-euˬ nymˇ jiˇ-ahˇ daˬ laˆ ga-euˬ tsawˇ haˬ meh.

Yeˬlaˬmiˇ 10:18

Naw maꞈ-ahˇ miˇ kʼahˬ heu kʼahˬ laꞈ kʼoeˇ neh biˬ doˆ-eu lehˇ, Sahˬpaˬ Miˬyehˇ lehˬ hmˬ luꞈ meh. Naw maꞈ tiˬ gʼaˬ-iˬ maˬ bi dzeuˇ-iˇ ni jahˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 14:3

Smˇ muiˬ aˬ da deuˬ zaˬ kʼaˆ deuˬ-ahˇ kʼehˇ gʼeh-awˇ, iˇ cuꞈ bi kʼawꞈ laˬ-iˇ-euˬ kʼawꞈ, lah duˬ-ahˇ iˇ cuꞈ maˬ dahˬ-eu miˇ neh, iˇ puˬ yawꞈ ngehꞈ-ehˇ gʼoꞈ laˇ-euˬ meh. Aˬ yawꞈ maꞈ nui ma cawˆ-awˇ zahˬ leˇ-euˬ miˇ neh, myaˆ pyawˬ ciˬ zaꞈ-eu meh.