Iˇsaˬyaˇ 22:14 - Akha

¹⁴ Baoˬ huiˬ-eu Sahˬpaˬ Miˬyehˇ ngaˬ-ahˇ ehˇ-eu, “Aˬ yawꞈ maꞈ ziˇ jiˇ ngeh keuˆ ni, iˬ baˇ heu ngaˇ maˬ pyehˬ nehˬ lehˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu ngaˇ Sahˬpaˬ Miˬyehˇ ehˇ-eu ma.”

Iˇsaˬyaˇ 22:14 ပူးပေါင်းရင်းမြစ်များ

2 Saˬmeuˬlaˆ 6:23

Sawˇluˆ-euˬ aˬ buˇ Miˇkaˬlaˇ-aˬ, ziˇ jiˇ ngeh keuˆ ni zaˬ tiˬ gʼaˬ-iˬ maˬ jawˇ le-a.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 31:2

Ehˇ kʼawꞈ, Miˬyehˇ yawꞈ mˇ-euˬ gaˇ yawꞈ siˬ nya-awˇ, shaˬ zahˬ guˆ gaˆ bi keuˆ le nya-eu meh. Yaw haiˬ jeˬ mˇ-eu tsawˇ haˬ deuˬ hawˇ-eu, aˬ yawꞈ maꞈ-ahˇ haw piˇ nehˬ-eu deuˬ-ahˇ, aˬ yawꞈ laˆ guˆ-awˇ kʼehˬ tehꞈ-a.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Iˇsaˬyaˇ 65:7

Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

1 Saˬmeuˬlaˆ 3:14

Huiˬ dui dui-eu iˬ baˇ heu hmˬ baˬ da neh keuˆ le-eu luˬ-iˇ seˇ-iˇ-eu jeˬ-ahˇ ya buˬ-iˇ ni, lawˇ-eu shehˇ-eu jeˬ hawˇ-eu damˬ nehˬ-eu jeˬ neh maˬ paˇ jahˇ dzeuˇ nya meh lehˇ, Eˇliˆ-euˬ nymˇ jiˇ-ahˇ ngaˇ maˇ jawˆ ni ehˇ nehˬ taˬ-euˬ ma.”

1 Saˬmeuˬlaˆ 9:15

Miˇ nah loꞈ-ehˇ gʼeh ngeh, Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ taˬ-euˬ meh.