Iˇsaˬyaˇ 22:11 - Akha

¹¹ Lah yaw oeˇ lah-ahˇ neh yoeˇ doˆ-eu iˇ cuꞈ jeˬ hmˬ-eu lehˇ, meuˬ laꞈ kʼoeˇ nawˇ lah gawˬ tehꞈ-a. Ehˇ kʼawꞈ, aˇ hu ba neh heu deuˬ dawˬ tawˆ luꞈ mˇ-euˬ gʼaˬ pyeuꞈ-eu Miˬyehˇ-ahˇ nawˇ maˬ haw cawˬ-a.

Iˇsaˬyaˇ 22:11 ပူးပေါင်းရင်းမြစ်များ

2 Sahˬpaˬ 20:20

Sahˬ paˬ Heˬsaˬgiˇ neh mˇ-euˬ huiˬ-eu gaˇ deuˬ maˬ ehˇ, iˇ cuꞈ lah ciˬ-awˇ, meuˬ-ahˇ iˇ pahˬ pahˬ ahˇ-euˬ gaˇ kawˆ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Sahˬpaˬ 25:4

Meuˬ meuˬ lahˇ laˆ pehꞈ-awˇ, Baˬbuˇloˬ tsawˇ haˬ deuˬ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ kʼoeˬ doˆ jiˇ-euˬ meh. Sahˬpaˬ-euˬ yaˇ kmˇ paw aˬ yawꞈ maꞈ iˇ-awˇ, meuˬ meuˬ lahˇ nyiˬ pyawˬ dzoeˇ le-euˬ laꞈ coeˇ-ahˇ jaˆ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

2 Laˬsaˬbaˬ 6:6

Ehˇ kʼawꞈ, nymˬ-mˇ ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, Yeˬluˇsaˬlehˬ meuˬ-ahˇ ngaˇ tsaˬ tsoˆ-awˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, Daˬbiˇ nawˬ-ahˇ ngaˇ tseˇ doˆ-euˬ ma’ lehˇ ehˇ nehˬ-eu meh.

Neˬhaˬmiˇ 3:16

Behˬzuˇlaˆ meuˬ tiˬ paˆ dzaˬ-eu Aˬzaˬboˆ-euˬ aˬ li Neˬhaˬmiˇ gʼaˬ tiˬ deuˆ paˇ gawˬ tsaꞈ gʼeh-awˇ, Daˬbiˇ-euˬ lmˬ bymˇ, lah hawˇ-eu tsawˇ myahˇ doˆ dui dui-eu yehˇ deuˬ-euˬ nymˇ-ahˇ keuˆ ni gawˬ keuˆ-euˬ meh.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 22:10

Yeˬluˇsaˬlehˬ meuˬ laꞈ kʼoeˇ jaˆ-eu nymˇ deuˬ nawˇ gui haw-awˇ, nymˇ deh pyaˆ-awˇ meuˬ lahˇ gawˬ muiˬ gaˇ dawˆ tehꞈ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Iˇsaˬyaˇ 7:3

Iˇsaˬyaˇ-ahˇ Sahˬpaˬ Miˬyehˇ ehˇ nehˬ-eu, “Nawˬ li Shaˬyaˬshuˇbaˬ-ahˇ sheuˬ-awˇ, sahˬ paˬ Aˬkaˆ-ahˇ tahˬ puˬ leˇ-awˬ. Iˇ cuꞈ lah laꞈ taˆ lah-ahˇ neh caˬ leꞈ-eu uiˇ kʼehˬ-euˬ mehˬ dzaˬ-ahˇ jaˆ-eu, shaˬ nmˇ shaˬ paˇ mˇ duˬ-ahˇ iˇ-eu gaˇ ma kʼoeˇ taˆ, aˬ yawꞈ-ahˇ naw nyaꞈ ya tahˬ puˬ tehꞈ-a.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Yeˬlaˬmiˇ 39:4

Kʼoeˇ loꞈ-ehˇ pyeuꞈ laˇ-euˬ gaˇ, sahˬ paˬ Zeˬdaˬkiˇ hawˇ-eu aˬ yawꞈ-euˬ yehˇ dawˬ tawˆ luꞈ ya mawˇ ngeh, uˬ ciꞈ paw meuˬ laꞈ nyiˇ cehˆ doˆ-eu lehˇ lehˬ hmˬ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ doˆ-iˇ-awˇ, meuˬ meuˬ lahˇ nyiˬ tiˆ yaw kaˬ-ahˇ dahˇ-eu lahˇ kʼehˬ-ahˇ neh iˇ doˆ-awˇ, Yawˇdaˬ lawˇ baˬ deh kʼawꞈ paw cehˆ dzeuˇ-euˬ meh.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.