Iˇsaˬyaˇ 20:6 - Akha

⁶ Aˇ nah aˇ yamˬ kʼoeˇ keuˆ le ngeh, Piˇliˇtiˆ miˇ kʼahˬ iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ deuˬ heu loꞈ-ehˇ ehˇ tehꞈ-a. ‘Haw sheˇ. Aˬshuˇliˆ sahˬ paˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nya tehꞈ-a lehˇ, aˬ dui neh noeˬ tmˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ nga. Aˬ dui aˬ joˆ-ehˇ dzeuˇ-iˇ nya nmˇ.’ ”

Iˇsaˬyaˇ 20:6 ပူးပေါင်းရင်းမြစ်များ

Yawˇbaˆ 22:30

Nawˇ iˬ baˇ maˬ mˇ ni yaw tsaˬ yaw dawˇ jeˬ mˇ naˇ, aˬ yawꞈ nawˬ-ahˇ ka kʼoꞈ tehꞈ-a.”

Yawˇbaˆ 6:20

Ehˇ kʼawꞈ, gui coˇ ni jaˆ-eu lawˇ gawˆ kʼoeˇ deuˬ-ahˇ mawˇ ngeh, noeˬ tmˬ duˬ byoˆ-awˇ nui ma cawˆ dui dui-eu meh.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 28:17

Yaw tsaˬ yaw dawˇ jeˬ-ahˇ biˇ tsehˆ-ehˇ gawˬ tehˬ-awˇ, yaw sui yaw dawˇ jeˬ-ahˇ tsawˬ tuˇ-ehˇ gawˬ daˆ ma. Naw maꞈ-euˬ jaˬ myawꞈ mehˇ shuiˇ-ahˇ uˬ yehˇ aˇ siˬ deh cawˆ-awˇ, naw maꞈ cehˆ zaꞈ duˬ-ahˇ iˇ jeuˬ dehˬ dzaˬ tehꞈ-a.”

Yeˬlaˬmiˇ 30:1

Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 31:1

Sahˬpaˬ Miˬyehˇ ehˇ-eu, “Ngaˇ Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ laˇ-eu aˇ yamˬ keuˆ le tehꞈ-a.”

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬlaˬmiˇ 47:4

Piˇliˇtiˆ-ahˇ laˆ cawˆ nehˬ-eu aˇ yamˬ keuˆ le-euˬ meh. Duˇlu hawˇ-eu Siˇdoˬ meuˬ-ahˇ ngehˬ gʼeh le-eu gaˇ ma, dawˬ tawˆ luꞈ bi deuˆ tsehˆ tehꞈ-a. Gaˬlaˬdeˬ laˆ shaˆ lawˇ deh paw neh jawˇ le-euˬ, Piˇliˇtiˆ tsawˇ haˬ kʼaˇ jawˇ kʼaˇ deuˬ-ahˇ Sahˬpaˬ Miˬyehˇ pyeuꞈ-eu ngaˇ laˆ cawˆ ma.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.