Iˇsaˬyaˇ 2:20 - Akha

²⁰ Aˇ nah kʼoeˇ nah keuˆ laˇ ngeh, yawˬ ha neh tehˆ-euˬ pyuˇ hawˇ-eu shuiˇ tahˬ pahˬ aˬ ma mawˇ kawˇ deuˬ-ahˇ, ho kʼaˬ, boeˇ kʼaˬ jawˇ duˬ-ahˇ baꞈ dzeh yaꞈ jiˇ tehꞈ-a.

Iˇsaˬyaˇ 2:20 ပူးပေါင်းရင်းမြစ်များ

Aˇ dahˬ 35:4

Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 17:8

tsawˇ haˬ zaˬ uˬ duˬ tahˬ shaˇ leˇ tehꞈ-a. Aˬ yawꞈ maꞈ-euˬ aˬ laꞈ neh jahˇ taˬ-euˬ lawˇ duˬ deuˬ-ahˇ, aˬ yawꞈ maꞈ maˬ paˇ gʼoe-ehˇ, aˬ yawꞈ maꞈ-euˬ kuiˇ zaˇ laꞈ zaˇ pyeuꞈ-eu, Aˬsheˇlaˬ miˬ yehˇ ma-euˬ mawˇ kawˇ deuˬ hawˇ-eu, tsiˇ yaw saw jeˬ doꞈ damˬ-eu lawˇ duˬ-ahˇ, myaˆ haw maˬ cawˬ ni byehˇ tehꞈ-a.

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Iˇsaˬyaˇ 31:7

Naw maꞈ neh pyuˇ hawˇ-eu shuiˇ yuˇ-awˇ jahˇ taˬ-euˬ tahˬ pahˬ aˬ ma mawˇ kawˇ deuˬ-ahˇ, naw maꞈ yawˬ gʼaˬ na luꞈ ya biˬ dzeh-eu aˇ nah keuˆ le tehꞈ-a.

Iˇsaˬyaˇ 40:19

Aˬ laꞈ yaw nya deuˬ neh tehˆ doˆ-euˬ gaˇ, ba jiˬ deuˬ neh shuiˇ yaw-awˇ, pyuˇ diˬ tm kʼoeˇ taˆ ciˬ nuiˇ taˬ-euˬ, tahˬ pahˬ aˬ ma mawˇ kawˇ-ahˇ aˬ yawꞈ maˬ duˇ-a.

Iˇsaˬyaˇ 46:1

“Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh. Beˇleˇ hawˇ-eu Neˬboˬ-ahˇ yaw beh uˬ duˬ tahˬ-euˬ kʼawꞈ, nymˬ-mˇ mahˬ tahˬ laˆ-ahˇ bi kaꞈ daˆ-awˇ, jeˬ zaˬ-euˬ daˇ tsuiꞈ-ahˇ kʼaˆ behˆ laˆ kah nehˬ-euˬ tehꞈ meh.

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

Yeˬsaˬgeˬlaˇ 14:6

“Nymˬ-mˇ poˆ jawˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-eu dawˬ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Nui daˆ daˆ laˇ paˬ-ehˇ gʼeh-eu naw maꞈ-euˬ tahˬ pahˬ aˬ ma mawˇ kawˇ deuˬ-ahˇ byehˇ dzeh-awˇ, ngaˇ jawˇ gaˇ gʼoꞈ laˇ-awˬ lehˇ ehˇ nehˬ-awˬ.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬsaˬgeˬlaˇ 7:19

Sahˬpaˬ Miˬyehˇ nui ma pehˇ-eu jeˬ shehˆ tehˬ leꞈ ngeh, pyuˇ hawˇ-eu shuiˇ neh maˬ ka kʼoꞈ nya-eu baˬ da neh, pyuˇ hawˇ-eu shuiˇ deuˬ-ahˇ yaw jawꞈ yaw laꞈ biˬ dzeh-eu loꞈ-ehˇ, gaˇ ma doe ni byaˆ dzeh taˬ tehꞈ-a. Aˬ yawꞈ maꞈ loˬ-eu jeˬ gʼaˇ duˬ hawˇ-eu uˬ maˆ dehˆ laˇ-eu gʼaˇ duˬ, pyuˇ hawˇ-eu shuiˇ gaˇ dahˇ maˬ tsoeˬ-ehˇ pyeuꞈ-iˇ tehꞈ-a. Pyuˇ hawˇ-eu shuiˇ baˬ da neh, aˬ yawꞈ maꞈ iˬ baˇ mˇ-euˬ meh.

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Uˬ duˬ 11:19

uiˇ za shuiˇ, uiˇ dzoeˬ, ho piˬ doiˬ doiˬ, boeˇ kʼaˬ, heu deuˬ-ahˇ maˬ dzaˬ kʼmˬ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Luˇkaꞈ 23:30

Kʼoeˇ ngeh jawˇ, gawˬ jawˬ-ahˇ ‘Nga maꞈ kʼoeˇ taˆ byaˆ tehˬ leꞈ-awˬ’ lehˇ ya ehˇ-awˇ, gawˬ duˇ-ahˇ ‘Nga maꞈ kʼoeˇ taˆ pymˬ tehˬ leꞈ-awˬ’ lehˇ ya ehˇ gaˇ keuˆ tehꞈ-a.