Iˇsaˬyaˇ 2:12 - Akha

¹² Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 2:12 ပူးပေါင်းရင်းမြစ်များ

2 Saˬmeuˬlaˆ 22:28

Nui nahˬ nui yu ahˇ-eu deuˬ-ahˇ, gʼawˬ shaˬ gaˬ-awˇ ka kʼoꞈ nehˬ kʼawꞈ, nui ma huiˬ gaˇ zuiˆ awˆ-eu lehˇ, nawˇ myaˆ nuiˆ haw tsoˆ taˬ-euˬ meh.

Yawˇbaˆ 24:1

“Aˬ jeˬ miˇ neh yaˇ kʼaˬ daˇ-eu aˇ yamˬ tiˬ yamˬ Miˬyehˇ maˬ tseˇ doˆ taˬ ta. Aˬ jeˬ miˇ neh aˬ yawꞈ-ahˇ gʼoe-eu deuˬ aˇ nah kʼoeˇ nah-ahˇ loꞈ loꞈ-ehˇ ya shaˬ ta.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Jaceuq 18:28

Ngaˬ-euˬMiˬyehˇ,SahˬpaˬMiˬyehˇ, ngaˬ-ahˇtsiˇkʼmˬdoꞈnehˬlaꞈ-awˇ, yaw zahˇlaˆbyoˆnehˬlaꞈ-euˬmeh.

Jaceuq 37:13

Ehˇkʼawꞈhaiˬ-eu tsawˇhaˬdeuˬ-ahˇ, SahˬpaˬMiˬyehˇuiˇhaw-eu meh. Aˬyawꞈmaꞈcawˆ-iˇ-eu aˇ nah, keuˆle-eu aˬyawꞈsiˬnya meh.

Jaceuq 94:2

Nawˇ-aˬ, tsawˇ haˬ dawˬ tawˆ luꞈ kʼoeˇ taˆ yaˇ kʼaˬ daˇ-eu gʼaˬ meh. Tuˇ laˇ-awˇ, nui ma huiˬ-eu mahˇ-eu tsawˇ haˬ deuˬ-ahˇ oꞈ-eu geuˇ-eu loꞈ-ehˇ kʼehˬ nehˬ-awˬ.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 10:33

Aˇ bawˇ-ahˇ tsoꞈ-eu uˬ laꞈ juˆ dzeh nehˬ-eu loꞈ-ehˇ, Baoˬ huiˬ-eu Sahˬpaˬ Miˬyehˇ aˬ yawꞈ maꞈ-ahˇ jahˇ nehˬ tehꞈ-a. Aˇ bawˇ bawˇ ma deuˬ bi tuˇ coˬ jiˇ-awˇ, yaw goˇ deuˬ bi deuˆ awˆ-eu loꞈ-ehˇ, Sahˬpaˬ Miˬyehˇ aˬ yawꞈ maꞈ-ahˇ jahˇ nehˬ tehꞈ-a.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 13:9

Haw taˬ lawˬ. Sahˬpaˬ Miˬyehˇ-euˬ aˇ nah keuˆ le luꞈ meh. Nui pehˇ naꞈ-awˇ gʼawˬ shaˬ gaˬ-eu maˬ siˬ nya-eu, aˇ nah kʼoeˇ nah keuˆ le luꞈ meh. Miˇ kʼahˬ kʼahˬ lah bawˇ tsahˬ bawˇ dahˇ ya pyeuꞈ-iˇ-awˇ, iˬ baˇ ahˇ-eu deuˬ ya shiˇ jiˇ tehꞈ-a.

Iˇsaˬyaˇ 14:15

Ehˇ kʼawꞈ, shiˇ-eu miˇ kʼahˬ duˬ kʼawꞈ naꞈ dui dui-eu tsahˇ-ahˇ, nawˇ ga ahˇ le-euˬ meh.

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Iˇsaˬyaˇ 24:4

Miˇ tsaˬ gui-iˇ nyoeˬ-iˇ-awˇ, miˇ tsaˬ tahˬ kʼawˇ liˬ-iˇ koˆ-iˇ-eu meh. Mˬ hawˇ-eu miˇ, tiˬ kawˆ loꞈ-ehˇ nyoeˬ-iˇ tehꞈ-a.

Iˇsaˬyaˇ 40:23

Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.

Iˇsaˬyaˇ 42:15

Gawˬ jawˬ gawˬ duˇ deuˬ-ahˇ ngaˇ laˆ cawˆ-awˇ, sahˬ lahˬ aˇ bawˇ deuˬ bi koˆ-iˇ jiˇ ma. Lawˇ baˬ deh ga deuˬ-ahˇ kʼaˇ shuiꞈ shuiꞈ yaˇ bi pyeuꞈ-iˇ-awˇ, iˇ cuꞈ lah deuˬ bi gui-iˇ ma.

Iˇsaˬyaˇ 5:15

Yawˬ gʼaˬ na luꞈ nui ma ga ka jiˇ-awˇ, nui ma yaw huiˬ deuˬ kʼawꞈ ga juˬ le tehꞈ-a.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Yeˬlaˬmiˇ 12:9

Ngaˬ neh tseˇ doˆ-euˬ tsawˇ jeuˬ-aˬ, kʼaˬ dzeˇ baˬ maꞈ neh bi tsuˆ-euˬ aˇ jiˇ meh. Aˇ jiˇ kʼoeˇ mawˇ-ahˇ bi dzaˬ-eu gʼaˇ duˬ, bawˇ tsahˬ jeˬ zaˬ dawˬ tawˆ luꞈ kuˇ uiˬ-awˬ.

Yeˬlaˬmiˇ 13:9

“Joꞈ paꞈ kʼoeˇ kahˇ peuˬ-iˇ-euˬ gaˇ duˇ ni, Yuˇdaˆ miˇ kʼahˬ-euˬ nui ma huiˬ-eu mahˇ-eu jeˬ hawˇ-eu, Yeˬluˇsaˬlehˬ meuˬ-euˬ nui ma huiˬ dui mahˇ dui dui-eu jeˬ-ahˇ, ngaˇ laˆ cawˆ nehˬ ma.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Miˇkaˬ 2:3

Kʼoeˇ miˇ neh, Sahˬpaˬ Miˬyehˇ ehˇ-eu, “Naw maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ni ngaˇ lehˬ hmˬ luꞈ-awˇ, naw maꞈ maˬ cehˆ buˬ nya-a. Guˆ-eu gaˆ-eu jeˬ naw maꞈ-ahˇ tahˬ puˬ le-awˇ, naw maꞈ nui ma huiˬ huiˬ-ehˇ maˬ paˇ dehꞈ nya meh.

Miˇkaˬ 5:11

Naw maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-ahˇ ngaˇ laˆ cawˆ-awˇ, ziꞈ dah ni tsoˆ taˬ-euˬ taˆ deuˬ-ahˇ ngaˇ laˆ byaˆ ma.

Zeˬpaˬniˇ 1:16

daˇ heh baw dui dui-eu aˇ nah guˇ guˇ-ehˇ guiˇ deuˆ-eu aˇ nah, meuˬ yaw ziꞈ-ahˇ deuˆ-eu aˇ nah taˆ yaw goˇ-ahˇ deuˆ-eu aˇ nah yaw kawˇ kawˇ-ehˇ keuˆ le luꞈ meh.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Maꞈtehˬ 23:12

Yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ nehˬ gaˇ ya daˬ-awˇ, yaw haˇ yawˬ ha taˬ nyiˇ-eu tsawˇ haˬ-aˬ, taˬ huiˬ nehˬ-eu jeˬ-ahˇ za tehꞈ-a.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

1 Gawˇliˬtu 5:5

Sahˬpaˬ Miˬyehˇ yaˇ kʼaˬ daˇ-eu Aˇ nah keuˆ le ngeh, tsawˇ haˬ kʼoeˇ gʼaˬ-euˬ saꞈ laˇ ka kʼoꞈ-eu jeˬ za nya-eu gʼaˇ duˬ, aˬ yawꞈ-euˬ gʼawˇ mawˇ-ahˇ nehꞈ Saˬdaˬ-euˬ aˬ laꞈ laꞈ kʼoeˇ a nehˬ-awˇ bi laˆ cawˆ-awˬ.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.