Iˇsaˬyaˇ 2:11 - Akha

¹¹ Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:11 ပူးပေါင်းရင်းမြစ်များ

2 Saˬmeuˬlaˆ 22:28

Nui nahˬ nui yu ahˇ-eu deuˬ-ahˇ, gʼawˬ shaˬ gaˬ-awˇ ka kʼoꞈ nehˬ kʼawꞈ, nui ma huiˬ gaˇ zuiˆ awˆ-eu lehˇ, nawˇ myaˆ nuiˆ haw tsoˆ taˬ-euˬ meh.

Jaceuq 18:27

Nui nahˬnui yu ahˇ-eu deuˬ-ahˇ, nawˇmaˬbyehˇni ka kʼoꞈnehˬ-awˇ, nui ma huiˬ-eu mahˇ-eu deuˬ-ahˇ, nawˇgʼeu ka-awˇdehˬawˆ-euˬmeh.

Jaceuq 18:28

Ngaˬ-euˬMiˬyehˇ,SahˬpaˬMiˬyehˇ, ngaˬ-ahˇtsiˇkʼmˬdoꞈnehˬlaꞈ-awˇ, yaw zahˇlaˆbyoˆnehˬlaꞈ-euˬmeh.

Jaceuq 20:8

Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 94:2

Nawˇ-aˬ, tsawˇ haˬ dawˬ tawˆ luꞈ kʼoeˇ taˆ yaˇ kʼaˬ daˇ-eu gʼaˬ meh. Tuˇ laˇ-awˇ, nui ma huiˬ-eu mahˇ-eu tsawˇ haˬ deuˬ-ahˇ oꞈ-eu geuˇ-eu loꞈ-ehˇ kʼehˬ nehˬ-awˬ.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 14:15

Ehˇ kʼawꞈ, shiˇ-eu miˇ kʼahˬ duˬ kʼawꞈ naꞈ dui dui-eu tsahˇ-ahˇ, nawˇ ga ahˇ le-euˬ meh.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 26:1

Yuˇdaˆ miˇ kʼahˬ laꞈ kʼoeˇ caˇ dawˬ heu bymˇ ya caˇ-eu aˇ nah keuˆ le tehꞈ-a. Aˬ dui-euˬ meuˬ ziꞈ dui dui meh. Meuˬ meuˬ lahˇ-ahˇ Miˬyehˇ haw piˇ luꞈ meh.

Iˇsaˬyaˇ 28:5

Aˇ nah kʼoeˇ nah keuˆ le ngeh jawˇ, Baoˬ huiˬ-eu Sahˬpaˬ Miˬyehˇ-aˬ, dzeuˇ-iˇ-euˬ aˬ yawꞈ-euˬ tsawˇ haˬ deuˬ gʼaˇ duˬ, kʼahˬ sehˇ jaˆ-eu aˇ yehˆ uˬ kʼoˆ loꞈ-ehˇ pyeuꞈ tehꞈ-a.

Iˇsaˬyaˇ 29:18

Aˇ nah aˇ yamˬ kʼoeˇ keuˆ le ngeh, naˬ bawˬ deuˬ sahˬ boꞈ gui gaˇ gaˬ nya-awˇ, yaw zahˇ laꞈ kʼoeˇ jawˇ-euˬ myaˆ behꞈ deuˬ kʼawꞈ, myaˆ nuiˆ bye-awˇ mawˇ nya tehꞈ-a.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 4:1

Aˇ nah aˇ yamˬ kʼoeˇ keuˆ le ngeh, kʼaˬ dzeˇ zaˬ tiˬ gʼaˬ-ahˇ zaˬ miˬ zaˬ shiꞈ gʼaˬ nyehꞈ cuꞈ-awˇ, heu loꞈ-ehˇ ehˇ tehꞈ-a. “Nga maꞈ ya dzaˬ ya dawˇ, ya dm ya gʼaˬ ni, yawˬ haˇ yawˬ ha mˇ cu nya ma. Ehˇ kʼawꞈ, nga maꞈ kʼaˬ dzeˇ zaˬ maˬ baw-eu miˇ neh, miˬ dzeˇ dzeˇ-iˇ-euˬ nga lehˇ aˬ cawˬ neh bi ehˇ-awˇ daˬ maˬ ya ga ni, nga maꞈ-ahˇ nawˬ-euˬ miˬ zaˬ ma lehˇ myahˇ nehˬ laꞈ-awˬ.”

Iˇsaˬyaˇ 40:23

Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.

Iˇsaˬyaˇ 52:6

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, ngaˇ Miˬyehˇ pyeuꞈ-eu gaˇ kawˆ hawˇ-eu, ngaˬ neh naw maꞈ-ahˇ ehˇ nehˬ-euˬ dawˬ deuˬ gaˇ kawˆ, naw maꞈ ya siˬ duˬ tehꞈ-a.”

Yeˬlaˬmiˇ 12:9

Ngaˬ neh tseˇ doˆ-euˬ tsawˇ jeuˬ-aˬ, kʼaˬ dzeˇ baˬ maꞈ neh bi tsuˆ-euˬ aˇ jiˇ meh. Aˇ jiˇ kʼoeˇ mawˇ-ahˇ bi dzaˬ-eu gʼaˇ duˬ, bawˇ tsahˬ jeˬ zaˬ dawˬ tawˆ luꞈ kuˇ uiˬ-awˬ.

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 38:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ kʼehˇ-awˇ, Gawˇgaˆ jawˇ gaˇ heu loꞈ-ehˇ bi ehˇ-iˇ laꞈ-euˬ meh. “Nymˬ-mˇ, ngaˬ-euˬ tsawˇ haˬ deuˬ guˆ kʼaˇ maˬ za-ehˇ, nui saˇ oꞈ-eu laꞈ kʼoeˇ dehꞈ luꞈ-eu nawˬ-ahˇ maˬ mawˇ laˇ nya loˇ.

Yeˬsaˬgeˬlaˇ 38:19

Kʼoeˇ ngeh nah, Iˇsaˬleˬlaˆ miˇ kʼahˬ laꞈ kʼoe miˇ luˆ luˆ dui dui tehꞈ-a lehˇ, nui ma daˆ dui dui-eu laꞈ kʼoeˇ ngaˇ ehˇ-eu ma.

Yeˬsaˬgeˬlaˇ 39:11

Sahˬpaˬ Miˬyehˇ ehˇ-eu, “Gaˇ kawˆ kʼoeˇ dawˬ tawˆ luꞈ pyeuꞈ laˇ ngeh, Gawˇgaˆ gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu, Daˬyah-euˬ deh kʼawꞈ lehˇ kuˇ-eu tsahˇ-ahˇ lmˬ bymˇ miˇ tsaˬ tiˬ tsahˇ biꞈ ma. Gawˇgaˆ hawˇ-eu aˬ yawꞈ-euˬ guiˇ maꞈ maꞈ lah-ehˇ, kʼoeˇ gaˇ bi baꞈ pahˬ-awˇ, deh kʼawꞈ kʼoeˇ kʼawꞈ-ahˇ Gawˇgaˆ guiˇ maꞈ-euˬ Deh kʼawꞈ lehˇ kuˇ tehꞈ-a.

Yeˬsaˬgeˬlaˇ 39:22

Kʼoeˇ ngeh nah taꞈ naˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, Iˇsaˬleˬlaˆ tsawˇ haˬ deuˬ-ahˇ siˬ duˬ leˇ tehꞈ-a.

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Hawˇseˬ 2:16

Aˬ yawꞈ-euˬ kʼaˬ dzeˇ zaˬ ma lehˇ, aˬ yawꞈ ngaˬ-ahˇ paˇ kuˇ poˆ-awˇ, ‘Baˬlaˇ’ lehˇ maˬ paˇ kuˇ-aˇ lehˇ, Sahˬpaˬ Miˬyehˇ ehˇ taˬ-euˬ meh.

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.

Hawˇseˬ 2:21

Aˇ nah aˇ yamˬ kʼoeˇ keuˆ laˇ ngeh, ngaˬ-euˬ tsawˇ jeuˬ Iˇsaˬleˬlaˆ shaˇ-euˬ dawˬ-ahˇ ngaˇ naˇ haˬ ma. Miˇ tsaˬ tahˬ kʼawˇ heu-euˬ kʼoeˇ taˆ, uˬ yehˇ yehˇ le ni ngaˇ jahˇ ma. Cehˇ, aˬ gaꞈ, saˬ loˬ heu deuˬ-ahˇ, miˇ tsaˬ neh bi loˆ le tehꞈ-a.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Aaˇbaˬdiˇ 1:8

Eˬdoˬ miˇ kʼahˬ ngaˇ kʼehˬ ngeh nah, bym-eu deuˬ-ahˇ ngaˇ laˆ cawˆ-awˇ, zaˬ siˬ tsawˇ gahˇ laˆ byoˆ nehˬ ma.

Miˇkaˬ 2:3

Kʼoeˇ miˇ neh, Sahˬpaˬ Miˬyehˇ ehˇ-eu, “Naw maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ni ngaˇ lehˬ hmˬ luꞈ-awˇ, naw maꞈ maˬ cehˆ buˬ nya-a. Guˆ-eu gaˆ-eu jeˬ naw maꞈ-ahˇ tahˬ puˬ le-awˇ, naw maꞈ nui ma huiˬ huiˬ-ehˇ maˬ paˇ dehꞈ nya meh.

Miˇkaˬ 4:6

Sahˬpaˬ Miˬyehˇ ehˇ-eu, “Ngaˬ neh kʼehˬ nehˬ kʼaˆ nehˬ-awˇ aˬ cawˬ miˇ kʼahˬ-ahˇ sheuˬ byoˆ gʼeh-euˬ gaˇ ya daˬ-euˬ tsawˇ haˬ deuˬ-ahˇ ngaˇ paˇ kuˇ uiˬ-eu aˇ nah keuˆ le tehꞈ-a.

Miˇkaˬ 5:10

Sahˬpaˬ Miˬyehˇ ehˇ-eu, “Aˇ yamˬ kʼoeˇ yamˬ keuˆ le ngeh, naw maꞈ-euˬ mahˬ deuˬ-ahˇ ngaˇ tsahˇ byoˆ gʼeh-awˇ, mahˬ laˆ lawˬ deuˬ-ahˇ ngaˇ laˆ cawˆ jiˇ ma.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Zeˬpaˬniˇ 3:16

Yeˬluˇsaˬlehˬ meuˬ-ahˇ aˬ cawˬ, heu loˇ ehˇ-eu tiˬ nah jaˆ meh. “Ziˇoˬ meuˬ-oˇ, taˬ guˆ taˬ gaˆ, nawˬ-euˬ aˬ laꞈ gʼaˬbyehˆ taˬbyehˆ.

Zaˬkaˬliˇ 9:16

Aˇ nah kʼoeˇ nah keuˆ le ngeh jawˇ, yawˇ bo-eu gʼaˬ yawˇ yawˇ maꞈ-ahˇ, haw piˇ-awˇ ka kʼoꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ-ahˇ, Sahˬpaˬ Miˬyehˇ ka kʼoꞈ tehꞈ-a. shuiˇ uˬ kʼoˆ kʼoeˇ taˆ bya luꞈ-eu, poeˬ-eu kʼaˬ lo sehˇ deuˬ loꞈ-ehˇ, aˬ yawꞈ-euˬ miˇ kʼahˬ kʼoeˇ uˬ du, aˬ yawꞈ maꞈ yaw shehꞈ bya tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

2 Gawˇliˬtu 10:17

Ehˇ kʼawꞈ, “Kʼahˬ sehˇ kʼaˇ jehˆ mawꞈ-eu tsawˇ haˬ deuˬ Sahˬpaˬ Yeˬsuˇ neh mˇ taˬ-euˬ gaˇ kawˆ jehˆ-awˬ” lehˇ Jaˇliꞈ laꞈ kʼoeˇ ehˇ taˬ-euˬ meh.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.