Iˇsaˬyaˇ 19:6 - Akha

⁶ Lawˇ baˬ-ahˇ iˇ cuꞈ yuˇ-euˬ uiˇ kʼehˬ deuˬ, iˇ cuꞈ gui-iˇ-awˇ yaw buꞈ behꞈ laꞈ tehꞈ-a. Aˇ toꞈ hawˇ-eu mehˇ cehˇ yaˇ nyoeˬ-iˇ-awˇ,

Iˇsaˬyaˇ 19:6 ပူးပေါင်းရင်းမြစ်များ

Aˇ dahˬ 41:2

Niˬlaˇ lawˇ baˬ dawˬ peh aˬ yawꞈ yawꞈ luꞈ ngeh, muiˬ dui tsuˇ dui dui-eu mawˇ neˇ mawˇ ma shiꞈ ma lawˇ baˬ laꞈ kʼoeˇ neh doˆ laˇ-awˇ, yaˇ moꞈ tseuˆ dzaˬ luꞈ-eu meh.

2 Sahˬpaˬ 19:24

Boeˇ miˬ siˬ kʼaˬ deuˬ-euˬ miˇ kʼahˬ-ahˇ nawˇ lah duˬ duˬ-awˇ iˇ cuꞈ kʼawꞈ dawˇ-euˬ gaˇ kawˆ hawˇ-eu, nawˬ-euˬ yehˇ deuˬ neh Niˬlaˇ lawˇ baˬ iˇ cuꞈ nawˬ gui-euˬ gaˇ kawˆ, nawˇ kʼahˬ sehˇ jehˆ-eu meh.

Yawˇbaˆ 8:11

Iˇ cuꞈ maˬ jaˆ gaˇ aˇ toꞈ maˬ dehꞈ nya-a. Lah yaˬ-ahˇ maˬ ngeuˇ naˇ aˇ toꞈ yaˇ jaˆ-eu maˬ mawˇ haw-aˬ.

Yawˇbaˆ 8:12

Iˇ cuꞈ gui-iˇ ngeh aˬ yawꞈ maꞈ nyoeˬ-iˇ-awˇ, maˬ deuˆ geuꞈ deˇ laˇ-euˬ bawˇ byeꞈ deuˬ kʼawꞈ shiˇ-eu meh.

Doˆ-iˇ 2:3

Ehˇ kʼawꞈ, aˬ li kʼoeˇ li-ahˇ maˬ cu zaꞈ nya ni pyeuꞈ laˇ ngeh, iˇ cuꞈ maˬ uˇ-iˇ nya ni aˇ dziˬ lehꞈ gʼoeˬ taˬ-euˬ aˇ nyoˆ aˇ neˬ pawˬ tuˇ laꞈ kʼoeˇ ciˬ uˇ-awˇ, lawˇ baˬ lawˇ dzeˇ aˇ toꞈ yaˇ laꞈ kʼoeˇ ciˬ zaꞈ taˬ-iˇ-euˬ meh.

Doˆ-iˇ 7:18

Niˬlaˇ lawˇ baˬ laꞈ kʼoeˇ uˇ-eu ngaˬ shaˬ deuˬ shiˇ-awˇ, iˇ cuꞈ kʼoeˇ yaw buꞈ behꞈ laꞈ-eu miˇ neh, Iˇjiˇtuˆ tsawˇ haˬ deuˬ iˇ cuꞈ kʼoeˇ maˬ dawˇ nahˇ-ehˇ ya shaˬ tehꞈ-a.”

Iˇsaˬyaˇ 15:6

Nymˇlmˬ lawˇ baˬ gui-iˇ-awˇ, yaˇ moꞈ dawˬ tawˆ luꞈ koˆ-iˇ jiˇ-awˇ, aˇ paꞈ yaw nyoeˇ tiˬ paꞈ-iˬ maˬ baw-a.

Iˇsaˬyaˇ 18:2

Miˇ kʼahˬ kʼoeˇ kʼahˬ neh pyehˬ leꞈ-euˬ tsawˇ kaˬ deuˬ, huˇ seu neh dzeuꞈ-euˬ lawˬ dziˬ-awˇ, Niˬlaˇ lawˇ baˬ gawˆ cawˬ oe ka-euˬ meh. Dawˬ mehˇ pyaˇ dui dui-eu tsawˇ kaˬ deuˬ-oˇ, baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, caˇ gawˬ goˇ-awˇ shaˬ jiˇ muiˬ-eu tsawˇ haˬ deuˬ jawˇ-eu, lawˇ baˬ gʼawˬ mya gawˆ yoeˇ paˆ luꞈ-eu naw maꞈ-euˬ miˇ kʼahˬ-ahˇ, yaw kawˇ-ehˇ gʼoꞈ leˇ-awˬ.

Iˇsaˬyaˇ 37:25

Aˬ cawˬ miˇ kʼahˬ laꞈ kʼoeˇ nawˇ lah duˬ duˬ-awˇ iˇ cuꞈ dawˇ-euˬ gaˇ kawˆ kʼahˬ sehˇ jehˆ-eu uˬ taꞈ, nawˬ-euˬ yehˇ deuˬ neh Niˬlaˇ lawˇ baˬ nawˬ gui-euˬ meh lehˇ kʼahˬ sehˇ jehˆ-euˬ meh.

Naˬhmˬ 3:8

Niˬlaˇ lawˇ baˬ lawˇ deh jaˆ-awˇ, iˇ cuꞈ tiˬ jawˬ loꞈ piˇ taˬ-euˬ, Deˬbiˇ meuˬ kʼoeˇ meuˬ naˆ maˬ tseˇ, Niˇnaˬbeˬ nawˇ maˬ gaˇ te loˇ.