Iˇsaˬyaˇ 19:5 - Akha

⁵ Niˬlaˇ lawˇ baˬ baˬ ma iˇ cuꞈ nyiˇ le-awˇ, aw lawˆ lawˆ-ehˇ gui-iˇ tehꞈ-a.

Iˇsaˬyaˇ 19:5 ပူးပေါင်းရင်းမြစ်များ

Yawˇbaˆ 14:11

Iˇ cuꞈ yoeˇ gui-euˬ lawˇ baˬ hawˇ-eu, gui-iˇ-euˬ lah loꞈ-ehˇ,

Iˇsaˬyaˇ 15:6

Nymˇlmˬ lawˇ baˬ gui-iˇ-awˇ, yaˇ moꞈ dawˬ tawˆ luꞈ koˆ-iˇ jiˇ-awˇ, aˇ paꞈ yaw nyoeˇ tiˬ paꞈ-iˬ maˬ baw-a.

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Iˇsaˬyaˇ 37:25

Aˬ cawˬ miˇ kʼahˬ laꞈ kʼoeˇ nawˇ lah duˬ duˬ-awˇ iˇ cuꞈ dawˇ-euˬ gaˇ kawˆ kʼahˬ sehˇ jehˆ-eu uˬ taꞈ, nawˬ-euˬ yehˇ deuˬ neh Niˬlaˇ lawˇ baˬ nawˬ gui-euˬ meh lehˇ kʼahˬ sehˇ jehˆ-euˬ meh.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Yeˬlaˬmiˇ 51:36

Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Zaˬkaˬliˇ 14:18

Iˇjiˇtuˆ tsawˇ haˬ deuˬ Sehˬ gʼawˆ-euˬ Bawˬ-iˬ maˬ gʼeh leˇ naˇ, Bawˬ-iˬ kʼoeˇ gʼeh gaˇ maˬ kʼaˇ le-eu tsawˇ jeuˬ kʼoeˇ taˆ, Sahˬpaˬ Miˬyehˇ bi keuˆ le-eu naˇ gawˇ-ahˇ, aˬ yawꞈ maꞈ kʼawꞈ ya daˬ tehꞈ-a.