Iˇsaˬyaˇ 19:16 - Akha

¹⁶ Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 19:16 ပူးပေါင်းရင်းမြစ်များ

Jaceuq 48:6

Aˬ nyiˇ ciˬ-eu lehˇ gʼeh-eu zaˬ miˬ zaˬ loꞈ-ehˇ aˬ yawꞈ maꞈ shaˬ zahˬ mˇ-awˇ,

Doˆ-iˇ 11:6

Aˇ hu ba neh tiˬ jawˇ-iˬ maˬ ya gaˬ haw-euˬ loꞈ-ehˇ, aˬ kaˇ kaˇ ziˇ keuˆ ni tiˬ jawˇ-iˬ maˬ paˇ ya gaˬ haw-eu guˇ guˇ-ehˇ ngoeˇ-eu jeˬ, Iˇjiˇtuˆ miˇ kʼahˬ kʼoeˇ taˆ keuˆ le tehꞈ-a.

Iˇsaˬyaˇ 10:32

Iˬ nah muiˇ-eu deuˬ Noˇbaˆ meuˬ-ahˇ oe keuˆ-awˇ, Ziˇoˬ gawˬ jawˬ hawˇ-eu Yeˬluˇsaˬlehˬ meuˬ-ahˇ, laꞈ du cawˬ doˆ-awˇ lmˬ tehꞈ-a.

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 13:2

Deˬ ko ni gʼeh-eu gawˬ jawˬ-ahˇ paˇ loˬ paˇ lehˇ baꞈ diˇ-awˇ, yehˇ deuˬ-ahˇ yaw kʼaˆ-ehˇ guˇ gaˬ-awˬ. Nui ma huiˬ-eu deuˬ-euˬ meuˬ meuˬ lahˇ-ahˇ guiˇ deuˆ leˇ-eu gʼaˇ duˬ, laꞈ liˆ liˆ nehˬ-awˬ.

Iˇsaˬyaˇ 30:17

Aˬ cawˬ-euˬ yehˇ tiˬ gʼaˬ-ahˇ naw maꞈ ya mawˇ ngeh, nawꞈ maꞈ-euˬ yehˇ aˇ muiˇ gʼaˬ cehˆ tehꞈ-a. Aˬ cawˬ-euˬ yehˇ ngaˬ gʼaˬ-ahˇ mawˇ naˇ, naw maꞈ-euˬ yehˇ dawˬ tawˆ luꞈ cehˆ byoˆ jiˇ-awˇ, naw maꞈ guiˇ maꞈ kʼoeˇ myaˆ ni gʼeh-eu laꞈ kʼoeˇ, paˇ loˬ paˇ lehˇ baꞈ-eu tiˬ gʼaˬ tehꞈ-ehˇ, gawˬ jawˬ uˬ du dzeˇ yaꞈ tehꞈ-a.”

Yeˬlaˬmiˇ 50:37

Mahˬ deuˬ hawˇ-eu mahˬ laˆ lawˬ deuˬ kʼoeˇ taˆ maˬ ehˇ, aˬ yawꞈ neh kuˇ taˬ-euˬ aˬ cawˬ-euˬ yehˇ deuˬ-ahˇ maˬ ehˇ, mi cehˇ bi keuˆ le-awˇ, zaˬ miˬ zaˬ bi pyeuꞈ jiˇ luꞈ-uˇ. Pyuˇ shuiˇ myawˬ gahˬ kʼoeˇ taˆ mi cehˇ bi keuˆ le-awˇ, bi yuˇ geuꞈ jiˇ luꞈ-uˇ.

Yeˬlaˬmiˇ 51:30

Baˬbuˇloˬ yehˇ deuˬ guiˇ maˬ deuˆ ni naˬ leˇ-awˇ, aˬ yawꞈ maꞈ-euˬ taˆ laꞈ kʼoeˇ uˇ luꞈ-eu meh. Aˬ yawꞈ maꞈ nui ma baˬ dui dui-iˇ-awˇ, zaˬ miˬ zaˬ loꞈ-ehˇ pyeuꞈ laˇ taˬ-euˬ meh. Meuˬ lahˇ laˇ gʼoˆ deuˬ pyaˆ-iˇ jiˇ-awˇ, nymˇ deuˬ miˬ dzaˬ puiˆ luꞈ-eu meh.

Aaˇbaˬdiˇ 1:9

Teˬmaˬ meuˬ-euˬ guiˇ deuˆ zaˬ deuˬ, guˆ dui dui-eu laˇ baˇ-iˇ-awˇ, Eˬdoˬ meuˬ-euˬ yehˇ dawˬ tawˆ luꞈ, bi sehꞈ byoˆ jiˇ gaˇ keuˆ tehꞈ-a.

Naˬhmˬ 3:13

Nawˬ-euˬ yehˇ deuˬ nawˬ-euˬ mehˬ shi, zaˬ miˬ zaˬ loꞈ-ehˇ pyeuꞈ jiˇ-awˇ, miˇ kʼahˬ-ahˇ maˬ loꞈ piˇ nya-ehˇ, meuˬ-euˬ lahˇ kʼehˬ doˆ coˆ dahˇ-awˇ, lahˇ kʼehˬ gʼoˆ bahˬ gʼoˆ shoˆ dawˬ tawˆ, muiˇ-eu deuˬ dzah puiˆ dzeh tehꞈ-a.

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Zaˬkaˬliˇ 2:9

“Sahˬpaˬ Miˬyehˇ naw maꞈ-ahˇ guiˇ deuˆ-awˇ, naw maꞈ-euˬ zaˬ kʼaˆ deuˬ neh naw maꞈ-ahˇ tahˇ joe paˇ bi joe dzaˬ gaˇ keuˆ tehꞈ-a” lehˇ, Sahˬpaˬ Miˬyehˇ ehˇ-eu meh. Kʼoeˇ loꞈ-ehˇ pyeuꞈ laˇ ngeh jawˇ, Baoˬ huiˬ-eu Sahˬpaˬ Miˬyehˇ neh ngaˬ-ahˇ kʼehˇ gʼeh leꞈ-euˬ gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

HeˬByehˇ 10:31

Dehꞈ luꞈ-eu Miˬyehˇ-euˬ laꞈ-ahˇ ya uˇ keuˆ-iˇ-eu jeˬ-aˬ, guˆ dui dui laˇ paˬ-ehˇ gʼeh-eu meh.