Iˇsaˬyaˇ 19:14 - Akha

¹⁴ Aˬ yawꞈ maꞈ oˇ lo maˇ la-ehˇ pyeuꞈ iˇ ni, Sahˬpaˬ Miˬyehˇ jahˇ nehˬ-euˬ miˇ neh, jiˇ baˬ yehꞈ-eu tsawˇ haˬ tiˬ gʼaˬ, yawˬ ha-euˬ uˬ pehꞈ kʼoeˇ taˆ coˬ daˆ-eu loꞈ-ehˇ, Iˇjiˇtuˆ miˇ kʼahˬ kuiˇ toꞈ maˬ ciˬ tsaˬ nya-a.

Iˇsaˬyaˇ 19:14 ပူးပေါင်းရင်းမြစ်များ

2 Laˬsaˬbaˬ 18:22

Heu-aˬ, aˬ joˆ-ehˇ pyeuꞈ laˇ gʼaˬ-euˬ gaˇ kawˆ meh. Nawˬ-ahˇ Miˬyehˇ gʼaˇ duˬ ngehˬ dah nehˬ luꞈ-eu heu deuˬ jaˬ myawꞈ myawꞈ ni Sahˬpaˬ Miˬyehˇ neh jahˇ nehˬ taˬ-euˬ meh. Luˬ-iˇ seˇ-iˇ-eu jeˬ-ahˇ nawˇ ya tahˬ puˬ tehꞈ-a lehˇ Sahˬpaˬ Miˬyehˇ ehˇ tsehˆ gʼaˬ taˬ-euˬ meh.”

Yawˇbaˆ 12:16

Miˬyehˇ-aˬ, gʼaˬ huiˬ-awˇ aˬ myah luꞈ gʼaˬ leˇ-eu gʼaˬ pyeuꞈ-eu meh. Gahˇ dzaˬ-eu deuˬ maˬ ehˇ, bi gahˇ dzaˬ-euˬ deuˬ maˬ ehˇ, dawˬ tawˆ luꞈ aˬ yawꞈ-euˬ baoˬ laꞈ kʼoeˇ jawˇ-eu meh.

Yawˇbaˆ 12:25

Yaw zahˇ laꞈ kʼoeˇ laꞈ sawˆ sawˆ sawˆ-ehˇ cah-eu, jiˇ baˬ yehꞈ-eu tsawˇ haˬ loꞈ-ehˇ, aˬ yawꞈ maꞈ cah cah-ehˇ bi shaˬ-euˬ meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Iˇsaˬyaˇ 19:2

Sahˬpaˬ Miˬyehˇ ehˇ-eu, “Iˇjiˇtuˆ tsawˇ haˬ cawˬ cawˬ guiˇ deuˆ ni ngaˇ kawˆ pyaˆ ma. Mehˇ nmˇ yaw kaˬ tiˬ gʼaˬ tiˇ gʼaˬ dawꞈ-awˇ, nymˇ kaˬ taꞈ-eu deuˬ tiˬ gʼaˬ tiˇ gʼaˬ muiˇ tehꞈ-a. Tiˬ meuˬ tiˇ meuˬ yaw kaˬ guiˇ deuˆ-awˇ, tiˬ kʼahˬ tiˇ kʼahˬ ceh dui dui tehꞈ-a.

Iˇsaˬyaˇ 24:20

Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

Iˇsaˬyaˇ 9:16

Tsawˇ haˬ heu deuˬ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, aˬ yawꞈ maꞈ miˇ bahˬ bahˬ jiˇ taˬ-euˬ meh.

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

2 Teˇsaˬloˇni 2:11

Kʼoeˇ miˇ neh, Miˬ yehˇ neh maˬ ngeuˇ-eu baoˬ-ahˇ kʼehˇ gʼeh-awˇ, maˬ ngeuˇ-eu jeˬ-ahˇ jah leˇ ni aˬ yawꞈ maꞈ laꞈ kʼoeˇ gaˇ bi mˇ-euˬ meh.

Yaˇ kʼaˬ daˇ 9:23

Kʼoeˇ naˇ, Aˬbiˇmaˬlehˆ hawˇ-eu Sheˬkmˬ meuˬ-ahˇ jawˇ-eu tsawˇ haˬ deuˬ tiˬ gʼaˬ tiˇ gʼaˬ muiˇ ni, Miˬyehˇ jahˇ nehˬ-awˇ, aˬ yawꞈ maꞈ Aˬbiˇmaˬlehˆ-ahˇ puiˬ-euˬ meh.