Iˇsaˬyaˇ 19:11 - Akha

¹¹ Zoˇnaˆ meuˬ-euˬ aˬ yuiꞈ aˬ tsu deuˬ tsawˇ uˬ tehꞈ meh. Iˇjiˇtuˆ sahˬ paˬ-ahˇ ja noeˬ ja duˇ-eu tsawˇ gahˇ ahˇ-eu deuˬ, gaˇ dahˇ tsoeˬ-eu dawˬ maˬ ngehˬ-a. “Ngaˇ tsawˇ gahˇ ahˇ-eu tsawˇ haˬ ma. Aˇ hu sahˬ paˬ deuˬ-euˬ gʼaˬ kʼehˇ ma” lehˇ, sahˬ paˬ-ahˇ aˬ yawꞈ maꞈ aˬ joˆ-ehˇ ehˇ leˇ coeˇ ta.

Iˇsaˬyaˇ 19:11 ပူးပေါင်းရင်းမြစ်များ

1 Sahˬpaˬ 4:30

Nahˇ ma doˆ kʼehˬ paw jawˇ-eu tsawˇ gahˇ ahˇ-eu deuˬ hawˇ-eu, Iˇjiˇtuˆ miˇ kʼahˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ naˆ maˬ tseˇ, Sawˇlaˬmoˬ-euˬ tsawˇ gahˇ dzehˬ-eu meh.

1 Sahˬpaˬ 5:10

Kʼoeˇ naˇ, Sawˇlaˬmoˬ kʼaˇ loˬ-eu shuˬ liˇ hawˇ-eu miˬ shuˬ aˇ bawˇ deuˬ Hiˇlamˬ neh sha ha nehˬ-euˬ meh.

Yawˇbaˆ 12:17

Uˆ lahˇ-eu deuˬ-euˬ zaˬ siˬ tsawˇ gahˇ aˬ yawꞈ yuˇ dzeh-awˇ, aˬ yuiꞈ aˬ tsu deuˬ tsawˇ uˬ loꞈ-ehˇ pyeuꞈ-iˇ ni aˬ yawꞈ jahˇ-eu meh.

Jaceuq 33:10

Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.

Jaceuq 73:22

jeˬ zaˬ tiˬ mawˇ loˆ ni tehꞈ-ehˇ pyeuꞈ-awˇ, nawˬ-ahˇ maˬ siˬ duˬ nya nya.

Jaceuq 78:12

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ mehˬ shi, zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ nehˬ-euˬ meh.

Jaceuq 78:43

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu huiˬ-eu gaˇ-ahˇ kʼawꞈ, aˬ yawꞈ maꞈ ngehˇ byoˆ jiˇ-euˬ meh.

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Doˆ-iˇ 8:14

Iˇjiˇtuˆ tsawˇ haˬ deuˬ kʼaˬ paˬ kʼoeˇ deuˬ-ahˇ aˇ bymˇ bymˇ ma bymˇ ma-ehˇ gʼoˆ bymˇ-euˬ meh. Miˇ kʼahˬ kʼoeˇ kʼahˬ kʼahˬ lahˬ ni yaw buꞈ behꞈ laꞈ-eu meh.

Doˆ-iˇ 8:4

Nawˬ-euˬ gʼawˇ mawˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ kʼoeˇ taˆ maˬ ehˇ, nawˬ-euˬ miˇ kʼahˬ zaˬ deuˬ kʼoeˇ taˆ maˬ ehˇ, kʼaˬ paˬ kʼoeˇ deuˬ tsawˬ daˆ leˇ tehꞈ-a lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-iˇ-awˬ.”

Dawqdaq 30:2

Ngaˇ tsawˇ haˬ-ahˇ maˬ duˇ ni, jeˬ zaˬ-ahˇ duˇ miˇ-a. Tsawˇ haˬ zaˬ-euˬ nui ma maˬ paˇ ahˇ miˇ-a.

Iˇsaˬyaˇ 19:13

Zoˇnaˆ meuˬ-ahˇ aˬ yuiꞈ aˬ tsu geuꞈ luꞈ-eu deuˬ, tsawˇ uˬ uˬ jiˇ-awˇ, Mehˇpiˇ meuˬ-ahˇ uˆ lahˇ-eu deuˬ, mehˇ shuiˇ tawˆ leˇ-euˬ meh. Iˇjiˇtuˆ miˇ kʼahˬ-ahˇ sheuˬ gʼeh-eu aˬ yuiꞈ aˬ tsu deuˬ, gaˇ ma sheuˬ bahˬ-euˬ meh.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Iˇsaˬyaˇ 30:4

Iˇjiˇtuˆ meuˬ nyiˬ meuˬ pyeuꞈ-eu, Zoˇnaˆ hawˇ-eu Haˬneˬ meuˬ-ahˇ, aˬ yawꞈ maꞈ-euˬ tsawˇ kaˬ deuˬ oe keuˆ taˬ-euˬ kʼawꞈ,

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Yeˬlaˬmiˇ 10:21

Ngaˇ heu loꞈ-ehˇ ehˇ kʼoꞈ nehˬ-euˬ ma. “Aˬ dui-euˬ aˬ yuiꞈ aˬ tsu deuˬ dzawˬ dui dui-awˇ, Sahˬpaˬ Miˬyehˇ gaˇ ma sheuˬ mehˬ gaˇ maˬ juˬ-a. Kʼoeˇ baˬ da neh aˬ yawꞈ maꞈ byoˆ le-awˇ, aˬ dui tsawˇ jeuˬ cehˆ gʼawˬ cehˆ gʼehˇ-euˬ meh.

Yeˬlaˬmiˇ 46:17

“Iˇjiˇtuˆ sahˬ paˬ-ahˇ tsawˇ myahˇ myahˇ paˇ nehˬ-awˬ. ‘Aˇ yamˬ dawˬ dzeuˇ-eu kʼahˬ sehˇ mehˬ lawꞈ’ lehˇ myahˇ nehˬ-awˬ.

Yeˬlaˬmiˇ 49:7

Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.

Yeˬlaˬmiˇ 8:9

Zaˬ siˬ tsawˇ gahˇ ahˇ-eu deuˬ ya shaꞈ dawˇ tehꞈ-a. Baw gʼaꞈ-ahˇ teuˆ lahˇ-euˬ loꞈ-ehˇ ya shaˬ tehꞈ-a. Ngaˬ-euˬ zahˇ dawˬ kʼoꞈ dawˬ-ahˇ byehˇ dzeh gʼaˬ-euˬ-aˬ, zaˬ siˬ tsawˇ gahˇ aˬ geu jeˬ paˇ ahˇ nmˇ.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 7:26

Luˬ-iˇ seˇ-iˇ-eu jeˬ tiˬ hmˬ saˇ-iˬ tiˬ hmˬ keuˆ le-awˇ, doeˇ dui dui-eu gaˇ kawˆ deuˬ lawˇ gawˆ yoeˇ-eu loꞈ-ehˇ maˬ tsehˆ leˇ ni gaˬ keuˆ le tehꞈ-a. Aˬ yawꞈ maꞈ neh mawˇ taˬ-euˬ gaˇ kawˆ ehˇ nehˬ laꞈ lehˇ, Miˬyehˇ gʼaˇ duˬ ngehˬ dah-eu deuˬ-ahˇ naw maꞈ ya shaˇ tehꞈ-a. Piˇ ma deuˬ maˬ mehˬ maˬ tsoˆ nya-ehˇ pyeuꞈ-iˇ-awˇ, tsawˇ mawˬ tsawˇ kʼaˆ deuˬ maˬ ja noeˬ maˬ ja duˇ nya ni pyeuꞈ-iˇ tehꞈ-a.

Aaˇbaˬdiˇ 1:7

Nawˬ-ahˇ nui ma gm-euˬ deuˬ kʼawꞈ, nawˬ-euˬ miˇ kʼahˬ laꞈ nyiˇ nawˬ-ahˇ, teh dzeh nehˬ laꞈ gaˇ keuˆ tehꞈ-a. Nawˬ-ahˇ tsaˬ leˇ dzoeˇ leˇ-euˬ deuˬ, nawˬ-ahˇ guiˇ paˇ deuˆ gʼaˬ tehꞈ-a. Tiˬ gaˇ dzaˬ tiˬ gaˇ dawˇ-euˬ deuˬ, nawˬ-ahˇ lahˇ ju kʼmˇ paꞈ tehꞈ-a. Nawˬ neh dehꞈ dzaˬ-euˬ aˇ nah kʼoeˇ, aˬ gaˇ iˇ byoˆ jiˇ-euˬ nga lehˇ, aˬ yawꞈ maꞈ ehˇ gaˇ keuˆ tehꞈ-a.

Aaˇbaˬdiˇ 1:8

Eˬdoˬ miˇ kʼahˬ ngaˇ kʼehˬ ngeh nah, bym-eu deuˬ-ahˇ ngaˇ laˆ cawˆ-awˇ, zaˬ siˬ tsawˇ gahˇ laˆ byoˆ nehˬ ma.

Bawˇtsahˬ 13:22

Miˇ kʼahˬ kʼoeˇ kʼahˬ-euˬ laꞈ oˆ dzaˬ-ahˇ jeˬ huˬ le-awˇ, huiˬ dui goˇ dui dui-eu Aˬnaˬkaˆ tsawˇ jeuˬ-euˬ zaˬ deuˬ uˆ deuˬ pyeuꞈ-eu Aˬhiˇmaˬ aˇ jeuˬ, Sheˬshaiˇ aˇ jeuˬ hawˇ-eu Taˬlaˬmehˇ aˇ jeuˬ deuˬ jawˇ-eu Heˬbyoˬ meuˬ-ahˇ le keuˆ-euˬ meh. (Heˬbyoˬ meuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Zoˇnaˆ meuˬ taꞈ-ehˇ shiꞈ kʼoꞈ huˬ-ehˇ teˬ taˬ-euˬmeuˬ pyeuꞈ-eu meh.)

Gʼaˬkʼehˇ 7:22

Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.